Kitabı oxu: «Бабалардын баяны 2»
БУЛ КИТЕП ЖӨНҮНДӨ ОЙ
Өзүңүн жазган китебиң жөнүндө сөз жазуу өтө оор. Эмнеден баштарыңы билбейсиң. Бирок китебиң чыгып жаткандан кийин баяндама сөз да болуу керек эмеспи. Китеп кантип жазылды, эмне үчүн жарыкка чыгыш керек, ал китеп кимге керек? Жана башка суроолор туулушу мүмкүн. Көп эле китепти окугам алардын баяндама сөзүн башка бирөөлөр жазып беришкен эле. Окуучулар ал китепти окуш үчүн чылгый мактоолор менен коштолуп жүрүп отурат. Окуган адамга кандайдыр бир рухий дух бериш керек. Сени кайратка, бөлөп, жан-дүйнөңү көкөлөтүп бийик абалда алып жүрүш зарыл окшойт. Ошондо сенин жазган чыгармаңын ийгиликтүү болгону, мээнетиңдин кайтканы билинип турат. Бирок бир нерсе бар. Ал окуучунун окуучулук табитине, деңгелине байланыштуу болот. Мисалы үчүн баардык эле окуучулар улуу акын, жазуучуларыбыздын чыгармаларын толук түшүнөт деген ойдон алысмын. Мисалы жогорку филология окуу жайын бүткөргөндөр А. Осмоновдун же Ч. Айтматовдун, Ф. Достоевскийдин чыгармаларын толук жеткиликтүү түрдө түшүнөт деген ойду ойлогум келбейт. Алардын чыгармасын түшүнүш үчүн окуучулук бийиктик деңгеел билим керек. Баардык эле окуучулар Алыкулдун ырларын толук түшүнө берет деген такилипти айта албайм. Анын ырларынан ар бир окуучу ар башкача эргүү алат. Мен бул жерде окуучунун чыгармачылык даремети жөнүндө сөз козгодум. Анын даремети канчалык жогору болсо, окуган чыгарманын ошончолук сиңимдүү сынчыл көз карашта болоору талашсыз нерсе. Көп адамдар караандай турмуш менен алектенип жүрүп китеп окууну таштады, Ал адамда эч бир окуучулук бийиктик болбойт. Өмүрүндө карандай турмуш менен алышып жүрүп, бир китеп окубаган адамдар толуп эле жатат. Аларда кайдагы окуучулук сыпат, битйиктик болмок эле.
Эми кепти бул китеп жөнүндө айтайын. Биз совет учурунда төрөлүп ошонун тарбиясынын негизинде чоңойдук. Ал учурда ата -бабанын санжырасы, же ислам дини жөнүндө эч бир түшүнүгүбүз болгон эмес. «Дин бул- адамдын башын айланткан апийим» деген таризде чоңойдук. Же болбосо ислам дининин төгүнгө чыгарган атеизим деген окуу болгон. Совет доору урады. Ата бабанын санжырасы кайтып келди.Мурун санжыра ацткан кишилерди өзүмчүл адам дечүбүз. . Ал эми куран окуп, намаз кармаган адамда түшүнүгү жок эски адамдар деп эсептеер элек. Чындыгында андай деле эмес экен. Ата бабанын санжырасын билип алсаң, ал деле сага жаман болбойт тура. Ислам дини менен жүрсөң тарбияң жакшы болуп, жаман ишке барбайт экенсиң. Бул жерде мен эмне үчүн санжыра керектигин кыскача баяндадым.
Эми мен тее береги 1990-1992 жылдардын тегерегинде кол жазма менен айылдаштарыма эки китеп тараткам, экөө тең ыр китеп эле. Айрым жердештер аны окуган чыгаар. Кээ бир жазуучулар туулган жери жөнүндө чыгармаларында такыр кайрылбайт десе болот, алардын киндик каны тамган жери жөнүндө бир-эки эле ыры болот. Ошого туулган жер жөнүндө чыгарма жаздым деп каниет кылып, корстон болуп жүрө берет. Мен андай кылганым жок туулган жер жөнүндө төрт китеп жазайын дегем, буюрса үчөөн жазып бүттүм. Аларды кемчилдигин карап көрүп, оңдоп чыгара берсе болот. Ал китепти кээ бир адамдар окуптур. Ырахмат. Китеп болгондон кийин анын кемчилдиги болбой койбойт. Кандай чыгарма жакшы жаралат. Китеп жазган киши өтө көп окуган, окумал адам болуп, көп эмгектениш керек. Жашоо жөнүндө көз карашы болуп, ой жүгүртүүсү тунук, терең түгөнбөгөн мээнеткечтиги керек. Жөнөкөй адамдар сезе албаган нерселерди сезип турушу талап кылынат. Жалгыз эле кыргыз китептерин эмес, тиги жакта дүйнөлүк адабият турбайбы. Ошолор менен аябай терең тааныштыгың болушу абзел. Кыргыз адабиятын жаралгандан берки китептерди окуп чыгыш керек. Ошондон кийин гана кичинекей айылды төрт китеп кылып жаза аласың. Эгерде дүйнөлүк алабиятты билбесең эки-үч ыр менен эле бүтүп калаарың бышык, ары жакта оргуган кенчиң болбосо эмнени жазмак элең. Түгөнбөгөн жазма өнөрүң болбосо, бир барак кагазды толтуруш деле азап болуп жатпайбы. Дагы бир маселе. Эми китеп кандай жазылды анын тагдыры ошол жактан чечилет. Бул эң эле жооптуу суроо. Мен кээ бир адамдар менен аңгемелештим алар айтты: « Бизди өтө аз жазыпсың, көп жазышың керек эле, тигил шоңколорду мактай берипсиң, андай болбойт. Бүтөбайларды макташың керек болчу, баланчаны эң эле аз жазыпсың, эмне үчүн китебиңди мага бербейсиң? Жана башка ушундай ойлор көп айтылды. Шоңко, уралы туугандарыбыз деле биздей адамдар, аларды деле мен көп мактаганым жок. Болгонун эле жаздым. Эми бүт баардык адамдарды мен кантип жазып чыгам, анда китеп болбой калган жатпайбы. Андай болушу мүмкүн эмес, балким кээ бир омоктуу адамдар жазылбай калгандыр аларды кошсок болот. Мен айылдаштарымы Акаев менен Бакиевдин азаптуу учурунда жаздым. Ал учурда адамдар айлы жөнүндө ыр жазуу эмес ачкалыктан курсагымы кантип тойгузуп тирүү калам деген абалда болчу. А мен ошол ачкалыкта ун жок, нан жок кезеңде кубануу менен жердештеримди ырга сала бердим. Биз ал кезде жарыбаган кичинекей маяна үчүн арак, ун, шекер, чай алып калганбыз мындай азаптуу абал бир канча жылдарга созулду. Ал кезде заман оңолбой эле оңкосунан кеткен учур болду. Акыры эки желмогузду өлкөдөн кууп чыгып, эми кичине заман оң жолго түшүп келатат. Ал кезде каражат жок айылга да баруу мен үчүн тозокко турду. Мындай кезде адам-адамды, тууган-тууганды карабай, байлыгы бар кишилерди айланчыктоо башынан эле келе жаткан көрүнүш эмеспи. Анан мен кантип ар бир кишиге китепти таратып берем. Дагы ошончо убактымы коротуп, машинкага басып бергениме ыраазы болсун. Ал китепти алган кишилерден же, окуган адамдардан деле эч бир кымындай жакшы сөз уккан жокмун. Бирөө дагы ырахмат айткан жок, кайра көоө албай аты калган жатат деп,текеберсинет.
Ар бир адам өзүнчө тарых, санжыра ошол үчүн колдон келишинче анча-мынча болсо да ошолордун образын берип, келечекке сактап калайын жердештерими ырга салайын деген эле ой.
Убакыт өтөт замандар жылып, адамдар картайып жок болот. Ошондо кийинки муун окуса деген эле ой турат. Мисалы биз мурунку адамдар жөнүндө эч нерсе билбейбиз, баарын унуттук, анан биз дагы ошондой болуп унутулуп калалыбы. Менин балалык күнүмдө элесиме сонун адамдар эске келет. Аларды биз таппай калдык, Бир жашап өттү, бүттү кетти. Кимдин ким болгону бизге белгисиз. Андай болбойт го. Чыгармада баардык адамдарды чылгый мактай берүү жарабаган иш, ага эч бир адам ишенбейт. Ар бир чыгармада тарбиялык маани-маңыз болуш керек, кийинки муун мурунку муундун жаңылыштыгын кайталабай жакшы адам болуш керек, ошол керек болуп жатпайбы. Мен чыгармада эч бир адамды жамандайын деген оюм болбоду, анын мага кереги да жок, болгону ирония, күлкү үчүн кичинеден чымчып өттүм. Ал эми кемчиликти айткан аты жок ырлар бар алар жалпыбызга сабак болот, ошол үчүн ошол кемчиликти кайталабай жакшы адам болушубуз керек болуп жатпайбы.
Ошондой эле китептин аяккы бетинде Беккулу атанын үч уулунун тукумдары жазылган тизме толугу менен киргизилди. Анда кемчиликтер бар кыргызда көч бара-бара түзөлөт деген асыл сөз бар эмеспи. Балким кээ бир адамдар тизмеге кирбей калган же туура эмес жазылган. Ошондой болсо да негизги тизме жазылды аны оңдоп алууга болот. Кимдир бирөө ошону оңдоп, толуктап, тууралап берсе гана. Анын атына ырахмат айтып, китепке киргизип коёт элек. Тизме эмес китеби жок, а деген санжырасы жок кыштактар толуп эле жатпайбы. Аларга жети атасын, жети атасын санжырасын билүү адамдык парзы эмес, аларга мындай ишти аткаруу кандай азап тозок. Муну бел байлаган киши гана аткара алат эмеспи. Ал эми китепти окуп алып, «мындай тигидей» деп айта берсе болот. Ал өтө жеңил. Жазганга караганда ооз эки сүйлөп сындаган алда канча жүз эсе оңой эмеспи. Керек болсо алар бул китептин кимге кереги бар эле деген ойду айтышы ыктымал.
Эми санжыраны окуу маселеси. Бизде деле кыркка чукулдап калган адамдар да жети атасын билбей жүргөндөр көп эле. Бар. Жети атасын сурай келгенде «биздин атабыз чымчык эмес беле дейт. Баса Торгой ата бар эмеспи» дейт. Ал адам «Сенсиң менин торгоюум» деген ыр бар эмеспи. Ошону эстеп, ошондон ал ата-бабасынын атын эстеп жатат. Жети атасын чымчык аркылуу элестетип алган. Кээ бири айтат «Кара көйнөк биздин эченчи атабыз» дейт. Бизде кара көйнөк деген атабыз болгон эмес. Өзүнүн ата-теги жөнүндө эч бир түшүнүгү жок. Алардын жети атасын билүү, билбөө өз эрки өз маданияты, же билбесе билбей эле койсун. Бирок өтө улгайып калган адамдардын эсине жети атасын билүү парзы сөзсүз эсине келет. Ошол улгайып калган учурунда санжырага кызыга баштайт. «Мен ким элем, ким болдум?» деген ой туулат…
Эми экинчи китеп жөнүндө баян кылайын. Китеп Ырыскан атадан Беккулу атанын уулдарынын Көңдөй жерине көчүп келгендигин ыр менен баяндап бердим. Жаш келечек муундар ошол санжыраны да билиш керек. Ошол үчүн ал санжыра да.
Бул үч китептин жаралышына кызым Жылдыз Абакированын эмгеги аябай зор. Китепти баштан аяк редакциялап, уйкаштыгын келиштире көркөмдөп, толуктап оңдоп чыкты. Эгер анын эмгеги болбосо олдоксон уйкаштыгы жок бир китеп болуп калмак. Китептеги көп керексиз нерселерди такыр алып таштады. Ошондон кийин ушундай китеп жаралды. Ата: «Сизде музыкалык слух такыр жок ошол үчүн ырларыңыздын уйкаштыгы өтө начар» деп, мени уяткарып, аябай оңдоп кемелине келтирди. Мен ошондо уялып ыр жазбай эле койсом дегем. Бул китептерге дагы Айгүл Жүзөнованын эмгеги зор ал үч китепти карап кайра-кайра оңдоп чыкты. Ал: « Олдоксон жазылган ырды эч ким окубасын»– деди. Алардын эмгегин айта кетпесем болбойт. Ал эми баардык чыгармаларымды компьютерге басууда кичүү уулум Автандил Абакировдун эмгеги аябай зор болду. Эгерде ал болбосо, менин ишимиде кенедей жылыш болмок эмес. Анда ак кагазды карап жалдырап отура бермекмин. Ал бала кезинде жумуш иштеп, өзү кампьютер сатып алып, анан ишке киришкен. Менин чыгармаларымды жаза баштаган.
Муну жазыш үчүн көптөгөн санжыра китепти окуп чыктык. Баса үч китепти тең эчак эле тее илгери жазбадым беле андан бери канча замандар өттү. Андагы төрөлгөн балдар отузга чукулдап баратат.
Эми сөздү узарта бербейин калганын кийин сүйлөшө жатаарбыз. Баса бул китептеги жана өткөн китептеги кемчиликтерди айтып, же жазып берсеңер дурус болгон турат. Себеби ал кийинки чыккан чыгармада кайталанбаса болду.
Мен дагы эмнени айтайын дедим эле, мен улгайдым чачым ак чалды. Айлым үчүн Беккулу атанын тукуму үчүн колдон келе турган санжыраны жазып бердим. Алар ата-тегин билип, туулган жерин сүйүп, жашасын дедим. Колуман келген китептерди жазып бердим. Аларды көп китеп кылып чыгарыш өздөрүнүн эрки. Мен эч нерсе айта албайм. Санжырадан башка дагы менин көп иштерим бар: ырларым, жомокторум, поэмаларым, сатираларым, учкул сөздөрүм, мугалимдик чыгармаларым, достук тамашалар жана башка толуп-толуп жаткан эмгектерим. Кээ бир жерде мындай чыгармачыл кишилиерди эли колдойт экен бирок менин ага көзүм жетпейт. Анан тигил санжыраны чыгартып алыш алардын өз эрки. Ал болбосо, мен жазып берген машинка менен басылган кол китепти окуп жүрө беришсин. Менин тилегим ата-тегин билсе болду, андан башка нерсени деле каалабайм. Ал эми рухий маданиятын, байлыгын жогорулатуу ар бир адамдын өз иши.
Беккулу атанын урпактарына арналат
АК БАТА САПТАРЫ
Артыбызда калдайып
Тескей бийик тоо турат.
Алдыбызда бет жайып,
Атактуу күнгөй бу турат.
Үстүбүздө көрүнүп,
Төбөсү бийик көк турат.
Аяк жагы көшүлүп,
Төшү түктүү жер турат.
Эки тоонун ортосу,
Элетте пейпил жашаган,
Берешен жана бай келген,
Бек атадан тараган,
Көп учурду турактап,
«Көнөчөк» айлы бу турат.
Ата баба арбагы,
Айдыңдуу элин коргосун!
Элинин пейли ток болуп,
Эгем өзү жылоолосун!
Маанайын бай жараткан,
Мал жаны бар болсун!
Кыртыштуу жерден чогулткан,
Кырманына дан толсун.
Сапырылтып бышканда,
Сабасында кымыз болсун.
Сайроонунда жарышып,
Сабалаган суу аксын.
Очок эне алоолонтуп,
Коломтодон от кетпесин.
Жолдошубуз кыдыр болуп,
Жолубуз ичкербесин.
Байгамбардын батасы,
Бай менен жалчыга,
Байымы болуп бир тийсин.
Чогултуп баккан койлорун,
Чолпон ата колдосун.
Камбар ата карышкырды,
Кабалаңда жолотпосун.
Баба дыйкан, Жер Эне,
Ата турган таңды тоссун.
Ага- тууган арыздашпай,
Ар дайыма бар болсун.
Кыйын күндө оомат келип,
Кырсык капшап жолобосун.
Куу турмушка бир келдик,
Курсагыбыз ток болсун.
Кыдырып жүргөн көңдөйдү,
Кыдыр Алей Салам бар.
Жаралгандан ак үмүт,
Жар болуп жалгашаар.
Жаман ойлуу жоголсун,
Жакшылары көп болсун.
Урмат күтүп ата-эне,
Уул үйлөп, кыз чыгарсын.
Улууларын кадырлап,
Уул-кыздары сыйласын.
Эчен кылым келаткан,
Элинен бак тайбасын.
Айдыңдуу элде аты бар,
Арбактар тынч уктасын.
Арсыз бала жаралып,
Атага наалат кетпесин.
Кары-картаң чалдардын,
Каргышынан алыс кылсын.
Атадан жалгыз туяк бар,
Андан тукум улансын.
Энеден ырыс кетпесин,
Эңсеген ойго тез жетсин.
Атадан ыйман кетпесин,
Арбакты дайым эскерсин.
Жамандын капшабы,
Жаамы журтка тийбесин.
Жакшыны кудай колдосун,
Жашоодо аман бар болсун.
Арып ачуу жоголсун,
Ачка пенде болбосун.
Ак эмгек менен жашайлы,
Бирөөнү кор кылбайлы.
Карынын баркын сактайлы,
Жаштардан ыйбаа кылалы.
Бөтөн эл тынчты албасын,
Жергеме сук артпасын.
Бугу эненин арбагы,
Уул -кызына жол ачсын.
Торгой ата айдыңы,
Тополоңдо сактасын.
Беккулу ата арбагы,
Бекемиреек чеп болсун.
Үч атадан жаралган,
Көгөртүп бак сайган,
Көңдөйүбүз бар болсун!
Көөнөрбөй аман жашасын,
«Көнөчөк» эли дагы аман!
Түйшүккө салбай бу элди ,
Түбөлүккө бар болсун,
Түбү түктүү жер аман!
