Кнігу проста неабходна чытаць. Яе мова зачароўвае і не адпускае. А вось вам сюжэт:
Салдат адправіўся на вайну. Не таму, што хацеў, а таму, што так вырашыў кароль. У дзень галоўнай бітвы, калі “ усе валяліся мёртвыя”, ён не вытрымаў і кінуўся бегчы.
Кароль заўважыў адчайнае жаданне салдата выжыць і прызначыў сваім вестуном.
Падчас вайны ў родным горадзе быў прыняты новы закон: павесіць таго, хто прынясе нядобрую вестку. Вястун вырашае ілгаць і аб’яўляе пра перамогу. З гэтага часу прыгоды пачынаюцца не толькі ў салдата, а і ва ўсіх жыхароў горада.
Неверагодна актуальны сюжет для кожнага, хто жыве ў каралеўстве, дзе пануе Страх і Хлусня. Іх не адолець кавалерыйскай атакай. Да Плошчы Перамогі выпадае ісці па дарозе, дзе штодня неабходна перамагаць страх і адмаўляцца ад багатых дарункаў хлусні. Дзе нельга спыніцца, перавесці дух, перакласці адказнасць… Хто дойдзе?
«Плошча Перамогі» kitabının rəyləri, 1 rəy