Həmid Piriyev

Piriyev Həmid Məzair oğlu. 11.12.1990-cı ildə Bakıda anadan olmuşam. 112 saylı Pirşağı kənd orta məktəbində natamam orta təhsil alandan sonra təhsilimi 11 saylı Bakı Peşə Liseyində və Azərbaycan Dəniz Balıq Sənayesi kollecində davam etdirmişəm. 2011-ci ildən hekayələrim və tərcümələrim dövrü mətbuatda çap olunur. Uzun illər müxtəlif nəşriyyatlarla tərcüməçi kimi çalışmışam (hazırda yenə də əməkdaşlıq edirəm). 2021-2023-cü illərdə ARB kanalında redaktor işləmişəm. 2023-cü ilin sentyabrından Lənkəran Dövlət Dram Teatrında Ədəbi-dram hissə müdiri vəzifəsində çalışıram Altı kitab müəllifiyəm: "Şanapipik haqqında mahnı" (hekayələr, "Alatoran" 2016) "Sərçələr üçün poema" (hekayələr, "Alatoran" 2017) "Məğlub" (portret şeir-hekayələr və monoşeirlər, "Çardaq" 2021) "Balaca delfinin macəraları: Şüşədəki məktub" (nağıl, "BilgəBala" 2022) "Balaca delfinin macəraları: Maraqlı dərs" (nağıl, "BilgəBala" 2023) "Balaca delfinin macəraları: Xərçəngin xəzinəsi" (nağıl, "BilgəBala" 2023) Tərcüməmdə iyirmidən çox kitab çap olunub (Dostoyevski "Yoxsul insanlar", "Yeraltından qeydlər" və "Dayının yuxusu" povestləri, Volfqanq Borxert "Qapı arxasında", Alexandro Sambra "Evə qayıtmağın yolları", Karlos ruis Safon "Marina", Daniil Xarms "Qarı", Jorj Simenon "Meqrenin qəlyanı", Xorxe Luis Borxes "Xatirələr", Nehir Aydın Gökduman "Sirli Gizəm" trilogiyası, Necati Akbaba "Yer altındakı sirr" və s.)