Жылдыздуу бу элди,
Жылган булут колдосун.
Көп үмүттү бул элди,
Көкө теңир коргосун!
Айлыбыз менен бир болуп,
Айдан аман чыгалы!
Жылдыздуу ойду жылоолоп,
Жылдан аман чыгалы!
Жараткан Кудайым,
Жалгамак сизден!
Кааданы күтүп,
Кабыл алмак бизден.
Оомийин!!!
***
Өмүр чиркин кыйма-чийме жол болот
Далай издер буйткаларда жоголот.
Жашоо безет, аны менен жол оошот,
Кеткен убак кайра бизге жолобойт.
Өмүр кайык толкундарга кезигип,
Өткөндөрдү эскергенге кез келип…
Баяндаган баскан жолун бабанын,
Бул китебим болуп калаар эстелик.
***
Сапар келип нени таптым жолумда,
Чирик дүйнө жыйыш үчүн келдимби.
Же болбосо бок курсакты тойгузуп,
Алкымды ачып күчтү үрөй бердимби.
Эмне кылдым, нени бердим өмүргө?
Өткөндү эстеп мурункуга кайрылам.
Аткардымбы калчу ишти көңүлгө,
Ал суроого жооп айта албай айбыгам.
***
Тоолордо түн. Караңгынын койнунан,
Толкуп-ташып күүсү угулат комуздун.
Акун ата чоң комузчу өттү эле,
Анын тапкан шаңгыр күүсү болбосун.
Комузчубуз черте берсин комузун,
Кылым күүсү биздерди жылоолойт.
Күүлөр, күүлөр бийиктикке оболойт,
Беккулу уулу андан баян козголот.
***
Жалгыз атчан жолочу,
Тешик Көлдө келатат.
Тепчип өтүп кыяны,
Темине атын камчылайт.
Жабыгып ырдап үн созуп,
Жамагын төгүп баратат.
Бу өмүрдүн өзүндө-
Ар бирибиз жолочу.
Жолду улап сапарлап,
Жомок таштап кетебиз.
Жол жүрүү оор экенин,
Жол нугунда сезебиз.
Арымдуу ушул жашоодо,
Ар бирибиз обончу.
Обого чыгып кайкыган,
Обон таштап кетебиз.
Айдыңдуу өмүр жаркыган,
Ар бирибиз комузчу.
Күн нурундай калкыган,
Күүнү таштап кетебиз.
Кайран өмүр бир келип,
Карааны учат калкылдап.
Жашообуз майда нерседей,
Бош кетпесин аңгырап.
Салт атчан жолочу,
Жар кыяда баратат.
Алдындагы боз жоргосун,
Ашыга улам камчылайт.
***
Эң биринчи өз атаң,
Андан кийин чоң атаң.
Баба деген үчүнчү ата,
Бул жагын сүрүп тактасаң.
Буба деген төртүнчү ата,
Муңая кепти баштасаң.
Муштум деген бешинчи ата,
Кубарың болот алтынчы ата.
Кубанып кепти тактасаң.
Жогортон кепти таштасаң,
Жото болот жетинчи ата.
Себепсиз сөз козголбойт,
Сегизинчи ата жете болот.
Байыртадан келаткан,
Бабалар сөзүн барктап ал!
Жети атаңы билип кал!
***
Түпкү атабыз Беккулу,
Түгөл кыдыр даарыган.
Улууларды туурагам,
Улама кепти улагам.
***
Эл башчысы Элеман,
Эзелкиден сурагам.
Калк атасы Калкаман,
Карыдан баян улагам.
Эселкилер өтүп кетсе,
Эми кимден сөз сурайм?
Карылар небак жол кетти,
Кандай кылып сөздү улайм.
Акындын пири Сары кыз,
Сары кыздан сөз сурайм.
Сап-сапка тизип сүйлөмдү,
Саргара жортуп жол улайм.
Теректин пири Байтерек,
Бизден сизге ким керек.
Теректей бой бергенче,
Теменедей ой керек.
Сапар кеткен жолочу,
Саргара жортуп берилейт.
Сабалатып тарыхтан,
Санжыра айтып чал келет.
Малдын пири Малабай,
Байыркы Көңдөй малга бай.
Малын союп жебесе,
Көнөчөк эли жардыдай.
Жердин пири Жер Эне,
Жергебиз гүлдөп турса ээ.
Кылымга тынчтык уланып,
Кылкылдап бакыт консо ээ.
Элдин пири Элеман,
Элге бакыт консо ээ.
Той берип журт кубанып,
Токчулукка батса ээ.
Жылкы пири Камбар ата,
Жылкычы алып атакты,
Жылгага кабар таратты.
Жылдыздуу уулдар төрөлүп,
Жылдарга жышаан таратты.
Кийик пири Кайып Берген,
Кайып Берген сак мерген,
Жандыкты ата бербестен,
Жалпыга бакыт тилеген.
Жаамы журтка бакыт тилеген,
Жамаке мерген сак мерген.
Куштун пири Буудайык,
Курбудан атын желдирип,
Куш салган калаар кубанып.
Кищи пири Адам Ата,
Адам Ата колдосун!
Ар дайыма жар болсун!
Үндүн пири Камбаркан,
Ыр, күү кылым арыткан.
Кымбат күүнү уккандар,
Кыйлага эргип кубанган.
Кайта уксак деп суранган.
Бакыттыкы Кыдыр Иляс,
Беккулу уулун колдосун!
Бакыттын өзү жар болсун!
Баланыкы Умай Эне,
Бешик термейт Жер Эне
Бешенеси жайнаган,
Балдар толсун жергеме!
Байыркынын учкул ою,
Бабырата уланган.
Суунун пири Сулайман,
Бизден эмес кудайдан.
***
« – Бугу эне тирүү»
Баатыр Балбайдын сөзү.
Качкынбай Осмоналиев. « Көчмөндөр кагылышы» деген романынан
***
«Беккулу атанын талы колдосун. Оомийи»!!!»
Темир –Канат айлынын бата тилегендеги ыйык сөзү.
***
Сан жылкылуу Сарыбай,
Миң жылкылуу Каптагай,
Биздин Бугу четте бай,
Алты Басаар Тагай бар,
Кара Көйнөк Канай бар,
Союл чабаар Саяк бар,
Көл башында көп Белек,
Көбүндө жылкы көрөсүң,
Канимет кылып жөнөөрсүң,
Каяша кылсаң өлөөрсүң!
Солтобай төкмөнүн ыры К. Осмоналиев. «Көчмөндөр кагылышы».
****
« Тоңдо Темир-Канатта Кара көйнөк аттуу кайындарым бар эле. Капканчы Ысабекке карай аттандым. Анын аңчылык ирети келип, Суусардан өйдө байланып турган учуру экен.
А. Акматалиев « Баба салты, эне адеби» деген китебинен.
***
Өткөндү унуткан киши алдыны ойлобойт,
Адам өткөнү менен келечегин боолголойт.
Эл макалы.
***
«Өткөндү унутпа, ал келечектин окуучусу».
Кытай Эл макалы
***
«Акмактардын акмактыгынан, жакшы адамдын жакшылыгынан үлгү менен окуучуларга билим пайда кылат. Жүрөгүндө оту бар жигиттер тарих билүү керек. Тарых билген адамдар мурунку өткөндөрдүн ал абалын көргөн сыяктуу билет. Тарых окубаса, гезит көрбөсө, илими болбосо, атасынын башын билеби!»
Осмоналы Сыдыков
Кыргыздын агартуучусу, улуу тарыхчысы
***
Билимдүүнүн билими жугат,
Билимсиздин чириги жугат.
Эл макалы.
***
Адам деген өмүр сүрбөйт түбөлүк,
Бабалардын баскан жолун сүрөлүк.
Анда-мында кобураша калганда,
Аталардын атын айта жүрөлүк.
АТАЛАР АТЫН СҮРГӨНДӨ
Аталардын баянын
Азыр айта баштайын.
Айдыңдуу тоодо мал баккан,
Алаш менин чоң атам.
Андан аркы бабабыз,
Акылман Көлөй карыя,
Кеби элге жарыя,
Кеменгер Көлөй карыя.
Сөзү элге жарыя,
Сөзмөр Көлөй карыя
Аңгемем ары уланат,
Көңдөйгө келген уулдары,
Көөнөрбөс атам Баястан,
Баястан эмес Бай арыстан.
Ушуларды айтайын деп,
Ойлонуп турдум жанатан.
Андан ары калтырбай,
Аңгемемди узартсам,
Дагы-дагы кеп айтып,
Дайнымы айтып уласам.
Каадалуу элден даңк алган,
Кара көйнөк аталган.
Жыргалаңда жашаган,
Жыгачтан уук жасаган,
Жылдыздуу атам Бүтөбай.
Берешен жана бай келген,
Берки атабыз ушундай.
Уңгусунан калбастан,
Уламалар уланат.
Сабалаган жылкыдай,
Санжыралар куралат.
Айдыңдуу уулдар тараган,
Атагы элге даңкталган.
Аркы атабыз Беккулу,
Акылдуу адам аталып,
Айта жүргүн ушуну.
Карааны тоодой көрүнгөн,
Кагылайын жан курбу.
Дагы эмнени айтайын,
Дайныман кабар тактайын.
Эл башкарып тың чыккан,
Эрөөлдө туруп кармашкан,
Торгой деген атанын,
Тоодой болгон атагын,
Топ-тобу менен айтайын.
Куржунга салып алып барган,
Кужулдагы чуу жарган.
Куржун деген атанын,
Батыра кетем атагын,
Баштап жазган ырыма,
Бабамдын жалгыз баласын.
Абалтадан келаткан,
Аңгемемди улантам.
Аркы атабыз Төрөкочкор,
Аталар жолун уланткан.
Бабабыз болгон Жамангул,
Эл багаар эле анык бул.
Андан ары Алсейит.
Анан дагы Мырзакул.
Айтайын деп баштаган,
Аңгеменин жайы ушул.
Бабалардын баянын
Бабырап айта баштайын.
Эч бир жерин ката айтпай,
Элестүү болсун баяным.
Тайсалдабай түз айттым,
Мен айтпасам ким айтат.
Санжыра билген киши айтат.
Калыстыкты так айтат,
Каада билген киши айтат.
Бабабыз болгон Орозбак,
Кыңая баскан мойну ийри,
Өңү сары, сөз билги,
Кылымга кеткен атак даңк,
Кылжырдан баян такталат.
Аркы Тагай атабыз,
Айбаттуу болгон эр болгон,
Эр уулу менен тең болгон.
Канча жоого намыз бербей,
Кадимки жолборс берендей,
Кармашта элин коргогон,
Өзгөгө намыс карматпай,
Өз элине чеп болгон.
Атанын эгиз уулдары,
Агуул жана Кууул,
Алардан тукум уланган.
Аңгеме айтам булардан.
Агуул биздин атабыз,
Алыста калган бабабыз.
Абалкыны жакындатып,
Алардан баян айтабыз.
Ак карлуу тоодо төрөлүп,
Атак даңктан чеп курган.
Душманга бербей намысты,
Туу алдында бек турган.
Кооптуу жерде алышып,
Коогалаңда чабышып,
Атанын жалгыз баласы,
Сыйлап көзгө басаары,
Доордун айтып тарыхын,
Долон бий өткөн дүйнөдөн.
Аңгемемди ары улайм,
Андан аркы атабыз,
Кыргыз-кыргыз болгону,
Кыргыз атка конгону.
Тайган эмес ырыстан,
Аркы атабыз Ырыскан.
Каадалу өмүр өтөгөн,
Карабагыш, Акбагыш,
Анан дагы Чоңбагыш
Акбагыш биздин атабыз,
Удеге менен кармашкан,
Намысты коргоп калмактан,
Нарктуу жолдон тайбаган.
Эли-жерин коргогон,
Элес айттым ошондон.
Кыргызды кыргыз кылып,
Кылымдар боюу сактаган.
Баян козгойм кайтадан,
Байыркы ата бабамдан.
Аркы атабыз Үрүмчү,
Айдыңдуу баян оболойт.
Ата-баба тарыхын,
Айтканым сонун кеп болот.
Мен булардын аттарын,
Санжырадан окугам.
Качанкыны кеп кылган,
Карылардан көп уккам.
Ушундайбы, башкабы,
Чын баянын ким билет.
Качанкы кеткен тарыхты,
Карылар аны эскерет.
Санжыраны билбеген,
Сай-сайда калып жоголот.
Жети атасын билбеген,
Жетип уул деп кордолот.
Ушуну менен бул айтаар,
Учкай кебим токтолот.
СӨЗ
Хан бектердин катаалдыгын айткан сөз,
Качанкы бир байыркыдан калган сөз.
Бал-балдардан балбылдата күү чалып,
Бабалардын баянын айткан дагы сөз.
***
« Ыр –сөздүн падышасы»
Элден
БАШКЫ СӨЗ
Тоолрдогу гүлдөрдү,
Топ-тобу менен чогултам.
Коолордогу гүлдөрдү,
Кооздугун карап отурам.
Алардын алып көрктүүсүн,
Жердештерге көрсөтөм.
Жергемдин көркөм экенин,
Жетине албай сөз бөлөм.
Кыргыздын асыл ойлорун,
Кымбаттарын чогултам.
Даана жазып бабаларды,
Дастан кылып отурам.
Аңгемем жакшы, жаманбы,
Аны билбей чочулайм.
Дастанымда баары бар,
Кайтыш болгон баба бар.
Кадырлуу өткөн кары бар,
Саймедиреп токтобос,
Санжыра айткан адам бар.
Каада күтүп мал баккан,
Кадимки Сыдыш абам бар.
Жанында аны ээрчиткен,
Жапас деген агай бар.
Үйрүнөн калбай келаткан,
Үсөнбай байкем дагы бар.
Эр эңиште байге алган,
Эчен-эчен шерлер бар.
Жумурай журтка таанымал,
Жумакадыр аба бар.
Койсойбостон Канай бар,
Дөөдөй болгон бу да бар,
Дайнын айтып отурсам,
Дагы канча жандар бар.
Атагы чыгып даңкталган,
Шоңколор багып мактаган,
Чоң жарышта байге алган,
Ала байтал күлүк да бар.
Дастанда баары бар,
Арпа Тектир, Ат Жайлоо,
Агалар баскан айдың бар.
Кара Каман, Чатыр Таш,
Каадалуу жайлоо Сорок Таш,
Алды жагы Калак Таш,
Жамырап өткөн жалын жаш,
Жалын өмүр кайрылбас,
Жайнаган сонун жерлер бар.
Окугандар дастанды,
Баардыгына кабылат.
«Жараткан кудай алла»– деп,
Жан дүйнөсү жаңырат.
Көрүнбөй кеткен бабанын,
Көбүн эстеп жаш алат.
Окугандар дастанды,
Кең дүйнөсү ачылуу,
Бапырап өткөн таалайлуу,
Балалыкка кабылат.
Баё кезин сагынат.
Көөнөрбөс жерге тартылып,
Көзүнө мөлтүр жаш чаят.
Аралаган дастанды,
Туулган жерге тушугат,
Ата-баба сапар өткөн,
Адырларга жамгыр төккөн.
Кайрылбай өткөн мезгилге,
Бу дастан сени жолуктурат.
Туу жондордун сүйкүмүн,
Туулган жердин наз гүлүн,
Тунжураган айлуу түнүн
Көрсөтүп жүрүп отурат.
Атыр жыттуу абасына,
Ак кар баскан аскасына,
Айдың көлдүү жактарына,
Азгырып жүрүп отурат.
Жон-жондогу чабандын,
Жети атасын таптырат.
Күлүктөрүн жарышта,
Күйүктүрүп айдатат.
Кара- Каман, Чатыр-Таш,
Каадалуу жакка алпарат.
Карыга баян айттырат.
Дастанда баары бар,
Айдыңдуу Акун атага,
Алпарып комуз черттирет.
Майданда өлгөн эрлерден,
Маанилүү маек эшилтет.
Бул дастанды жаратуу,
Кыйын болду мен үчүн.
Уйкусуз өтүп кетти го,
Учурунда далай түн.
Жакын эле жердешимдин,
Жадымда жок аттары.
Эчаакы өтүп кеткендердин,
Атын билбей чаташтым.
Жазбайын деп дастанды,
Жаратпай айрып таштадым.
Жан дүйнөм тынчтык бербеди,
Жабыгып кайра баштадым.
Ошентсе да акыры,
Жашып кээде кайгырып,
Жазып бүттүм дастанды.
Издегеним не болду,
Ийгиликтер болдубу?
Дайындуу нерсе таптымбы?
Дастанга нелер катталды,
Эмнелер унут калды,
А эмнелер кирбей калды,
Анын баары такталаар.
Акыры жүрүп отуруп,
Биз иштеген ишибиз,
Жараткан кут кондуруп,
Жакшы жакка айланаар.
Ушуну менен силерге,
Айтаар сөзүм токтолоор.
Кайран өмүр бир кезде,
Кайып сызып жоголоор.
Бирок дагы жаштар бар,
Арткы жакта бакыт бар,
Жараткан деп дастанды,
Жазылды деп баардыгы,
Жайнаган ушул убактар,
Улама кез учурлар,
Айтылып далай кеп болоор
Унутулуп жоголбоор.
Канат кагып кыраан куш.
Бийиктикке оболоор.
«КЫРГЫЗ» ДЕГЕН АТ КАЙДАН КЕЛГЕН»
Калайманчыл башынан
Кара курттай жайнаган.
Кара кытай, калмакка,
Кайраты менен тең болгон.
Чамасы кетип, чарк кетип,
Чабышкан оң болбогон,
Кырларда атчан ойногон.
Кыргыз деген эл болгон.
Кыр кезип жерди жойлогон.
Кырды кезсе ушул эл,
«Кыргыз» деген ыйык ат,
Чыккандыр балким ошондон.
***
Кыргыз элдин Манасы,
Хан ордосу Таласы,
Кыргыз Ата жолун улаган,
Кулалы таптап куш кылган.
Курама жыйып журт кылган.
Тели куш таптап куш кылган.
Тентигенди жыйып журт кылган.
Кылымга атын чыгарып,
Кырк урууну кураган,
Кыр-кырлардан жоо кууган,
Кырк уруудан-кыргыз аты,
Чыккандыр балким ушундан.
ТҮРК АТАНЫН ДАРАГЫ
Сен байыркы түрк атанын тукуму экениңди унутпа!!!
Ага кайсы элдер кирет.
1.Кумук, Башкырт, Казак, Каракалпак,
Ногой, Кыргыз, Хакас, Алтай,Шор,
Шулум, Кара уйгур, Тува, Тара.
2. Уйгур, Өзбек, Якут, Авар, Сак,
Скиф, Көк Түрк, Хун, Болгар, Хазар.
3. Чубаш, Балкан Түрктөрү, Гагуаз,
Түркмөн, Түрк, Азербажан.
Татар, Карачай,Балкар, Карайым, Кыпчак,
Урум…
***
« Кырларда, кайыңдардын бетинде,
Тамга жокпу кыргыз балта чаппаган.
Өзөндөрдө, жылгаларда, сайларда
Кыргыз жокпу кыргын болуп жатпаган».
Байыркы кыргыз эл ыры.
БАБАЛАРДЫН ЖАҢЫРЫГЫ
(уламыш)
Эээй…
Эл жеримде айтылган,
Эзелкинин жомогу,
Эстеер киши болорбу.
Эээй…
Байыркынын жомогу,
Байыркы биздин бабабыз.
Эне Сайды жайлаган,
Ээн жерде жылкыны,
Элкиндетип байлаган.
Эээй…
Ошол кезде бабабыз,
Оролмо Тоону жайлаган,
Оролмо Тоонун бетине,
Оролтуп жылкы айдаган.
Арылдап өтүп кетиптир,
Андан бери көп заман.
Айдыңдуу элдин жомогу,
Атадан өтүп балага,
Жарыя болуп кетиптир,
Жалпы журттун баарына.
Эээй…
Санай, санай отурсам,
Сандарды кошуп толтурсам,
Санат жеткис жыл өткөн,
Сайлуу өтөктүн өзүнө,
Сабалатып жаан төккөн.
Сап-сабын айтып тарыхтын,
Санжырачы киши өткөн.
Аңгеме айтып баягыдан,
Акылман кары чал өткөн.
Эээй…
Ар түркүн ыр түзүп,
Амалдарды туурадым.
Бабаны ырга айлантып,
Байыркыдан курадым.
Бабын издеп сөз курап,
Башталмасын уладым.
Санжырбыз жазылган,
Китептерди карадым.
Абалкы өткөн бабанын,
Атын улам тактадым.
Кемчил болгон жерлерин,
Кээсин чийип таштадым.
Байыркы биздин бабабыз,
Үрүмчү аркы атабыз,
Эчкилүүнү жайлаган,
Этектен жылкы айдаган,
Ээр белдей белесте,
Элин коргоп жашаган.
Душман менен бетме-бет,
Далай болуп кармашуу.
Эл, жер үчүн күйүнүп,
Эркиндикти талашуу.
Бирде бийик көкөлөп,
Жанып учуп эрдиги,
Аларды айтып отурсам,
Айдыңдарды тактасам,
Ачып-жуумп колду санасам,
Бири чын да, бири калп,
Айтылганды тактасам,
Долон биздин атабыз,
Доордон кабар айтабыз.
Ошол жакта көп сөздөр,
Окуялар болжолдор,
Жобур кептен оошкондор,
Жоболоңдуу жомоктор.
Улуулардан калган сөз,
Уламада айткан сөз.
Карылардан калган сөз,
Калкамандар айткан сөз.
Ким көрүптүр мындайды,
Кийинки ырлар такталды.
Улуулар бизди үйрөттү,
Улама тарых айтканды.
Абалкынын баянын,
Айткысы келет жаш кары.
Уламадан кеп айтып,
Улаганбыз сөз жазып,
Куу атчан жолочунун,
Курсагы ачты азык жок.
Тамашалап жараткан,
Тагдырда деле жазык жок.
Ушул эркин тоолордо,
Укмуш-укмуш хан чыкты.
Калың журтту башкарып,
Кайратынан жан чыкты.
Ошол хандын соңкусу,
Ойротко даңкы угулган
Уланып далай кеп кеткен,
Урматтуу улуу Угуз хан.
Жоону жеңди каратып,
Жоокер жыйды такшалтып,
Арбын жашты өткөрүп,
Кайраты тайып баратты.
Кайтаар күнү жакынбы,
Же дагы азга жашайбы,
Карып калган чагында,
Көргөн экен бир бала,
Анын аты Бөйөнхан,
Бөйөнхандан Чаянхан,
Кылымга аты таанылган
Чаянхандан Кыргызхан,
Санжырабыз ушундай,
Ал күндөн кеп жаңырган.
Асыл жомок угулган,
А береги Кыргызхан,
Кыраан экен согушчан.
Кытйлаларга кол салган.
Кыргызхандын тарыхы,
Кылымга аты даңкталган.
Үрүмчү деген хан экен.
Үч уулу анын бар экен.
Үйөр белди аралап,
Үч айрылыш жол кеткен.
Үч күлүгү шай экен,
Үч азамат камданат,
Үчөө сапар аттанат.
Үчөөнө үч жол жатат.
Карабагыш, Акбагыш,
Анан дагы Чоңбагыш,
Жунгарлар менен кармашта,
Жуп-жуп болуп тартышта,
Карабагыш, Чоңбагыш,
Кайдадыр жакка кетиптир,
Кабабарын эч ким билбептир.
Калмакка кирип кеттиби,
Катуу азапты чектиби.
Кыр-кыргы айдап коркутуп,
Кытайлар аны эздиби.
Тууганынан айрылып,
Туңгуюукка сиңип кеттиби.
Тамашалап жараткан,
Тагдыр жолу кантти экен.
Эки тууган аты уйкаш,
Эми алардан дарек жок,
Ал жактан киши келген жок.
Ал кезде болгон кабарды,
Аңгеме куруп кеткен жок.
Атаңын көрү дүйнө бок.
Жунгарлар менен кармашта,
Журт чырмалды азапта.
Эрксиз жашоо уланып,
Эл тентиди туш-тушка.
Берки атабыз Акбагыш,
Анын уулу Ырыскан.
Ырысканды аркалап,
Кара жанын калкалап,
Теңир Тоого качыптыр,
«Теңир үмүт колдосун»-деп,
Тектүү ата жашаптыр.
Жар бойлогон кара атчан,
Жалгыз бала Карахан.
Атанын жолун улаган,
Адырдан чыгып желдирип,
Алгыр кыраан куш салган.
Эки бала андан бар,
Нойгут менен Ногой хан.
Ногой хандан төрт бала,
Көкчөкөз менен Жакып бай,
Чыйырдын аты калгандай,
Сабалата баштаган,
Санжырабыз ушундай.
Нойгут хандан тараган,
Ноюбас кепти баштаган,
Шыгай менен Акбалта,
Жоого каршы сом балта.
Шык жөндөмү арбыган,
Улама айтам алардан.
Арстан келсе арбашкан,
Жолборс келсе жоолашкан,
Акбалтадан Чубак бар,
Чатагы чыккан ой тоого,
Шыгайдын уулу Чынкожо,
Жердеген жери бийик тоо,
Жердин түбү Какшаал Тоо,
Нойгут деген эл болгон,
Ноюбас жери чеп болгон,
Андан бери токтобой,
Дайны чыкпай жоголуп,
Далай кылым сызыптыр,
Мемиреп гана оболой,
Мезгилдер жылып учуптур.
Чынгыз хандын чагында,
Ырыскан баба жашаган.
«Кошулуп бизге келгин»– деп,
Монголдор ага кеп салган.
Каарланган чыбашта,
Калк чырмалган азапка.
Бири куулуп Каңгайга,
Бири кеткен Алтайга,
Дагы бири безиптир,
Дайынсыз чоочун жактарга.
Улуулардан улаган,
Улама кеп уламыш.
Баяндаган бабалар,
Байыркы кепти улайбыз.
Курбалдаш адамдар,
Куттуу кепти улашат,
Байыркынын тарыхынын
Башталмасын сурашат.
Улама кеп, улама кеп,
Улуулардан калган кеп.
Улама кеп улама экен,
Улуулардан сураңыз,
Ары улап, бери улап,
Аныгын тактап кетишет.
Абалкы чакты эстешет.
ДОЛОН БИЙДИН
ЗАМАНЫ
Жон жондордо чогулган
Жомокторго келели.
Мындан аркы айтылаар,
Кепке кезек берели.
Качанкы өткөн заманга,
Кайра кайтып келели.
Атаңдын көрү дүйнө күн,
Андан башка не дейли.
Аркы атабыз Ырыскан,
Тайган эмес ырыстан.
Долонбий менен Домбулбий,
Ырыскандан жаралган.
Мындан аркы кебебиз,
Ошолордон башталган.
Окулялар ташталган.
Төрөлгөн дешет Долон бий,
Эне Сайдын жеринде.
Аккан дайра жээгинде,
Алкынып аккан чоң дайра,
Арт жагына акпас кайра,
Кылымга кеткен атагы,
Кыргыздын көзгө басаары,
Өзгө жанга чокутпай,
Өз журтун коргоп алаары,
Качанкыдан кабар алып,
Калың элин тактаары.
Санжырада айтылган,
Санат сөзү бир далай.
Эч нерседен тартынбас,
Эстүү жандын укмушу ай.
Бийик бойлуу жайдары,
Бүркүт тумшук абройлуу,
Акылга бай, так айтат,
Жазы маңдай айлалуу,
Жаралгандан таалайлуу.
Санжырада айткандар,
Ушул баба жөнүндө.
Учкай кепти чубашкан,
Уламаны улашкан.
Ал кездеги окуянын,
Чын төгүнүн ким билет.
Желип учкан токтобос,
Бийик тоодо жел билет.
Бир билсе жазмышта,
Аны айткан жан билди,
Аңгемени тыңшаган,
Аны уккан жан билди,
Абалата кеп кылып,
Жазмачылар чыгарды.
Жазылбай калган баяндар,
Жазмасы жок сөз калды.
Дололонбий көчүп жүрүптүр,
Аркалап бийик тоолорду.
Арымы кенен созулган
Аралап байтак жолдорду,
«Алдырбайм» деп ант берген,
Аңдып келген душманга,
Ак карлуу Ала Тоолорду,
Ай түнөгөн жолдорду.
Калмактар менен алышып,
Карлуу тоону жайлаган.
Жоо тартышта кансырап,
Жоболоңдон качпаган.
Акыл-эсти туу тутуп,
Айла менен кол салган,
Айланадан үн салып,
Ак жолборсу чамынган.
Эчаакы өткөн тарыхтан,
Эчен түрлүү кеп калган.
Бир кезде унут калгандын,
Билигин чубап чыгарган.
Ала Тоодо кыргыз эл,
Монголдор менен алышып,
Ат үстүндө чабышып,
Калмактар менен бет келип,
Маал-маалында тирешип,
Манжылар менен алышып,
Ат үстүндө чабышып,
Катарлаша бой салып,
Уйгурлар менен алышып,
Канча бир заман өтүптүр,
Кара тоого булуттар,
Калкылдап гана көчүптүр.
Андагы өткөн баяндар,
Акыл эсте калбаптыр.
Акыл эсте калса да,
Санат сөзү сызылып,
Санжырачы жазбаптыр.
Ээ…эээй....
Жунгарлар менен кармашта,
Желбегей тон жамынган.
Кажыбас күлүк таптаган,
Кара жорго ат минип,
Желпиништин тоосуна,
Жебедей учуп бат жетип,
Жеринде туулган намыска,
Күтүрөтүп мал күтпөй,
Андан көрө алыстан,
Алыш-бериш дос тапкан,
Каршылаш жоосун жибитип,
Аброй күтүп сыйлашкан.
Аралап бийик тоолорду,
Арка болоор бел тапкан.
Күнүмдүк жерге алкынтып,
Күлүктү тосту күйүккөн.
Күткөн жанды сүйүнткөн.
Айта берсе арбын кеп,
Долонбийдин тарыхы.
Эрөөлдө эл башкарып,
Баласы менен тең багып,
Барктай билчү башканы,
Ушуларды айтайын,
Унут кылып салбайын.
Ээ…эээй…
Колго түшүп калмакка,
Камыгып ал кармалган.
Каардуу бийди жок кылыштан,
Калмак жайсаң тартынган.
Ошол болгон кармашта,
Оң колу болгон жаралуу,
Айдыңы болгон бараңдуу,
Асыл башы айлалуу.
Өз жери, элин коргогон,
Өчпөгөн аты таалайлуу.
Баштай берсе арбын кеп,
Бабабыздын тарыхы.
Байкатпай өтүп кетиптир,
Байыркынын заманы.
Эээ…эээй…
***
Андан бери өтүптүр,
Экчеленип көп заман.
Дайындуу журт баянынын
Далайы эсте калбаган.
Ошол кезде кыргыздар,
Эне Сайды жайлаган.
Элкилдеп мал оттотуп,
Этекке коюун кайырган.
Кеңейип анын турагы,
Кем эмес эле башкадан.
Миң Суу деген өрөөндө,
Миң жылдары жашаган.
Ак кийизге отургузуп,
Акылман ханын шайлаган.
Кыргыз элдин тарыхы,
Кытайларда катталган.
Кара кытай ханы менен
Катарлаш болуп жашаган.
Ар дайыма алар менен
Алыш-бериш катышып,
Акылдуу иштер башталган.
Ошол кезде кыргызды
Ырыс инал башкарган.
Хан даражасы инал деген,
Ал ысымды эл берген.
Анан дагы кыргыздар,
Жолдун басып далайын,
Түбүнөн өтүп асканын
Миң Суудан, Теңир Тоого,
Жол арытып, көчүп жүргөн,
Салкын төрдө бээ байлап,
Бүт жумушун шай-шайлап,
Адырларда мал айдап,
Жыргап өмүр өткөргөн.
Анан дагы кыргыздар,
Өтө каарман эл экен.
Башкага намыс бербестен,
Уйгурлар менен кармашкан,
Калмактар менен алышкан.
Баарысына бой бербей,
Аз болсо да арстан,
Он жоокерин бириктирип,
Он башчы деген башкарган.
Жүз жоокерин кошуп алган,
Жүз башчы ага көз салган.
Баарысы тең биригип,
Аскери түмөн аталган.
Күрөштөрдө кайрат жыйган,
Күчтүү жоого тиш салган.
Аял, кызы каарман чыгып,
Эр жигиттей аттанган.
Эне Сайлык кыргыздарда,
Белгилүү болгон көп адам.
Барсбек каган баштаган,
Бал-бал ташта ысымы,
Байыртан калып жазылган.
Болгон экен бул окуя,
Ата баба баяны.
Абалкылар кайрылбай,
Андагылар артта калды.
Санжыраны сабалатып,
Санаганга сөз керек.
Андан башка айтканга,
Акыл жана ой керек.
Эне Сай суусу агууда,
Желип учуп сапырылып.
Элестүү болуп табылгыс,
Эң бир сонун жаратылыш.
Жайлоолор жатат көрк чачып,
Жайдын сонун бир күнүндө.
Маек куруп отурушкан,
Белгилүүлөр бир дөбөдө.
Ошолордун ичинде,
Санжырачы акылман.
Баардыгына каалоо тилеп,
Бакытка гана чакырган.
Белине жеткен сакалы,
Таяган эчак жүз жашты.
Элтерес деген карыя,
Мындай деген кеп айтты:
ЭЛТЕРЕС АТАНЫН БАЯНЫ
Береги биздин түштүктө
«Жажут мажут» эл экен,
Абдан тажаал эл экен
Адамдарды тирүүлөй,
Аймап-жаймап жейт экен.
Баш ийбеген элдерди,
Тирүүлөй белин сындырып,
Таштайт экен итине,
Ити аны жеп алып,
Киши жегичке айланып,
Көрсөтөт экен кордукту,
Салат тура зордукту.
Жүзү алардын курусун,
Жосунун кара түн урсун.
Ажыдаарды үйрөткөн,
Адамча баарын сүйлөткөн.
Сыйпап баарын жогокон,
Сыйкырчысы андан көп.
Кыштын күнүн жай кылып,
Жайдын күнүн кыш кылып,
Муз кылып катырып,
Жайчылары мындан көп.
Асмандап учкан көкөлөп
Түлкү, казды кара өрдөк,
Аңдып байкап жыт билген,
Кийикти күлүк кайберен.
Чек арасын кайтарткан,
Ар дайыма сак жаткан
Жамагатка таанылган,
Жалгыз көздүү дөөсү көп,
Найза, кылыч кармаган,
Балта чабаар мындан көп,
Атчан келген бааатырдан,
Жөө жүргөнү мындан көп.
Бир өгүздүн чоң санын,
Бир эле аймап жеп алат,
Ачуусу келип каарданса,
Алты күнү кармашат.
Алышкан менен баары бир,
Адамдын алы жете албайт.
Жоокерлерин курап алып,
Жолдогунун кыйратат.
Баш ийбеген элдердин,
Башын алып келатат.
Алдуулардын далайын,
Азапка салып келатат.
Түштүк жактан ошентип,
Сел каптап келатат.
Сезимдүү назик жандардын,
Сезин алып келатат.
«Жажут-мажут» эл экен.
Каптап кетсе сел экен.
Кары-жашты куйкалап,
Каарып жүргөн өрт экен.
Ошол өрттөн аман-эсен,
Кыргыз журту калабы?
Ал болбосо алы кетип,
Ар кай жакка качабы?
«Жажут-Мажут» эл экен
Бүт баардыгын караткан.
Алып-жулуп баардыгын,
Алдыга карай бараткан.
Адамдын алы жетпеген,
Учу кыйры кеп-кенен,
Кытайлар менен алышып,
Келе жатат кармашып.
«Жажут-Мажут» ал элден,
Чынгыз хан деген чыгыптыр,
Ошол элге башчы адам,
Далайы менен кармашкан,
Өзүнчө эле бир арстан.
Өз аты экен Темирчи,
Чоң курултай башкарып,
Анын жаны тыныптыр,
Чынгыз хан деп аталып.
Бир кары сурайт кеп салып:
– Чынгыз хан деген ким болгон?
Маанилүү тура баяның
Маек курчу ошондон.
Элтерес кары кеп салды,
Кеп салганда деп салды.
Мындай баян улады.
– Ошол Монгол ичинде,
Кыят тукумунан таралган
Курлас уруусу аталган.
«Жараткан» деп, өмүр сүрүп,
Жылдыз деген хан жашаган
Анын небереси Дайын Баян,
Кийин ошол хан шайланган.
Ошол эле уруудан,
Караганга ай чырайлуу,
Абдан эле акылдуу,
Алангү деген кыз болгон,
Ай периге окшогон.
Далай жигит көз салган,
Бирөө дагы ала албаган.
Дайын Баян ошого үйлөнөт,
Чоң той берип эл күтөт.
Дайын Баян мыкты жигит,
Уруусуна чеп болгон.
Монгол калкын бириктирип,
Андай жигит болбогон.
Улам-улам бириге,
Монгол калкы чыңалды.
Бытырап бирикпес,
Башка урууну чаап алды.
Кайрат күчтү чыңаган,
Башкаларга жол салган,
Мыкты башчы баягы,
Жазымышпы ал дагы,
Күндөрдүн бир күнүндө,
Ала кечки күүгүмдө
Дайын Баян каза табат.
Алангү сулуу акылман,
Арманданып жесир калат.
Жесир калып шор катат.
Аял эле эл багаар акылман,
Калың журтка көз салган
Ат үстүндө жаа тарып,
Албан ишти жазаган.
Кем эмес болуптур,
Баатырлыгы жолборстон,
Ат үстүндө кылычты,
Ары-бери ойноткон.
Күндөр жылып токтобой
Алдыга арыш алган.
Айлар алга ала салып,
Эки жыл өтүп арадан.
Жылдардын бир жылында,
Айлардын бир айында,
Койлор жуушап арыда,
Коктуда жаткан маалында.
Төгүп турат ай нурун,
Журт уйкунун чагында.
Алтымыш уукту чоң боз үй,
Алангү жаркын ойгонот,
Түндүк жабуу көтөрүлөт,
Сүйкүм ак нур жерге түшөт.
Өзүнөн өзү анан барып,
Түндүк жабуу жабылат,
Үйдү кайра тынчтык басат.
Ошол укмуш нур кубулуп,
Адам затка айланат.
Эмне болду бул укмуш,
Келин ага таңданат.
Жаралгандан ал келин
Көргөн эмес мындайды.
Бул эмне сыйкырбы,
Же болбосо башкабы?
Татынкай ак жуумал,
Көзү көк сары сакал.
Боюу узун далдагай,
Сыйкырлуу бир адамдай.
Нур адамга айланды
Баарысы тең тынчтанды.
Короо тынч, баары тынч,
Үйдү бейкут аркалайт.
Сүйкүм тарткан убакта,
Сүйүү учуру башталат.
Алангү аны менен
Түн боюу бирге жатат.
Айтып бүткүс махабат,
Ал экөөнү аралайт.
Жакшы учур аяктады,
Токтобой кыймыл уланды.
Адам нурга айланды,
Түндүк жабуу ачылды.
Нур болсо чыгып кетти,
Үйдү тынчтык каптады.
Түгөл тынчтык аралап
Түндүк жабуу жабылды.
Аял болсо көшүлүп,
Тынчтанып уктап калды.
Бир келди тунук сүйүү,
Көргөн эмес мындайды.
Бул сыйкырбы башкабы?
Нур менен Алангү,
Далай жолу катышат.
Махабаттуу ыйык түн
Анан барып аяктайт.
Мезгил өтүп акырындап,
Алангү болду кош бойлуу.
«Кантип бүттү боюна»,
Каршылаштар ойлонду.
Кээ бирлери жек көрдү,
«Көрсөтөбүз көргүлүктү»
Алангү жакын аялдарга,
Закым нурду көрсөттү.
Абысындар көрүштү,
Алоо нурду жанакы.
Асылгандар баягы
Ачылган оозун тып басты.
А балким бул окуя,
Жумушудур жараткандын.
Байыркынын санжырасын,
Баштагандыр жаратканым.
Ошол иш ошол болду,
Күүгүм кирди, таң атты.
Дайнын такыр билгизбей,
Далай убак кыр ашты.
Ошондогу жашыл нурдан,
Жумурай журтка таанымал,
Балким бир адам чыгаар,
Баардык элге таанылган.
Оо, ыйык жаратканым!
Баарысын тең жараткансың.
Акыл берип адамдарды,
Ай ааламга тараткансың.
Алангү деген береги аял,
Кереметтүү жашыл нурдан,
Түнүндө келген адамдан,
Үч баланы тууп алган.
Ошол келген жашыл нур,
Тукуму экен кыргыздын.
Закым нур болуп кубулган,
Андан тукум уланган.
Байыркы өткөн баянды,
Көрүп келген киши жок.
Эбакы өткөн аяндар,
Эчтеме менен иши жок.
Биз эчтеке билбейбиз,
Чынбы калппы бул жомок.
Эң улуу баласы,
Бугун Катаган болуптур.
Ортончусу Булан Жалчы
Кичүү баласы Буданчар,
Үчөөнөн чыккан тукумдар,
Арбун Будун деп аталган.
Байыркы атты чакырган,
Ушундай уулдар таралган.
Кыргыз тилге которсок,
Маанисин тактап ойлонсок,
«Закым нур» деп аталат,
Дал ушундай атты алат.
Алангүнүн ортончу баласы,
Буданчар деп аталар.
Санжырада айтылаар,
Андан эки бала бар.
Токо, Томо уландар,
Андан тукум уланаар,
Токо деген хан болот.
Токо улгайып өлгөн соң,
А дүйнөнү көргөн соң,
Уулу Дутма хан болот.
Бактысы учуп оболойт.
Өстүрүп сегиз баланы,
Өстөндү бойлоп отурган,
Сегиз уруу эл тарады.
Сегиз уруу ошол эл,
Санат сөзү көп болуп,
Сабалатып айтыла
Санжырада жазылды.
Сегиз уулдун ичинен,
Кайду деген тың чыкты,
Кайратынан кан чыкты,
Тиреше келген душманын,
Тизелетип санга чапты.
Кайдудан тукум уланаар,
Шукшурулган канат бар,
Андан чыкты Байшумкар,
Андай ары мындай деп,
Ата баба баянын,
Айта берсе арбын кеп.
Бүт журтту башкарган,
Андан ары Түмөн бар.
Андан Кабыл төрөлдү,
Журт башкарып барбайган,
Андан ары Эр Барбан.
Душманы уу берип жайлаган,
Кадимки Темирчинин атасы,
Журт башкарган Есугей,
Дайын болгон жалпыга,
Есугейден беш бала.
Кармагандан кан чыкты,
Ошол, ошол Темирчи,
Темирчи төрөлгөндө,
Жети күнү күн бузулуп,
Токтобой бороон согуп,
Кар аралаш жамгыр болуп,
Айлана такыр көрүнбөй,
Ак булуттар бери өтпөй,
Боз үйлөр солкулдап,
Жаман тамдар дагы урап.
Дарак башы кыймылдап,
Иттер үрүп ызылдап,
Жан-жаныбар үн салып,
Өзүнчө бир аламаат.
Жер титиреп кыймылдайт.
Ал бала алаканына,
Кан уучтап түшүптүр.
Кан уучтап түшкөнү
Адам көрбөс түйшүктүр.
Айласы куруп тап-такыр,
Аталар такыр таң калды,
«Ээ кудайым сакта»-деп,
Энелер эстен танды.
Такыр эле калп эмес,
Бул окуя чын экен
Санжырада жазылган,
Уламада айтылган.
Бийлик үчүн жол салды,
Кыр көрсөткөн душманды,
Кылыч менен кайсады.
Наркы, берки жоолорун,
Найза менен жалмады.
Ошол, ошол Темирчи,
Бүт Монголду башкарган.
Жоо болуп каршы чыкканды,
Жок кылып баарын жалмаган.
Ошол, ошол Темирчи,
Бийликке карай жутунду,
Баардык журтту башкарып,
Байлыкка карай кол сунду.
«Батпас эгем болом» -деп,
Баарына карай умтулду.
Чоң Курултай өткөрүп,
Чынгыз хан болуп аталды.
Анан каардуу, кандуу жол,
Ай ааламды каптады.
Жердин үстүн бүлүнтүп,
Жергеге бүт буй салды.
Узун бойлуу кең далы,
Жана дагы көзү көк,
Башындагы чачы сары,
Бабасындай ак жүздүү,
Чындыгында Чынгыз хан
Кыргыздын бир тукуму,
Эне Сайлык кыргыздар,
Ушул өңдө болуптур.
Чын эле чыгаар бир жагы,
А балким бул жомоктур.
Сабалатып баяндаган,
Санжырачы кеп салат.
Калпы чынын ким билет,
Баары ошондой катталат.
Барактарда жазылат.
Ушул сөздү айтып бүтүп,
Элтерес сөзүн аяктады.
Элдин баары таңданды,
Журт болсо ойго батып,
Этектерин күбүшүп,
Анан дөңдөн тарады.
Жердин үстүн буй кылып,
Каптап келет Чынгыз хан.
Баардык жерге өрт жагып,
Мойсоп келет Чынгыз хан.
Көргүлүктү көрсөтүп,
Жок кылып келет Чынгыз хан.
Акырындап айтып бүттү,
Элтерес ата баянын.
Санаркоо ойлор каптады,
Отургандын баардыгын.
Элтерес ата жомогу
Элдин баарын ойлонтот.
Каардуу душман келатат,
Капсалаңдап ойрондойт.
Чогулган эл түйшүктүү,
Чочулоо басты араны.
Этектерин күбүшүп,
Элдин баары тарады.
Убакыт такыр токтобой,
Жума өтүп күн жылган.
Баягы эле чөң дөңгө,
Баардыгы келди кайтадан.
Эл билгилер келишти,
Кенен жайып ортону.
«Калың журтпуз биз дагы
Кана эмесе ойлонолу.
Кылымдан-кылым жашаган
Кыргыз журту өтө азайган.
Табалы бир айланы,
Жоонун алдын тосууга,
Жоокерлерди чыңдайлы.
Күчүбүз такыр жетпесе,
Чынгыз ханга кошулалы.
Кырып такыр кетпесин
Кыргыз элин сактайлы».
Булуттар жамгыр төгүптүр,
Жарым жылдай өтүптүр.
Талап кылат эмнени,
Монголдон элчи келди.
Супатай баатыр баштаган,
Элчилер келди капталдан.
Конок кылып баатырды,
Кондуруп аны сыйлаган.
Баатыр анда кеп салган,
«Силерден салык албайбыз,
Арбын жигит бергиле,
Майданга аны салабыз».
Чынгыздан мээрим күтүп
Кыргыздар элчи даярдады.
Белек деген эмне экен
Берүүгө баарын камдады.
Алтын ээр токулган
Жал куйругу кап кара.
Ак боз атты тартуулашты,
Таң калыштуу байкаса.
Ошол тартуу ичинде,
Буту көзү кып-кызыл,
Кара шумкар бар эле,
Мээрими түшкөн адамдын.
Ок өтпөс темир тулга,
Асмандан түшкөн ыйык таш
Дал ошондон даярдалган.
Кесип туруп жасалган,
Адамдар карап таңданган.
Оң таптырбас атканда,
Жебеси бар жаалар.
Ок өтпөс темир тулга,
Кылыч менен найзалар.
Дагы, дагы башкалар.
Зергерлер аны камдаган.
Жалын менен сугарган.
Мыкты усталар усанган,
Даңкы ааламга тараган.
Ошол эле 1207-жылы
Жумадил баатыр баштаган,
Монголго сапар алып,
Чоң түмөн жолго аттанган.
Ал түмөндү Чынгыз хан
Эң алдыңкы сапка койгон.
Канча бир баатыр майданда,
Калың жоодо жок болгон.
Он жыл өтүп арадан,
Жоокерлер келбей калган.
Каза таап баардыгы,
Кайткыс жайга аттанган.
Ким эгерде жоодон качса,
Анын баары жок кылынган.
Беттешкен жоксуң душманга
«Качкын» айып тагылган.
Баш ийбеген жоокерлерди,
Ылдам башы алынган.
Тирүүлөй аны жылаңачтап,
Адам жеер итке ташталган.
Кан майдандан жашынып,
Качып-бозуп элге барган.
Баардык азап-тозоктун,
Бакисин журтка кабарлаган.
Арып келген качкындар,
Азаптын баарын айтышты.
Чынгыз хандын жоругу,
Чыдатпай жанга батты.
Монголдорго каршылашып,
Көтөрүлдү кыргыз эл.
Кылым самап келген эл.
Каарман эл экенин
Оңой эле жеңилбесин
Чынгыз хан да түшүндү.
Жеңилбес Супатай баатырды
Кыргызга каршы аттанты.
Эки күн болду чоң кармаш,
Чоң дайранын жээгинде.
Акыры кыргыз жеңилди,
Алы кетип бул кезде.
Калаймынды баштаган,
Карышкырдай Чынгыз хан.
Эчен эрди жайлаган,
Эркин кыргыз азайган.
Эне Сайда согушта,
Колго түшкөн Ырыскан.
Жана дагы көп жоокерлер,
Турткун болуп кармалган.
Эл башчысы Ырысканды,
Чынгыз ханга алып келишти,
Берсин деп ошол жазаны,
Калбасын деп арманы.
Чынгыз хан анда каарланды:
«Айтканын аткарбады
Монголдорго күч берүүгү,
Такыр эле жарабады.
Буйрам сага мындай жазаны».
Желмогуз кан ичеер,
Ошол кезде Чынгыз хан
Ырыскандын тирүүлөй
Кармап белин сындырып,
Киши жегич иттерине,
Салмак болчу ыргытып.
Бардан жок болуп,
Жоктон бар болуп,
Арбак даңкы козголуп,
Ошол турган топ ичинде,
Адамдын көзүн тез буучу
Жайчы менен сыйкырчы,
Көзү ачыктар бар экен,
Кордолбогон чагы экен.
Ата баба арбагы,
Аларды коргоп кеткен экен.
Бардан жок болду,
Арбак даңкы козголду,
Эл бийлеген адамдар,
Ырыскан жана башкалар,
Баардык ошол туткундар,
Чынгыз ханга карматпай,
Жаратканым өзү сактай,
Кайып болуп жоголду.
Дал ушундай иш болду.
Күндөрдүн бир күнүндө,
Ала кечким күүгүмдө.
Белине жеткен сакалы,
Улуу акылман Элтерес
Чоң дөбөдө баягы,
Акыл кебин баштады:
– Оо, жамагат кыргыз эл!
Байыркыдан келген эл.
Эне сайды, Теңир Тоону,
Элкин жайлап келген эл.
Ажыдаардай Чынгыз хан
Монго журтун башкарган,
Далайды кыргын кылып,
Канды суудай агызган.
Канча бир эрди жалмаган.
Тынч элди жөн койбоду,
Баардык жерди жойлоду,
Не кылабыз жок арга,
Ал жетпеди каапырга,
Ата баба сөөгү калган,
Байыркы кыргыз жашаган,
Теңир Тоо ыйык жергемде,
Көп уруу кыргыз калды эле,
Паана кылып качкыла!
Ошол жакка баргыла!
Ыйык эл кыргыз тукумун,
Жоготпой сактап калгыла!
Акылдуу чал Элтерес,
Айтып берди көп баянды.
Бул сөздү угуп кары жаш,
Качканга алар камынды,
Арманын айтып кайгырды,
Аталар көзүн жаштады,
Ал жетпес жоону каргады,
Эр жеткен уулун жоктошуп
Энелери кошок кошушуп,
Эл журтка айтып арманды,
Энелер жашын тыйбады.
Эчкирип улам ыйлады.
«Ажал деген тигил жакта,
Арбак каптап келатат.
Болбогонду болтуруп,
Болумуш каптап келатат.
Алмай-телмей суюлтуп,
Арман каптап келатат.
Кыргыз эли жоголбогон,
Кылымдык эл болгон.
Ажыдаардан жашынып,
Алыс жакка качкыла!
Чымындай жаныңарды
Чыркыратып жоого бербей,
Аман сактап калгыла!
Алыс жакка качкыла!
«Жажут-Мажут» эл экен,
Жакшылыгы жок экен.
Карабай калың журтту,
Каптап кетеер сел экен.
Алоолонгон өрт экен,
Ажыдаары бар экен.
Тиши кылыч, заары от,
Тирүү кимдер калды экен?
Кара Тоону аркалап,
Кара башты калкалап,
Текши баарың чогулуп,
Теңир Тоого качкыла!
Шаарларга от коюп,
Ыйык журтту жоготуп,
Медресе мечитти,
Мерчемдүү жерлерди,
Баарысын тең кыйратып,
Текши баарын каратып,
Чал-кемпирди ыйлатып,
Эр жигитти сулатып,
Караан жылып келатат.
Кайрымы жок эч жанга,
Каапыр жылып келатат.
Ач калтырыпп баарысын
Ажыдаар келип жеп салат
Т екши баарың чогулуп,
Теңир Тоого качкыла!
Агайын эл жаныңарды,
Аман алып калгыла!
Катүгүн кыргыз жок болобу,
Карып калган чал ыйлайт.
Армандуу карап үй-бүлөсүн,
Ак жоолукчан келин ыйлайт.
Эртеңки күн не болот,
Элечекчен эне ыйлайт.
Капага батып солкулдап,
Кайың ыйлайт, тал ыйлайт.
Эне Сай менен коштошуп,
Өкүнүч айтып боздошуп
Долонбий көч көчүрдү,
Ыйык жерге сапар алып.
Кербендер сапар жөнөдү,
Ыйык жер Эне Сайда,
Алыс жакка бара албас,
Ат минип жүрө албас,
Кары картаң чал калды,
Кээ бир жаштар алардын,
Жанынан кетпей көз салды.
Кайгырып айтып арманды.
Караанын такыр көрсөтпөй,
Калың токой койнун аралады.
Көрүнбөй такыр бөтөн элге
Көмүскө жерде жашады.
Оо, жараткан Алла Тала
Кыргыз журтун сактай көр!
Алакандай кыргызды,
Аман алып кала көр!
Ошентип кыргыздар,
Ала Тоого көчүшүп,
Адыр менен өтүшүп,
Нойгут, Бостон уругу
Мундуз, кушчу, саруулар,
Кара багыш, моңолдор,
Көп аймакты аралап,
Көчүп келип жай алды,
Башкача жашоо башталды,
Убакыт өтүп арадан,
Ажалдуу жалын тараган,
Ажыдаар баарын аралаган
Чынгыз хандын жоокерлери,
Бул жерге келе баштаган,
Денеси бүт тарамыш
Боюу узун далдагай.
Жоболоңго бет келип,
Жоого кирген тартынбай.
Жекеге чыгып көп жолу,
Аңтара сайып таштаган.
Кандай баатыр болсо да,
Качырып тик барган.
Көк асаба туу алып,
Көпчүлүк жолду баштаган.
Журтту жоого алдырбай,
Элин коргоп тың жүрдү.
Жеңилбес баатыр аталып,
Жергеге болгон сүйкүмдүү
Долон бий аскер курады,
Колуна алып куралды.
Ысык Көл, Нарын тарабында,
Чоң согуш болуп кайтада,
Айсыз түн кез келсе,
Бир изин жаза баспаган.
Жакын болуп баатырга,
Жаныбарым акылман.
Келишимдүү жарыктык.
Маңдайында шамы бар.
Ата баба колдогон,
Капталында канат бар.
Долон бийдин Кара аты,
Кара жорго бар эле,
Ок тийип ат сулады,
Ошол ат өлгөн тоо,
Кара Жорго аталып.
Жебе ноёндун аскерлери
Бийдин элин куугундап,
Оргочор деген кыраан баатыр,
Монголдор менен кармашта,
Чырмалып катуу азапка,
Ысык Көлдө каза болду,
Анын сөөгү ардакталып,
Ошол жерге коюулду.
Ошол баатыр коюлган жер,
«Оргочор»– болуп аталды.
Оргочордун уулу Окторкой,
Да бир жерде каза тапты.
Окторкой өлгөн ал жерди,
«Окторкой» -деп аташты.
Эң байыркы ата салты.
Аялдар кошок кошушуп,
Эскерип ошол баатырды.
Абалап учуп асманга,
Айдыңдуу болуп арбагы.
Артында заты жазылып,
Ардакталып аты калып.
Байыркынын чыгармасы,
Ата баба санжырасы,
Дал ошондой айтылды,
Абалкынын баяндары,
Карылардан кептер бар,
Калыс айткан сөздөр бар.
Жазмаларда жазылган,
Сызууларда сызылган,
Жомогубу, же жазмабы,
Жаратып бир чыгарманы,
Байыркыдан кеп калган,
Дал ушундай айтылган,
Бир карыя айтты эле,
Дал ушунай баянды.
Кеп козгоп токтобой,
Кетип калган аянды.
Балким бардыр чындыгы,
Аңтарып ким көрүптүр,
Артта калган кылымды.
Ээ…ээй байыркынын жомогу,
Төгүн менен иши жок,
Көрүп келген киши жок.
Бүгүн турган эртең жок,
Эчтеме менен иши жок.
Монголдор менен кармашта,
Ошол куугун салгылашта,
Качып келет кыргыз журту,
Долон бийдин кошууну,
Көптүк кылып монголдор,
Алардын жолун тороду.
Долонбий деген чоң баатыр,
Журтуна сыймык ал багаар,
Монголдор менен кармашта,
Кадимки ыйык баатырча,
Каза тапты, ок тийип,
Казанагы оюулган,
Аруу сөөгү коюулган,
Калдайган тоонун бооруна.
Каркырадай жол улап,
Келгис болгон убактар.
Кербен болуп токтобой,
Кетип калган замандар.
Андагы өткөн тарыхты,
Аңгемелеер жайым бар.
Айланайын туугандар.
Долонбийдин жазааты,
Нарында белге коюулган.
«Бараандуу адам өттү»– деп,
Баяндап аны кеп кылган.
Ошол бел унут калбаган,
Ойдо бекем сакталган
Долондун бели аталып,
Долон деген ыйык ат,
Доордон-доорго жаңырып,
Добулбас болот кагылып.
Ошол белден өткөндө,
Эзелки ата бабаны,
Эске сала кеткиле!
Башталмадан баян айтып,
Байыркыны так айтып,
Уят болуп жаратканга,
Унут кылып кетпегиле!
Эчаакы өтүп кеткенди,
Эске сала эстегиле!
Кужулдата баян айтып,
Куран окуй кеткиле!
Эселкиден кеп айткан,
Эскермеси дагы бар.
Бапырата кеп айткан,
Башталмасы дагы бар.
Эээ…эээй…байыркынын жомогу
ДОЛОН БИЙДИН ҮЧ УУЛУ
Мен силерге айттымбы,
Долон бийдин баянын.
Эми айтып беремин
Үч уулунун аянын
Анан анан токтобой,
Агылып мезгил өтүптұр.
Дайны чыкпай жоголуп,
Далай жылдар көчұптұр.
Бий орто жаш чагында
Бирге болуп эли менен
Көчүп кыштап белдерди,
Мелмилдеген суу кечип,
Мекендеди тоо жерди.
Долон бий дагы кайгырды.
Бала көрбөй далай жыл
Ичинде жүрдү кайгынын.
«Көрөмбү» деп баланы,
Башка жактан кыз алды.
Боюна бүтүп жарынын,
Төрөөр күнү жакындайт.
Бир күнү зайыбы,
Мындай деген кеп таштайт:
«Эртең-бүгүн төрөтүм,
Кызганып турам өзүңдөн.
Адырга жылкы кайтарып,
Ал жакка кеткин бет алып»,
Чарчап икалган ал ата,
Адырга жылкы кайтарды,
Ак боз үйлөр алыс калды.
Көзү бирок айылда,
Бакыт менен таалайда,
Аңгыча чаап алкынтып,
Атчан келди бир бала.
–Уулду болдуң абаке!
Мунун өзү бакыт ээ.
Сүйүнұп кетип Долон бий,
– Адыр жакта көрүнгөн
Ак торунун үйрүнөн,
Тогуз жылкы алгының,
Токтобой үйгө айдагын.
Айдап алып жылкыны,
Бала кетти үйүнө.
Кабагын ачып сүйүнө.
Убакыт көп өткөн жок,
Чай кайнамдай болгон жок.
Ак бозун чапкылап,
Келди башка чабаган.
Курган неме сүйүнө,
Кут төгүлөт өңүндө.
Жакшы кабар кеп айтты,
Жагалдана деп айтты:
– Ой, атаке, Долон бий,
Төлгөңүз топ болду,
Сакаңыз айкүр конду.
Бакытка байып толдуңуз,
Дагы бир уулду болдуңуз.
Атаке деер кош жылдыз,
Ачылып турат жолуңуз.
Бир эмес эки эркек,
Чоңоёт экен эркелеп.
Эртең эле эр жетет.
Жоо менен кармашат,
Намызды талашат.
Колуңузда эки куш,
Корунбай эми калыңыз.
Ала Тоого ай чыкты,
Ачылган экен бактыңыз.
Сүйүнүп кетти Долон бий,
Сүйкүмү элге жарыя.
– Сүнчүңө ай балам,
Тоо торунун үйрүнөн
Тогуз жылкы берейин,
Ажарың мага сүйкүмдүү,
Андан башка не дейин
Бир эмес эки уулум бар,
Аларга бакыт тилейин.
Аянып эми нетейин.
Кыбыланы каранып,
Жаратканга жалбарып.
Бата кылып Алла Таалага,
Жалынып турду бир азга.
Кубанып да шаттынап,
Тамагын кырып каргылданып.
Куу жоргону камчыланып,
Ашыга келди үйүнө,
Ала кечки күүгүмдө.
Туугандары тосуп алып,
Туш-туштан баары кубанып.
Бир кары айтты жылмая,
– Оң жагыңда бир балаң,
Ал оң деген атты алсын.
Сол жагымда бир балаң,
Ал сол болуп аталсын.
Азанчы чал карыяны
Тез келсин деп айттырды.
«Ат кой деди балдарга,
Чукулда той өткөрөбүз»,
Кабар тарайт калкыма.
Азанчы чал балдардын,
Экөөнө тең ат койду.
Жагымдуу бир иш болду.
Эне болсо сүйүндү,
Той берүүгө күтүндү.
Карын-карын май томуруп,
Аяктарды толтуруп.
Чакырды жакын коңшуну,
Баары чогу отурду.
Долон бий анда кеп салды,
Кеп салганда деп салды:
– Оң жагымда Агуулум,( Абылым)
Ойротто жок чолпонум.
Сол жагымда Кубулум. (Кабылым)
Солдон чыккан чолпонум.
Соолубасын оң колум.
Балапан кезде дем алып,
Оң бойрөктө жаралып,
Биринчи бала оң болду.
А экинчи баласы,
Сол бөйрөктө жаралып,
Аталышы сол болду.
Ушундай эле болмогу
Эгем аны улам колдоп,
Эң бир сонун иш болду.
Таалайы тукум уланып,
Тагдырда иш оңолду.
Аңгемечим буларды,
Айтканың сонун иш болду.
Оргуштап мезгил токтобос
Ошондо ошол иш болду.
Экөөсү тең ак өмүргө,
Улап кетти чоң жолду.
Алып учат тагдыр бул,
Андан башка болбоду.
Андан кийин төрөлдү,
Көзүн ачып жарык көрдү
Аты аталып Кызылуул,
Атагы кеткен даңктуу уул.
Өрүшү өсүп Кызылуул
Ичкилик болуп аталды.
Өйүз-бүйүз жерде жашады.
Ошентип үч баланын,
Кыйлага кетип атагы.
Кыргыздын атын чыгарды,
Куу уулдан тарагандар,
«Кудайым» деп сыйынгандар,
Тепчип өтүп кыяны,
Теңир Тоону айланат.
Тогуз урукка бөлүнүп,
Тоолордо өмүр өткөрүп,
Кээ бирлери жашаган,
Алыскы Кыйтай тарапта,
Бизден алыс аймакта.
Санжырага биз келсек,
Алыскыны эстесек.
Агуул менен Кубул,
Алышып бийлик талашкан.
Эл журт түшүп арага,
Эки ортодо чыр чыккан.
Кыргыз салты боюнча,
Бийлик тиет улууга.
Баардык бийлик Агуулда.
Мал-мүлк менен байлыктар,
Берилет да Кубулга.
Абалкыдан кеп козгоп,
Айтаар сөзүм ушул да.
Долон бийдин бактысы,
Аты уйкаш үч уул бар.
Үч күлүк минип алкынтып,
Үч кушту колдо талпынтып.
Үч жолочу жол кеткен.
Үч ырды тагдыр эстеткен.
Чын төгүнүн карыядан,
Сапар барып сурагам.
Бабалардын тарыхын,
Алыскынын аянын,
Башталмасын эстей кет!
Баян куруп, сөз түзүп,
Башкаларга айта кет!
Агуулдан тарап кетиптир,
Адыгене, тагай, моңоштор,
Ат арыткан боорлоштор,
Кыз да болсо Наалы эже,
Ит агытып, куш салып,
Билгич пенде аталып,
Белди айлана чаптырган,
Бел болуп элин башкарган.
Айдыңдуу ошол Наалыдан,
Арбын-арбын ыр калган,
Ырысын даңктап эженин,
Ырчылар аны мактаган.
Комузчусу ырдап токтолобой,
Кошулма күүсүн чыгарган.
Чоорчулар чоорлордо,
Чогулма күүсүн тараткан.
Шыйкыр конгон эжеге,
Шыктанып ыр арнашкан.
Агуул, Кубул, Кызылуул,
Бир атадан тараган.
Тепчип өтүп кыяны,
Теңир Тоодо жашаган.
Жолдо жортуп куулугу,
Кубул өтө шок болду.
Шок болбосо, жок болду.
Кара мүртөз жайы бар,
Бул баянды айтышкан,
Тээ байыркы карылар,
Сабында чындык бар
Санат сөздү салгандар.
Саймедиреп сөз курайт,
Санжыраны айткандар,
Байыркыдан кеп улап,
Байма-бай сөз чубап.
Токтололу Кубулга,
Кушчу, кытай, саруулар,
Куу атадан тараган,
Баяндарда айтылган.
Чарчабай жолдо сапарлап,
Чабдар атчан чабарман.
Агуул басмырт, төп болгон,
Шоктонбогон, токтолгон,
Аңыз кылып болгондон,
Аңгеме айтам ошондон.
Аркы өтөк жашылданып,
Арт жагында өмүр калып,
Үч бала бар Агуулдан,
Улуу тоого жол улаган.
Адигене, Муңуз, Тагай бар,
Айтылып ушул баяндар,
Жол көрсөткөн өз элине
Жолдош болду Наалы эже,
Кубулдун баянын,
Айтып көрсөк бир далай,
Каратал менен Каранай,
Адигенеден төрт бала,
Муңайбай өмүр өтөгөн,
Муңуштан дагы он бала,
Атак даңкы тараган,
Эң кичүүсү Тагайдан,
Болгон экен төрт бала.
Богорстон, Койлон, Кылжыр,
Карачоро анан да
Жашоого жол арытып,
Ак өмүргө жол тартып,
Жашап түштүк тарапта,
Көл аймактан алыста,
Адигене, Муңуштун,
Өмүр сүргөн тарабы,
Түз жер тоонун аймагы,
Кенен Чүйдүн тарабы.
Тагай бийдин тукуму,
Байгеге ат кошуп,
Атак даңкы угулду,
Айдыңдуу тоолор ажайып,
Ал жерге мал жайып,
Жолдор менен өтүүчү,
Конуп, түнөп жүрүүчү.
Кылымга аты таанылган,
Санжырада айтылган,
Ак баракка жазылган.
Сөздөн-сөзгө тараган.
Кылжырдан эки бала бар,
Бугу менен Сарбагыш,
Алардын да баянын,
Абалкынын аянын,
Аңгеме кылып айтабыз.
Башталмасын ары улап,
Баш аягын тактайбыз.
Эки уул Кылжыр атадан,
Тукум улап тараган,
Орозбакты, Дөөлөсбакты,
Орозбакты көлдү ээлеген,
Ошол жакты жердеген,
«Байыркы баба жери»-деп
Түзөң, тоону мекендеп.
Бүркүт учкан оболоп,
Чоң Кемин менен Көк Ойрок,
Дөөлөсбакты ата жашады,
Жайлап жана кыштады,
Токтоо бербей октос алыш,
Зуулдап учкан заманы.
Кылжырдын аты Сарбагыш,
Мойну ийри, өңү чекир,
Дал ушундай аталыш,
«Кылжыр»– деп аталыптыр
Ушул ат анан калыптыр.
Өргө карай бараткан,
Өмүрүбүз канча ким билет.
Куттуу тилек каалган,
Кудай гана бир билет.
Курап жазган ырымы,
Кудуреттеп сыйладым.
Учуп күйгөн ырыман,
Үнү угулуп ата-бабанын
Эээ.ээй…
Байыркынын жомогу,
Баштаса келеер оролу.
ТАГАЙ БИЙ
Теңир Тоону жайлаган,
Далай ыр калды Тагайдан.
Жол көрсөтүп бий болуп,
Жорго үстүндө чайпалган.
Жолун калбай арбытып,
Аргымак чуркап өткөндө,
Артынан шаң таралып,
«Эр Тагай бий өттү»– деп,
Элдер калчу каранып,
Богорстон, Койлон, Кылжырдан,
Ар уруулар тараган,
Узун жолду арбытып,
Уулдар чыкты жараган.
Анын тондуу балдары,
Саяк, Азык, Чериктер,
Коңурат менен Чертике,
Жол улаган берендер,
Ырыска салып Теңир Тоону,
Ыр таратып кеткендер.
Атактуу биздин Тагай бий,
Түндүк, түштүк тарапты,
Кыргыз турган аймакты
Бир хандыкка бириктирип,
Манас туусун көтөргөн.
Элдин эрки көкөлөгөн
Моголстан ханы болгон,
Хан Саидге каршы барган,
Аларды жеңип ала алган.
Улуу тоонун арстаны,
Учурунда аты даңкталган..
Ал кезде кыргыз борбору,
Барскон болуп аталган.
Андан кийин күн өтүп,
Алда нечен түн өтүп.
Кыргыздар менен моголдор,
Каршы туруп кармашты.
Моңол ханы хан Саид,
Чоң кошуунду кураган,
Ысык Көлдү жеегинде,
Кан суудай агылган,
Болуп өткөн чоң майдан.
Кыргыз колу аз болуп,
Жеңилип аргасыздан.
Тагай бий колго кармалып,
Кашкарга алып барылган.
Туткун болуп кармалган.
Могол ханы хан Саид,
«Кыргыз оңой эл эмес,
Жок кылуучу мен эмес.
Балее болот башыма,
Асылбайын арстанга,
Жок кылгандан жазганган.
Хан ордоодо аны кармаган
Элге журтка таанылган.
Аралап журттун баардыгын,
Албан ишти аткарган.
Хан ордодо таанылып,
Атагы Моголстанга таралып,
Кыргыз журтун башкарып,
Аты аталып ал жерде,
Кабары кеткен элине
Зулайка кызга үйлөнүп.
Аны менен бирге жашаган,
Аз убакыт өттү арадан.
Ай айланып жыл жылган.
Султан Саид Тагай бийди,
Аргасыздан бошоткон.
Кетееринде сапар алып,
Зулайка менен коштошкон.
Ала жазгы көктөмдө,
Ала Тоого жөнөөрдө,
Аялына кайрылган,
Аманат кебин таштаган:
–Аркалап жүрөөр таалайды
Курсагыңда бала калды.
Төрөлгөн чүрпөң кыз болсо.
Аны өзүң билгиниң.
А эгерим уул болсо,
Ак санаага куш консо,
Карачоро кой деген
Карачоро деген сөз,
Карадан хан болот.
Чоро деген жигит да.
Тагай бий берди кестикти,
Маа көрсөтүп келүүчү,
Уулумдун ушул белгиси.
Жолдошу болуп жанында,
Жолун улап сапарлаар.
Жолунан көргөн баянды,
Жобуратып мага айтаар.
Аман болсо Карачором,
Он экиге толгондо
Кайрат күчтүү болгондо,
Эр Семетей бабасынча,
Турагы түшүп санаасына,
Аттанып чыгаар сапарга
Ала Тоого жол келеер.
Аркалаган кубанычын,
Аңгемелеп айтып береер.
Нени көрсө бу өмүрү,
Жомок болоор өткөнү.
Анан дагы күн өттү,
Ала-сала ай көчтү,
Жылдар жылып жөнөштү.
Төрөлгөн ошол баласы,
Эркек болду кыз болбой,
Энчиге таалай конгондой,
Теңирдин өзү коргоду,
Чынында мындай болорбу,
Оодарылып жыл өтүп,
Ошол бала акыры,
Үмүт басып ортону
Он экиге так толду,
«Атакем кайда энеке?»-деп,
Акмалап сураар кез болду.
Кең Кашкардын калаасында
Калың бакча арасында
Балдар менен жарышып,
Карачоро ойноп жүрдү.
Кээ бир кезде сүйүндү,
Оңдуу жакшы сөз укпай,
Оюу такыр ишке ашпай,
Кээ биринде күйүндү.
Балдар айтты балага:
– Атасы жок баласың,
Талаадагы таштандысың.
Айлар өттү, жыл өттү,
Атаңды качан табасың?
Ага качан барасың?
Хан ордонун баласы эмессиң,
Сен чоочун башка жерденсиң.
Үйгө келип Карачоро,
Үн катпай жатып алды.
Эркелетсе энеси,
Ага көңүл бурбады.
Такыр үнүн салбады.
– Кагылайын береке!
Атам кайда энеке?
Айткының баардыгын.
Андагы болгон иштерди,
Ачыкка гана чыгаргын.
Эне болсо жашырбай,
Кеп салып байма-бай.
– Сенин атаң Тагай бий,
Ала Тоолук жан эле,
Мындан көп жыл илгери,
Өз жерине кетти эле.
Сен курсакта жатканда,
Төрөлө элек чагыңда,
Сага кестик таштаган,
Аманат сөзүн баштаган.
Он экиге толгондо,
Эс акылдуу болгондо,
Бөтөн элге кор болбой,
Бөлөксүнөөр тең болбой,
Ата баба жердеген,
Ала Тоого жибер деген.
Албан-албан ой менен
Акыл айткан кеп менен
Бир кездеги аянды,
Мага ушундай баянды,
«Айткының»-деп тапшырган.
Абалкыны калтырбай,
Аңгемелеп кеп салам.
Аманат сөздү аткарам.
Ошол иш ошол болду,
Ошондой иш болмогу.
Бир күнү бала түш көрдү
Уламалуу ал түштү,
Удаасы менен үч көрдү.
Улуу тоонун асманында,
Шумкарлардын арасында.
Шукшурулуп жүрүптүр,
Ары-бери толгонду,
Ал кубанып ойгонду.
Энесинин жанына,
Карачоро жакын барды.
Эмне көрдү түшүндө,
Эбиреп айта баштады.
– Атаң деген бий болчу,
Ал тегин киши эмес.
Кыргыз деген элиң бар,
Ал жөнөкөй эл эмес.
Көп кылымды арыткан,
Көп тарыхты карыткан,
Далай менен кармашкан.
Кан чыгара тартышкан.
Намыс бербей башкага,
Айбаты күчтүү ааламга,
Аскасы асман тиреген,
Ала Тоо аттуу жериң бар,
Ак калпактуу элиң бар.
Ошол жакта жашаган,
Көп заманды арыткан,
Кылым жашап келаткан
Кыргыз деген элиң бир.
Өксүбөсүн тарыхың
Өчпөй турган демиң бар.
Бала болсо, кеп угуп,
Байыркыдан уланган
Башталманы бүт угуп,
Ушунчалык кубанган.
Аттанмак болду сапарга,
Атаар таңдын алдында,
Арбын иш бар алдыда.
Жолду улап токтобой,
Жолго чыкмак сапарга.
Аманат берген белегин,
Атасы берген кестигин,
Энеси берди балага,
«Ала Тоо жерим сен кайда?»
Даяданып чоң сапарга.
Көрө элек жактарда,
Көөдөндө көп санаа бар.
Аман болсо ал бала,
Анын баарын аткараар.
Алгалап анан канат жаяр
«Тааныш турак кайда?– деп,
Тайгай бийге жетем»,-деп,
Тору атты токуп минип,
Жол менен желдирип,
Жалгыз бала келатты,
Карап коёт тарапты.
Адыр ашат, суу кечет,
Аңыз бойлоп жол келет.
Тору атын теминет.
Тору аты баспады,
Алыс жолдо чарчады.
Кантип жетем элиме,
Ала Тоо деген жергеме.
Карап коёт айлананы,
Бул баспаган тору ат,
Кетирет го айламды.
Өзү болуп торгойдой,
Аты болуп ыргайдай.
Жалгыз бала келатты,
Жабыгып жолун арытты.
Мына ошол мезгилде
Бир кызык иш башталды.
Бала дагы таң калды
Кара тулпар жетелеп,
Балага жакшы тилек тилеп,
Келип калды бир карыя
– Ме минип алгының
Тизгинин берип балага.
Колдоочусу элем атаңын,
Атаң эмес кыргыздын
Алыс жолго чыгыпсың,
Бачым жет туулган жериңе,
Байсалдуу болсун сапарың.
Эмне керек болкп калса,
Жардам тиле кудайдан.
Жалгыз жолго чыктыңбы,
Жардам береер ал саган.
Бараар жериң алыс жак,
Бат бастырып жеткиниң,
Мен дагы сенин өзүңө,
Аянбай жардам беремин.
Сөзү адамга жарыя,
Заматта эле карыя,
Көздөн кайым жоголду.
Кайыппы же сыйкырбы,
Таң калып бала ойлонду.
Кара тулпар укмуш ат,
Капталында канат бар.
Алыс жолго тапталган,
Алкынып турат жаныбар.
Мындай атты көргөн эмес,
Ушундай жылкы болот,-деп
Ал ойлоп койгон эмес.
Минип алып тулпарды,
Алыс жолго аттанды.
Канаттары жазылып,
Асман менен кайкыды.
Улан болсо кубанып,
Улантып келет сапарды.
Адыр ашты, жер басты,
Канчалаган тоо ашты.
Кара тулпар жаныбар,
Чарчаар түрү көрүнбөйт.
«Баскының» – кайраттантып,
Алыста жол бүлбүлдөйт.
Муңдуу чөптүн үстүндө,
Булуттуу көктүн астында,
Сызып барат ал тулпар,
Сыйкырдуу укмуш жаныбар.
Сапар тартып келатты
Бир бала чыкты жолунан.
Арып-ачып ачка болгон,
Аш-тамактын жогунан.
Башынан өтүп көп азап,
Болгон өңдүү селсаяк.
Башынан өткөн окуяны,
Баардыгын тең кабарлады
Карачоро ал баланы,
Ушунчалык аяды.
Кара атка учкашып,
Экөө сапар келатты.
Адыр ашты, бел ашты,
Эчен-эчен жер басты.
Кара тулпар келатты,
Кээде жаят канатын.
Тоону ашат, бел басат
Токтотподу сапарын.
Жол арытып келатып,
Жолукту ага бир бала.
Өңү ушунча чарчаган.
Азыгы да жок калган.
Башынан эмне өткөнүн,
Карачорого кеп салган.
Жээр тамагы жок болуп
Ачка болуп, ток болуп,
Аябай жаны кыйналган.
Үч бала сапар келатты,
Адыр ашты бел басты.
Күркүрөгөн суу кечти,
Ашып өтүп белести.
Үчөө сапар келатса,
Жолукту ага бир бала.
Такыр эле алы жок,
Кан сөлү, дарман жок
Чертип койсо тоголонот.
Таштаса өлүп жок болот.
А береги үч бала,
Ал уланга боору ооруп,
Кошуп алды жанына.
Төрт жолочу биригип,
Бирге чыкты сапарга,
Кара тулпар алдында.
Мына кызык тамаша,
Ошол кезде пайда болду,
А баягы чал кайра.
Жетелеген бир атты,
Балдарга аны карматты.
Капталында, канат бар
Кем эмес кара тулпардан.
Алкынып турат жаныбар.
Эки атты минип алып,
Төрт бала сапар жөнөдү,
Барчу жери алыс жак,
Жонок менен өрдөдү,
Ашып өтүп чоң дөңдү.
Сапар жолду арбытып,
Аттамак чыкты кыядан,
Айланып өтүп аскадан,
Аттарында канат бар
Жол улап келет төрт бала,
Үмүтүм бар төрт гана,
Ачка- токту бүт көрүп,
Арып келет төрт бала.
Кабалаңдуу күндөргө,
Калып келет төрт бала.
Муңдуу чөптүн үстү менен
Булутту көктүн асты менен
Жолочулар келет сапарлап,
Асман менен баратып,
Алды жакты карашса.
Жайнаган боз үй көрүнөт.
Алкынып келип суу агат.
Адыр түзөң кайкыда,
Ар түркүн мал жайылат.
Балдарга жакындап,
Бүркүт учат куш учат.
Алар менен жарышып,
Төртөө кетип баратат.
Алдыда созулган,
Айыл калат агарган
Агын суу калып алкынган.
Өмүр өтүп жаткандай,
Баарысы калат бүт калат.
А балдар сапар токтобой,
Алар кетип баратат.
Айылга жетеер кезде
Кайып ата пайда болду.
Төрт баланы карап туруп,
Жылмыңдап күлүп койду.
– Өз жер жаңы конушка,
Жеттиңерби балдарым.
Өмүрүңөр бар болсо,
Көрөсүңөр баардыгын.
Аттарды кайра бергиле,
Тайгай бийге баргыла,
Не окуя болгонун,
Баарысын айткыла!
Эки атты жетелеп,
Кайып ата жоголду.
Жуумп көздү ачканча
Ошондой иш болду.
Балдар болсо токтобой,
Түзөң менен арылады.
Ары жакта жайнаган,
Боз үйлөргө бет алды.
***
Төртөө жүрүп отуруп,
Тагай бийге келишти.
Таазим кылып жүгүнө,
Ийлип салам беришти.
Тагай бий тосуп аларды,
Отургузду жанына:
– Кана балдар келиңдер,
Не окуя болгонун
Маа кобурап бериңдер.
Улуу бала кеп айтты,
Кеп айтканда деп айтты:
– Атым Ырай болуучу,
Түпкү уругум саяк,– дейт,
Атам болгон Байыш,-дейт.
Атам өлүп калган соң,
А дүйнөгө көчкөн соң,
Менин энем Маниса,
Сулуусу эле аялдын,
Жары болду башканын,
Чыгып алды турмушка,
А мен аны жактырбай,
Нааразы болдум ушунча,
Башыма каршы болду өгөй атам,
Каршылашып дүйнөдө кайда батам,
Бараар жакты биле албай,
Сизге келдим сапарлай,
Тагай бий анда ойлонуп,
Ары бери толгонуп,
Мындай деген кеп айтты,
Кеп айтканда деп айтты:
–Тукуму болот экенсиң,
Саяк журттун алыскы,
Уруусун жойбой баланын,
Каршы болуп өгөй атаң,
Көрбөгөндү көрүпсүң.
Жашоо деген азап болот,
Баарысынан өтүпсүң.
Саяк деп аны атады,
Сапар келген ал бала,
«Саяк» деген атты алды.
Даңктуу уулум болгун,-деп
Ата берди батаны,
Өз ичинен кубана,
Тагай бий сылап сакалды,
Дагы бир уулду болдум,-деп,
Жаны анын жай алды.
–Эми сен бала сүйлө,– деп
Экинчи уулга кайрылды.
Чердейген бала ашыгып,
Чекесин улам кашынып,
Башынан өткөн тарыхты,
Бапылдап айтып кеп салды,
Кеп салганда деп салды:
– Менин атам Домо,-дейт,
Кашкардын жанындагы,
Кара Корун шаарын салган.
Уруусу анын кыпчактан,
Урумга кеткен аталып,
Узун элге кеп болгон,
Кыйла журтка даңкталып
Кылымдык шер болгон.
Атакем эл алдында,
Айдыңы чыгып көгөргөн,
Атамы сарт тукумдар,
Азгырык менен өлтүргөн.
Алтынымдан айрылып,
Ак шумкарым талпынып,
Арманданып шаңшыган.
Тигип койгон терегим,
Күү чыгарып зарланган.
Аянычтуу үнүн угуп,
Асыл жаным азаптанган.
Атакем менин дарыям,
Агыны күчтүү олуям,
Дарыям акпай солуду,
Асылыма не болду.
Канатым кайрылып,
Карааныман айрылып,
Азаптуу күнгө кабылгам,
Атаман кийин мени да,
Өлтүрүүгө камынган.
Түн жамынып билгизбей,
Туугандар мени качырган.
Ал тараптан качпасам,
Айрылмакмын бу баштан.
Ачка болуп калбайын,-деп,
Азык-түлүк артынгам.
Бал үмүттү бириктирип,
Балдар менен тең чыккам.
Ай чыкканын боолголоп,
Ала Тоого жол алдым.
Арманды да кубанычты,
Аркалады бу башым.
Өткөнүн эстеп ал улан,
Ыйлап ийди шолоктоп,
Балким эстеп жаткандыр,
Бала чагын ал жоктоп.
Тагай бий баланын,
Жообун угуп таңданды.
Жаны күйүп аяды.
Жанындагы баланын,
Кара чачын сылады.
Кайгылвнв кеп айтты,
Кеп айтканда деп айтты:
–Ай, балам ай, балам ай!
Асылым жанды кыйнаба.
Атаңын шейит болгону
А да болсо тагдыр да.
Ким эле алып жүрүптүр,
А дүйнөгө көчүрбөй,
Атакесин өлтүрбөй.
А да болсо жазуу да,
Баарысы тең өтчүдөй,
Ар нерсеге маш балам,
Алтын балам ыйлаба,
Кара башты кыйнаба!
Жаның аман барында,
Жакшы күнүң алдында.
Сени баккан атакең,
Жоо колунан мерт болсо,
Аркалап алыс качканда,
Азыгың жолдо бар болсо.
Кор болуп бир жаның,
Кордукту көрдүң кезинде
Арка кылаар тирегиң,
Атаңы бердиң ээсине.
Ардагыңан айрылып,
Азапты көрдүң жашыңда.
Ак жолго чыгыпсың,
Азыгың болуп жаныңда.
Анда атың «Азык» болсун,
Ак башыңа бакыт консун!
Ар дайыма көөнөрбөс,
Жакшылыкта гүлдөп өс.
Жайлоо болсун конушуң,
Жакшы болсун жолдошуң.
Ала Тоонун койнунда,
Аман-эсен болсун-деп,
Качып келген балама,
Каалар сөзүм ушул да.
Элиң сенин тирегиң,
Кана эмесе оомийин!
Бий сүйлөп токтолду,
Билгизбей көпкө ойлонду.
Үчүнчү бала кеп салды,
Кеп салганда деп салды.
Карачоро анын аты,
Энеси берген кестикти,
Тагай бийге карматты.
Энем мени жөнөткөн,
Ээн тоолор тарапка.
Элиңи тапкын,– деп айтты.
Атаң сенин Ала Тоодо,
Аттангын деди ошого.
Атам жакка ашыгып,
Кестигимди жашырып,
Иликтеп тоолор тарапты,
Издеп келем сиз жакты.
Тагдыр мага айттыбы,
Таалай жолун таптымбы.
Бий алып кестикти,
Кайта-кайта карады.
Кестикти алып эсептеп,
Кеткен жылды санады.
Толкундана тамылжып,
Таалайлуу жылмая,
Таамай айтты буларды:
– Сенин атың Карачором,
Бир кезекте мен койгом.
Уулум келип калабы,-деп
Узун сабак ойлонгом.
Кашгар шаарда болгонума,
Өткөнгө серп салсам,
Оорду менен тактасам.
Он эки жыл оошуптур,
Ошондон бери санасам.
Он эки кыш болуптур,
Он эки жаз оошуптур,
Ошондогу жаш бала,
Он экиге толуптур.
Аманат айткан балама,
Амандаштым кайта да.
Ушул дагы бактымбы,
Бир эмес үч баламды,
Аман-эсен таптымбы.
Бактысы ашкан Тагай бий,
Баарынын өөп бетинен,
Керемет жанган чоң бакыт,
Кетпей турду эсинен.
Төртүнчү бала кеп салды,
Баштан өткөн азабын
Кыскача жай баяндап,
Айтып берди баардыгын.
Ата-энем өлүп калган соң,
Аябай азап тарткамым
Бир өлүмдөн башканы.
Баарысын тең көргөмүн,
Сапар тартып көп жолдон
Көп жолу басып өткөмүн.
Бирөө эле чертип койсо,
Тоголоно кулап кетемин.
Такыр эле алым жок,
Таянычсыз з жашап келемин.
Уурутунан жылмайды,
Тагай бий анда кеп салды:
–Чертип эле койгондо,
Тоголоноор жайың бар.
Ал кетип, азап тартыпсың,
Айланайын каркыбар.
Мен сенин атыңды,
«Чертике» деп атайын,
Өзүңү такыр кор кылбай,
Бала кылып алайын.
Уруубуздун саны көбөйсүн,
Элибиз улам тез өссүн.
Каршы турган жоолорду,
Ылдам эле жоготсун.
Бүткүл элге таанылгын,
Бүт калкыбыз бар болсун.
Ал баланы башынан
Акырын гана сылады.
«Кагылайын берекем»
Жакшы көрүп жыттады,
«Төлгөм төп түштү,
Төртүнчү баламды,
Кудай берип таптымбы».
Дүңгүрөдү эл чакырып,
Энчи берип төртөөнө
«Төрт уулум төрт бутагым,
Ысымымды улаарым».
Үмүт кошуп күчүнө.
Жадырап жарпы жазыла
Тобу менен эл чакырып,
Адамдар такыр көрбөптүр,
Чоң салтанат мындайды.
Жылдыздуу төрт балага,
Төрт күлүктү мингизди.
Атанын ата экенин,
Ошондо бир билинди.
Урумга кетип атагы.
Уулдадан тукум уланды.
Саналуу атын чыгарып,
Санжыранын тарыхы,
Ошолордон куралган.
Бурулгус күндү элестеер
Бу баянды уккан адам.
Баяны бүттү төрт уулдун,
Башка улама башталат.
Көзгө элестеп башка жак,
Ким окуса аа жагат.
Анда эмесе пкугула,
Ата-баба санжырасын,
Көрүнбөс өткөн баяндар,
Көз алдыга жакындасын.
Жаралып башка уламалар,
Убакыт өтүп закымдасын.
***
Тагай бийдин үчүнчү уулу,
Кылжырдан баян баштайбыз.
Оролмо кепти таштайбыз,
Бий жылмайып эркелетип,
Кыңая баскан баласын,
«Кылжырым» деп койчу экен,
Кыйладан калган сөз экен.
Баштагыдан кеп айткан,
Бабадан калган сөз бекен.
Өз аты болгон Мамытбек
Өкүм жана каардуу болгон,
Көзүнөн жалын ойногон.
Ала-сала чаап уруп,
Алышканды койбогон.
Бир көгөрүп алганда,
Беттешкенге тик барган.
Кара аламан алдында,
Каалаганын аткарган.
Эрке эле башынан,
Ээленгенин кылам деп,
Эне, атасын кыйнаган.
Тоодо өскөн караган,
Карагандан тараган,
Анан ошол Кылжырдан,
Эки уруу эл жаралган.
Ошол Кылжыр атадан,
Орозбакты, Дөөлөсбакты,
Абийир топтоп башынан,
Орозбакты акылман,
Оройлонбой жини жок,
Өзүн токтоо кармаган.
Дөөлөсбакты шум болгон,
Митаам анан куу болгон.
Душманга намыз алдырбай,
Айланасы чеп болгон.
Биринчисин бугу дейт,
Көл тарапты мекендейт.
«Көлүбүз көркөм» экен дейт,
Экинчиси Сарбагыш,
Бийик тоолуу жерде дейт,
Нарын тоолор тарапта,
Кара Саз, Долон жакта,
Ал тарапты мекендеген,
Алыскы жерди жердеген,
Бийик тоону аралап,
Ачык жерде сабалап,
Ит агытып, куш салып,
Келатты шаң таратып.
Эээй…
Эзелки баба жомогу,
Эстесе келеер оролу,
Эчен-эчен жыл өттү,
Эстегинин баары өттү.
Эчакынын тарыхын,
Эстебеске чара жок,
Ой, эч деле амал калган жок.
Бугу менен Сарбагыш,
Бир атанын тукуму.
Биригишип бирге өскөн
Бир айгырдын кулуну.
Байыртадан айтылат,
Бабалардын жуп-жубу.
Дөөлөтү тайбай келаткан,
Дөөлөсбакты, Орозбакты,
Бийик тоодо жашаган,
Бир атанын кулуну,
Билимдүү адам аталып,
Биле жүрчү ушуну.
Орозбакты атанын,
Беш уулу болуптур.
Арыкмырза, Мырзакулмырза,
Асан, Кара, Токочмырзалар,
Алыс жакка аттангандар,
Бакыт каалап жалпыга,
Баары бирдей тең мырза.
«Улуу үмүткө жетсин деп
Уулдарым манап болсун»– деп,
Коюулган аты бүт мырза
Балдардын айткан атагын,
Бабалардан кеп козгоп,
Баянын айттым алардын
«Сырдаш болуп жүрсүн»-деп,
Узун өмүр сүрсүн»-деп,
Баарын мыза атаган.
Мырзалар калбайт сапардан.
Сактасын деп бир кудай,
Санжырамын жайы ушундай.
Дагы бирөө мындай,-дейт,
Баян айтып жебирейт.
Дөөлөсбакты атанын,
Жалгыз уулу Сарбагыш,
Дал ошондон тараптыр,
Сарбагыш деген ууру аты,
Санаттарда калып калыптыр,
Андан бери өтүптүр,
Арбын-арбын замана,
Эки тууган кырчылдашып,
Бир-бирине тиш салып,
Жоо болушту бөлүнүп,
Душман болуп көрүнүп,
Кайып учуп далай жыл,
Карматпай кетти караанын.
Кайсы бирин айтайын,
Катаалдыгын замандын.
Аны айтып жатпайбы,
Асыл сөздө баянчым.
Ойноп алып от менен
Ормон хан өлдү Балбайдын,
Анын каны коё бербей,
Катаал тагдыр чапчыган.
Ормон хандын куну үчүн,
Бугулар канча чабылды.
Жаштары азап тартышып,
Жашып далай ыйлады.
Ал чабыштан ата-эне,
Азамат эрден айрылды.
Армандуу кошок ырлары,
Аралап учуп айылды.
Анын баарын билдиңер,
Арман келбейт оордуна,
Азаптуу күн уланып,
Болоор иш эми болду да.
Ырыстуу ойду бекемдеген
«Ынтымактуу бол»– деген.
Мен эмес бул акылды,
Жееренче чечен көп айткан,
Толубай сынчы, Токтогул
«Тобуң менен бол» деген.
Байыркы күү Камбаркандын,
Бакыт ырын безенген.
Дол ошол ой келе берген,
Тээ байыркы чеченден.
Сөздөр далай айтылган,
Сөз кадырын чеккенден.
Орзбакты атадан,
Далай тукум таралган.
Жоо чабаар эр болуп,
Эр уулу менен тең болуп.
Баатырлар чыкты жараган,
Кылымга аты даңкталган.
Дөөлөсбакты көп ирет,
Чабуул койду калмактарга.
Анда болгон чапкындарда,
Бирде жайыт талашып,
Бирде мал аралашып,
Ынтымакка келе албай,
Жоо болуп каршылашып.
Арбын адам жабыркаган.
Калың журту алсыраган,
Көрүп калды запкыны,
Чабуулда миз кайтармакка,
Кайра өчтү алмакка,
Ат коюушту калмактар,
Ошондо бир ааламатта,
Башталган чоң чапкында,
Орозбакты жалгыз качып,
Токойго барып жашады.
Жоо жакадан кеткен соң,
Айыл тынчып калган соң,
Айласы кетип Орозбакты,
Дөөлөсбактыга киши жиберди,
«Чабылып чачылганды,
Баарын айтып бер деди.
Чай ичип ылдам кел деди.
Кара жолдон бир өткөн,
Кагылайын боордошум.
Калмактар чапты айлымды,
Караңгүн мындай болбосун.
Ак кыядан бирге өткөн,
Асылым менин кандашым.
Акбозуму алып калмактар,
Арманга батты бу башым.
Караңгүн иним кой десең,
Калмакка кыргын салчу элең.
Каардуу душман өчөштү,
Кара жолдо көч өттү.
Өчөгүшкөн душмандар,
Өзүмө кордук көрсөттү.
Коо менен өтүп баратып,
Хорун бай чечти жүгүмдү.
Айтканга такыр көнбөдүң,
Алып бер эми өчүмдү.
Калмактарды далай чаап,
Калтырдың эле мүшкүлдү.
Жалгыз барып сен өзүң,
Кайтарып бер көчүмдү.
Болгон ишти кабарлап,
Жеерде атын камчылап,
Жетип келди чабаган.
Тууганына жаны ачыды,
Ушунчалык аны аяды.
Калмактарга жини келип,
Каар сактап тиштенип,
Дөөлөс баатыр ат минип,
Жетип келди агасына,
Элди көрдү чабылган,
Бүт баардыгы чачылган.
Бир жерде турбай санаасы,
Жини келип агасы.
– Корунга эми бар,-деди
Бүт баардыгын айт,-деди.
Чабылдык сенин айыңдан,
Азап кетпей башымдан.
Көк кыяда бараткан,
Көчүмү эми кайтаргын.
Ак кыяда бараткан,
Айлымы эми кайтаргын.
Жылгада ойноп даң салган,
Жылкымы эми кайтаргын.
Капырай ай, арман күн,
Калмакка эмне катылдың.
Дөөлөсбакты ат минип,
Калмактарга чаап келди.
Көчүңөрдү мен чапкам,
Жылкыңарды мен чапкам.
Агамын көчүн бер,-деди.
Айласы кетип телмирди.
Калмак баатыр кеп айтты
Кеп айтканда деп айтты:
– Дөөлөсбакты сенсиңби,
Дөөдүрөп эми келдиңби?
Терең орго салдырды,
Оозун бекем жаптырды.
Түн кирип, жылдыз чыкты,
Тиричилик башталды.
Канаттуулар сайрады,
Жашоонун чыгып сайраны.
Кыраңдарда термелип,
Кызыл гүлдөр жайнады.
Жан-жаныбар кыймылдап,
Жашоонун чыкты майданы.
Ордон кайра чыгарды,
Дене боюун тазалады
Дөөлөсбакты чоң бийди,
Корунга айдап алпарды.
Тизелетип жаткырды,
Жерге башын такады.
–Улуу урматтуу Корун хан,
Мен чапкамын көчүңдү,
Менден алгын өчүңдү.
Керүүдөн алгам жылкыңды,
Кетиргемин тырпыңды.
Орозбакты күнөөлү эмес,
Анын көчүн кайра бер.
Азамат болсоң кепке кел!
Сен эмнени кааласаң,
Баарын сага карматам.
Калмак ханы каары чыгып,
Мазактай күлүп кашкайды,
Уурутунан күлүп жылмайды.
Кекеер күлүп ырсайды.
Чапкан кандай болот экен,
Муну дагы сен билсең,
Эсиңе эми келтирем.
Акылыңа келбесең,
А дүйнөгө жеткирем.
Хорундун казак аялынан,
Эки кызы бар эле.
Ашып турчу акылы,
Көзү жетик кыраакы.
Жана акылман сынаакы,
Корун хандын ал кызы,
Берилип сүйдү Дөөлөстү,
Улам тиктеп көзү өттү.
Ашыктыктын баянын,
Энесине кабарлады.
Энесинин жини келди,
Мунуң кызым эмне,-деди.
Дөөлөс болсо мусулман,
Өзүң болсо буддасың,
Өзгө динге сыйынган,
Диниңер бөтөн болгон соң
Тилиңер чоочун болгон соң,
Силердин болбойт никеңер,
Атаң укса жини келеер.
Жинденбей эле өлтүрөт,
Көргүлүктү көрсөтөт.
Кыз болсо болгон жок,
Эненин сөзүн уккан жок.
Айтканынан кайтпады,
Кенедей да качпады.
Такыр эле көнбөдү,
Көгөргөндөн көгөрдү.
Башыңарга салып зордукту,
Өлөмүн деп коркутту.
Корун болсо жини келип,
Энеси менен ал кызды,
Терең орго салдырды.
Кара жанын тындырды.
Уабыргасын сындырды.
Убададан кыз тайсын.
Экинчи мындай айтпасын.
Күндөр жылып арылаган,
Өткөндөр кыйрылбаган.
Үч күн өттү арадан,
Кызды ордон чыгарган.
Абалкы сөз дагы эле,
Айтканынан кайтпады .
Акылмандар ханга айтты,
Акылдуу нуска табышты.
– Суу болсо жерге сиңет,
Кыз болсо эрге тиет.
Дөөлөскө кызды берели,
Айдыңдуу кепке келели.
Кыргыздар менен чабышпай,
Кылымдык ыркты билели.
Таба албай такыр арганы,
Макул болду хан дагы.
Эртеси хан Дөөлөсбактыны
Ордосуна чакыртты.
Кызды дагы ал жерге,
Келгиниң деп алдыртты.
Кыз менен Дөөлөскө,
Бир чыбыктын эки учун,
Ал экөөнө карматты.
Хан кармап кылычты,
Ортосунан бөлдү чыбыкты.
Баш кошуу салты экен,
Качпай турган ой экен.
Дөөлөс билет мындайды,
Ашуулардан көп ашты,
Белгилүү эле ага да,
Калмактардын бул салты.
«Чындыкпы же жалганбы,
Корун хандын бул кызын,
Колукту кылып аламбы.
Акылдуу кыз өңдөнөт,
Бул да болсо бактымбы.
Карыларга кайрылйын
Алардын кебин угайын
Андан кийин алайын.
Топураган тоолу элге,
Тойду берип таштайын.
Акылмандар Дөөлөстүн,
Туура дешти айтканын.
Хан корундун жардамчысы,
Жакынкы акыл салаары
Мындай деген кеп айтты,
– Кырк жорго болсун калыңы,
Бир-бирине айрып алгыс,
Ак боз болсун баардыгы.
Алыс жакка жарышаар,
Он күлүк болсун жылкыдан.
Ыйык камбар атадан.
Беш куш болсун салаарга,
Баардыгы болсун кап-кара
Кайдан тапсаң андан тап,
Кайра артыңа ылдам кайт.
Кетирдик дешти айласын,
Калыңын таап кыз алсын.
Андан кийин эки эл,
Ынтымактуу жашасын.
Бий атын чапкылайт,
Айлына карай шашылат.
Дөөлөс келсе конушка,
Журтта конгон айыл жок,
Баарысынан дайын жок.
Бир күң кыз жүргөн экен
Аралап кең талааны.
Дөөлөс болсо ал кызды,
«Бергелгин»-деп чакырды.
Кыз болсо айтып берди,
Баардык болгон окуяны
Бир жолдошу бар эле,
Дал ошону чакырды.
Калмакта болгон окуяны,
Баардык элге айттырды.
Чоң байларга кабарланды.
Эл болсо чогулду,
Азга тымып ойлонду.
Бир акылман кеп айтты,
Кеп айтканда деп айтты:
– Орозбакты эл адамы,
Бийге жардам кылалы.
Журт чабылып калыптыр,
Жат душмандай кылбайлы.
Баары ошол калыңды,
Ылдам эле чогултту.
Кыргыз элде байлар көп,
Байлардан да даңктуу көп.
Алганданда берген көп,
Жер жайнаган малы көп.
Шайлап-шайлап коюшту.
Куш кондуруп атты айдап,
Жигиттер атчан жаркылдап.
Кара жолду чаңдатты,
Калмакка кетип баратып.
Адырда конгон кудаларга,
Алар келди күн батаарда.
Калмактар тосуп алышты,
Баардыгын тең сыйлашты.
Кудалар таң калышты,
Ырахмат сөзұн айтышты.
Хан болсо кырк жоргону,
Алганына кубанды.
Алкап улам кудаларды
–Кырк күнү той болсун,-деп
Бекем кылды убаданы.
Акылмандар айткандай,
Калмак, кыргыз дос болду.
Салтанаттуу достук жолу.
Самап турду обону
Ынтамак ыйык нерсе,
Бириктирет ортону.
Колго түшкөн туткундарды,
Кайра артына кайырды.
Малды артына айдашты,
Көч көчүрүп баратты.
Келинди алган кыргыздар,
Керүүдө кетип баратты.
Кымызга тойгон жигиттер,
Кыр ылдый кызып чабышты.
Дөөлөсбакты ат үстүндө,
Кыздын келди жанына,
Күнөөлү болгон адамдай,
Күңгүрөнөт сүйлөй албай.
– Менсек деген байбичем бар,
Андан эки балам бар,
Токол болуп барасыңбы,
Мага каргыш айтпайсыңбы.
Хандын кызы баш чайкады,
– Маа белгилүү баардыгы.
Өзүңү көрүп сындагам,
Белиңде периште жанган.
Андан азаматтар төрөлөр,
Анын ырыскысын эл көрөөр.
Отуң менен кирейин,
Күлүң менен чыгайын.
Аткарылаар баардыгы,
Эже-сиңди болобуз.
Бириктирип үмүттү,
Бирге болмок ортобуз.
Ушул сонун кабарды,
Байбичеге айттырды.
Чабаганды чаптырды,
Жакшы кабар угуп алып,
Ак байбиче кубанды.
Жакынкы күндү болжолдоп,
«Тоскула» деп ат чаптырды.
Алдына улак тарттырды.
Нан менен май алдырып,
Ырымдын баарын жасады.
Дөөлөсбакты той өткөрдү,
Алыс менен жакындар,
Ага тууган башкалар.
Сапар келди ал тойго,
Чоң бакыт улуу сый,
Болгон экен ошондо.
Эжеси менен сиңдиси,
Ынтымактуу жашады.
Ысык-суугу бир болуп,
Арытып жатты жылдарды.
Анан өтүп убакыт,
Жакындады бир жылга.
Күңдүн ичи чоңоюп,
Төрөөр чагы жакында.
Хандын кызы ананда,
Аман-эсен төрөдү,
– Карганда уулду болдум,-деп
Чоң тойду өткөрдү.
Баланы көрүп чоң кемпирдин,
Эмчегинен сүт тамды.
Бешикке салып болпойтуп,
Багып жатты баланы.
Канчасы калп, канчасы чын,
Аны билбейм мен дагы.
Улама сырын билбейсиң,
Угуп жаткан сен дагы.
Санжырачы айткан соң,
Сап-сапка тиздим сүйлөмдү.
Менде дагы жазык жок,
Аны угуп отурган,
Сенде дагы жазык жок.
Окуянын чындыгын,
Кудай билет бир гана.
Аны биз да билбейбиз,
Андан башка не айла.
Манап деп ал баланы атады,
Манаптан Сарсейит,
Сарсейиттен Үчкө, Түлкү баатырлар,
Атагы элге таанылгандар.
Түлкүдөн Тынай баатыр бар,
Маматкулдан Темир, Болот.
Анан андан Ормон бар.
Ойуй баскан кара жерди,
Ормондон Төрөкелди.
Тынайдан Атаке, Сатыбалды.
Атакеден алты бала,
Абылай, Солтоной, Карабек,
Байшүгүр, Жанкиши, Таштанбек,
Эң кичүүсү Карабектен
Салмагы чоң таштай,
Кадимки хан Жантай.
Жантайдан Шабдан хан,
Сарбагыш деп үн салган,
Байыркынын тарыхы.
Баяндалган санжырага,
Көңүл бургун баарына.
«Эл айтышкан катуу»– деп,
Дөөлөттөн Надырбек,
Надырбектен Эсенгул,
Баардыгы сегиз бек,
Эсенгулдан Ныязбек,
Өз атын өзү чакырган
А баягы баланын
Абройдуу баркы бар,
Күң төрөп коюптур,
Санжыра кепке толуптур.
Туура чыкты калмак кыздын айтканы,
Хан чыгып андан хандар таралды.
Ушуну менен бүткөн экен,
Сабалатып ташталган,
Санжыра кептин аягы.
Байыркынын аяны.
Эээ......эээй…
БУГУ ЭНЕНИН ЖОМОГУ
Асанмырза, Карамырза
Байыркы бир заманда.
Эки тууган болуптур,
Ала Мышык тоосуна,
Сан жолдорду аралап,
Сапарга чыгат жол улап.
Азыр деле ал жакта,
Кара Үңкүр деген бар.
Кара тоого барсаңар,
Калаарсыңар кабылып.
Качанкыны эске салып,
Кабарлары айтылып.
Каадалуу болуп калдайып,
Кара Үңкүрүм жаткандыр,
Кабат-кабат сырларды,
Калдайып ичке каткандыр.
Текелер өтчү шагылда,
Тектирдин бери жагында.
Тоо улары үн салчу,
Толгон жайдын чагында.
Кумай жаткан жайларда,
Кум Кайкынын алдында.
Кулжалар менен аркарлар,
Кубалашып кыраңда.
Куралып жатат сан ырлар.
Аңчылыкка чыгыптыр,
Асанмырза, Карамырза.
Алды жакты караба,
Бири кулжа, бири аркар,
Биригип турат жанаша,
Мергендер сайды бойлошуп,
Мерчемдүү жерди болжошуп,
Асанмырза үн салды:
– Ушул экөөн атабыз,
Бир кумардан канабыз.
Этин болсо солой жүктөп,
Этек жакка кайтабыз.
Асанмырза, Карамырза,
Акырын жылып өңүшөт.
Атканга көөнүн бөлүнөт.
Аңдып туруп Асанмырза,
Атып калды кулжаны,
Ала Тоонун кулжасы,
Алы кетип жаныбар,
Ала-сала куланды.
Тоонун ичи күрү-гүү,
Толгон үндөр уланды.
Жар бетинде карайлап,
Жалгыз калды аркары.
Ала Тоонун эркин малы,
Арылап алыс качпады.
Көздү ачып караса,
Мына кызык тамаша.
Аркар болсо кыз болуп,
Чыга келди кубулуп,
Эки адам таңданды,
Элейип көзү алайды.
Куруп калган ошол кыз,
Курдашын издеп жинденет.
«Куурагыр кайда кетти?-дейт,
Курбумдан айрылып,
Куурап жалгыз калдымбы.
Караан тутуп өзүмдү
Карап турган эми эле,
Кайранды таппай калдымбы,
Кара башта кайгымбы.
Карааны тоодой көрүнгөн,
Каркыбардан айрылып.
Кайгырып калаар чагымбы.
Канатым сынып кайрылып,
Безип жалгыз калдымбы.
Ардактуум кайда жоголду?
Арманымбы, кайгымбы?
Кайып учуп токтобой,
Кайгысы учуп жер чиет.
Кубарган жүзү капалуу,
Кулжасын жоктоп телмирет.
Жаш кыздын денеси,
Жабыгып улам титрейт.
Ушундай нерсе болорбу,
Бул шыйкырбы болжолбу.
Кайдан келген бул укмуш,
Укмуштан укмуш кубулуш.
Кыз бала кайгыра,
Арманы күчөп толбоспу.
Бугу турат ичинде,
Бул эмне кошокпу?
Келген эки мергенге,
Согуп өткөн желдерге,
Кыз бала айтты мындай кеп:
–Кагылайын мергендер!
Кабылып бизге келгендер,
Асылды бекер аттыңар,
Азапка мени салдыңар!
Ай, акелер, акелер,
Арманга түртүп салдыңар,
Ардагыман айырдың,
Канатымды кайырдың.
Аппак тоого нур чачкан,
Айдын он беш жарыгы.
Каадасы такыр түгөнбөс,
Кайдан табам кулжамы.
Күкүмдөнүп төгүлөт,
Күндүн жанган жарыгы.
Кууратып мени салдыңар,
Кулжамы бекер аттыңар.
-Ай туугандар, туугандар,
Айланып неге келдиңер.
Жаргалымы жок кылып,
Жылас кылып кеттиңер,
Эки мерген таңданды,
Бул шыйкырбы башкабы,
Апыл-тапыл шашты,-дейт
Айылга карай качты,-дейт.
Мергендер азга ойлонду
Ал экөө туруп болжолу,
Бир нерсеси болот,-деп,
Же сыйкырдан корктубу.
Мергендерге кыз айтты:
– Кымбатымды аттыңар
Талаада жалгыз калбайын,
Мени ала барыңдар,
Кагылайын агалар.
Угуп койбой кыз сөзүн,
Мергендер кетип баратат.
Артын карап таңданат,
Айылга карай шашылат.
Аттарын улам камчылайт.
Мейкин түздү аралап,
Мергендерден калбастан.
Кейип-кепчип ашыккан
Келе жатат кыз бала,
Мергендер үйгө кайтышкан,
Арт жагынан жаңкы кыз,
Ээрчип келди калбастан.
Кут конгон үйүмдө,
Үч кылдуу комуз бар.
Чертсе кылы дирилдеген,
Чертмесинде кайрык бар,
Башталма кайрыгынан,
Байыркы күүлөр жаңырган.
Кол ойнотсо аталар,
Комузда кайрык жаңыраар.
Кошуп койгон бир күү бар,
Байыркы эне баянынын,
Баш аягы жаңырган.
Буруп-буруп үн берген,
Бугу эне деген күү да бар.
Аба менен добуш тараар,
Абалкыны эске салаар.
Байыркы эне баянын,
Баяндап эске салаар.
«Бугу эне» деген күүнү,
Бурулбай туруп угуңдар.
Келишимдүү марал бар,
Кең дүйнөгө жаралган.
Ал кызга ким үйлөнөт,
Айылдаштын баардыгы,
Калыс карайт алдыны.
Дагы бир аян бар,
Бугу эненин башында,
Көрүнүп турган башкага,
Эки мүйүз болуптур,
Абалкы кепти тактасак,
Канчасы чын, канчасы калп,
Ала Мышык тоосунан,
Мергендер таап алыптыр,
Айылга ала барыптыр.
Сууга жуунуп жатканда,
Көрүнчү эмес бир жанга.
Жашыруун сыр ал өзү,
Көрүнчү дешет өпкөсү.
Эки элү мүйүзү,
Элечектин ичинде,
Ошондуктан энени,
Бугу эне деп аташкан.
Дал ушул ат келатыптыр,
Дайындуу болуп байыртан.
Баян болуп байыркылар,
Айтылып келет абалкылар.
Ошол кызды Алсейит,
Алган деген айың бар.
Бугу энеден жаралган,
Бурулбай кеткен баяндар.
Алсейит ата назик жан,
Бугу энени сыйлаган.
Бири-бирин сыйлашкан,
Бир ийдиштен даам татыган.
Алыста калган тарыхты,
Айта турган жайым бар.
Үйлөнөөрдө ошол кыз,
«Силерге бүлөө болдум»– деп,
Көңүлүн ачып эркелеп,
Үй-бүлөгө кайрылат,
Үч өтүнүчтү кеп салат.
Кара тоодон көрүнгөн,
Кагылайын аталар,
Каадалуу биздин акелер,
Сырдаш болоор алдында,
Сырдана тарткан кайнилер,
Үч очоктон от күйсө,
Үч үмүтүм жалындар,
Ошол жанган үмүттү,
Мен десеңер сактаңар.
Үмүтүмү жок кылып,
Кур шайтанга сатпаңар.
Кайыптан бүткөн жан элем,
Калдайып тоодо жүрчү элем,
Кайгы мүшкүл иш келип,
Катаал күнгө туш келип,
Араңарга мен келгем,
Арманымды эмне дейм.
Кулжаман айырган,
Куруп калган мергендер,
Кумдуу тоого келгендер.
Кубулуп анан кыз болуп,
Кум кайкыдан мен келгем.
Арманым бар башымда,
Андан башка эмне дейм.
Аркардан анан кубулуп,
Асыл жанга айлангам.
А кокуй ай калбаптыр,
Андан башка айла амал.
Аркалаган денени,
Адамдын алты саны бар,
Алтындай болгон башы бар.
Басынтып анан кор кылбай,
Башка мени чаппаңар.
Байкабай кол тийгизип,
Балакетке калбаңар!
Ал-жайымы сезгиле,
Айланайын туугандар!
Уламаны уккандар,
Ушул жерде тургандар.
Эринбей айтып берейин,
Экинчи собол бу болот.
Сөзүмдү уккан агалар,
Эр жигитке жакшы жар,
Эл ичинде табылаар.
Жакшы жарга жолуккан,
Жалыны бар от табаар.
Ак үмүттү жоготпой,
Аярлап бек сактаңар!
Мен жуунуп жатканда,
Карабаңар денемди.
Ургаачы жандын денесин,
Уят болот караган.
Акылсыз болот ал өзү,
Абийирге жатпаган.
Туу жондорду жайлаган,
Тукумубуз кайыптан.
Сырларым бар жашыруун,
Сыры сыртка чыкпаган.
Өтүнүч бар үчүнчү,
Адамдын жаткан төшөгү,
Арыбас ыйык жай болот,
Ак ой баскан түштөргө,
Айдыңдуу сонун түндөрдө,
Арбактар келет түндөсү,
Учуп жанган укмуштуу,
Учурдагы кубулушту.
Уктаган адам түш көрөт,
Өткөндөр бүт көрүнөт.
Байкабай калып катыгүн,
Башка мени чаппаңар,
Төшөктүн башын баспаңар!
Арман күнгө калбаңар,
Ал жакты тепсеген,
Андай адам оңолбойт,
Каргап койсо соо болбойт,
Кайыптын кызы кайберен,
Кайгылуу башым азаптан,
Төрөтүм бүтүп токтолот,
Төрдө отурбай жок болот.
Токтоп калаар төрөтүм,
Башка мени чаппаңар,
Убайымга кайра салып,
Убалыма калбаңар.
Ал пенде калаар каргышка,
Азайып калаар тукуму,
Армандуу болоор турмушу.
Кимдер мени кордосо,
Тукуму такыр арбыбайт.
Арыса да жүзгө жетпейт,
Жүзгө жетсе, күзгө жетпейт.
Кимдер мени кордосо,
Басаар жакты торосо,
Алдыда жолу арбыбайт,
Арбыса да узап кетпейт,
Узаса да улап кетпейт.
Үмүт менен кеп айтып,
Үч соболду кеп кылдым.
Мен айтпасам ким айтат,
«Буйрук ушул экен»-деп,
Бугу эненин өзү айтат.
Ак маралдын көзү айтты,
Айдай болгон жүзү айтты.
Баарыңар тең боорукер,
Байсалдуу болсун деп айттым.
Армандуу сырды жашырбай,
Арыбас кылып кеп айттым.
Аркалаган өтүнүчүм,
Аткарылып калгай эле,
Кыдыр даарып элде калам,
Кымбатым деп бир барам.
Коломтону алоолонтуп,
Кор кылбай от жагаармын.
Элиңерге уул төрөп,
Эрге берип кыз үйлөп,
Эне болуп калаармын.
Абай-сабай күн өтөт,
Ала-сала түн өтөт.
Абалатып жылкы айдай,
Жалдуу ат минип шайма-шай,
Жайлоодо жай болгондо,
Жайлоого журт конгондо,
Бугу эне мындай дейт:
Сөз төркүнүн белендейт.
Ичимде бар бир арман
Силерге аны чыгарам.
Жалындуу үмүт жашынса,
Жабыккан ойго чырмалам.
Кайберенден тараган,
Эки балам бар эле,
Балкайып менен Жоокайып,
Тоо ичинде калгандыр,
Энесин эстеп жаткандыр.
Ошолорду алып келейин.
Талаага таштап кетпейин.
Тагдырыма нур чачкан,
Таалайларды эстейин.
Кайыптан бүткөн жаныбар,
Кара Үңкүрдө жашаган.
Эне болсо алып келди,
Энчилүү эки баласын.
Балкайып менен Жоокайып,
Элде жашап калыптыр.
Калппы, чынбы ким билет,
Кагаздагы жазылганды,
Жаңылыш деп ким чиет.
Же болбосо жомоктур,
Ал жагын ким ойлоптур.
Жазган киши көргөн жок,
Укканын гана кабарлайт,
Жомок болсо уланып,
Жолдо кетип баратат.
Жорголоп баян таратат.
Бугу энгебиз ошентип,
Бүлө болуп калыптыр.
Өчпөс отту жагыптыр.
Асмандан көчүп ак булут,
Ай айланып, жыл удургуйт.
Ала-салып канча жыл,
Таратып келет жаңылыгын.
Касиеттү энебиз,
Каадалуу элде калыптыр.
Жылдар-жылга жалгашып,
Жыл айланып шашыптыр.
Күн кайра бүркөлүп,
Күңгөйдөн жамгыр өткөндө.
Жай айында калың эл,
Жайылмага көчкөндө.
Мезгил жылып карыптыр.
Ошондон бул ыр калыптыр.
Аңгемечим бул баянды,
Аярлап ырга салыптыр.
Күндөн-күнгө күн өтүп,
Күндөр айга жалгашып.
Ай закымдап токтобой,
Айлар жылды кууй шашып.
Боюуна бүтүп эненин,
Талгактыгы ашынат.
Кайберендин сүтү керек,
Ал каяктан табылат.
Буюккан ой бар ичинде,
Буурул түндүү кезинде.
Алсейитке айтыптыр,
Ушул оюун кечинде.
Көлдө жашап келебиз,
Көөнөрбөс бугу элденбиз.
Бабалар өскөн жерлерди,
Байырлап жашай беребиз.
***
Асанмырза, Карамырза,
Аңчылыкка чыгып бир күнү.
«Кайберенди аталы» деп,
Катар күтөт күүгүмдү.
Жалчадан кийик көрүндүбү,
Жаны калбай бери жүгүрдү.
Торпудан атты мылтыкты,
Тоолордун ичи күрү-гүү.
Мергендер жолдуу болушту,
«Кайра үйгө кетебиз»-деп,
Кара суу кечип бойлошту.
Кара тоонун эчкисинин,
Караандуусун атып алышты.
Эмчек жагын кайберендин,
Энеге сөгүп беришти.
Өтүп кеткен кусалык,
Төштү алды кубанып.
Анан дагы өтүнүчүн,
Айтып жатты кумсарып.
Карабаңар бириң да,
Менин эмне кылганымды.
Эне айтып ушул сөздү,
Эшикти бек жаап алды.
«Эмне кылып жатат»-деп,
Ошол кезде Асанмырза,
Энени карап туурдуктан,
Элейе тиктеп көз салса,
Мына кызык тамаша,
Эмчекти ээмп бугу эне,
Чыга келди боз үйдөн.
Капалуу жүзү көрүнгөн.
Жылдызы жерге төгүлгөн.
«Мени көрүп койдуңар,
Болоор нерсе болду да,
Жарабас ишти кылдыңар,
Өксүктүн ушул шогу ай,
Өтүнүчтүн жогу ай,
Мынча эмне шоксуңар,
Өтүнүчкө жоксуңар.
Эми эмне кылалы,
Кызыгуунун ушул азабы,
Жаман болду ушул иш,
Кечиримдүү мунуңар,
Экинчи күнөө болбостур,
Мага айып тагылса,
Тагдыр кетеер кыйгачка.
Алдыңкы күндү ким билет,
Алдан тайып кыйгач кетет.
***
Дагы далай күн өтүп,
Айтып бүткүс баяндар.
Айгайлаган чуу өтүп,
Албан, албан түн өтүп.
Артынан анан ыр өтүп,
Аргымагын алкынтып,
Айдыңданган эр өтүп.
Адамдын өзүн жаркыткан,
Акыл эси кошо өтүп.
Күндөрдүн бир күнүндө,
Азаптуу иш болуптур.
Ала кечки күүгүмдө,
Ат кишенеп үн салат.
Армандуу ырды кабарлай,
Эңшерилип ал арман,
Эске келип кайтадан.
Кол көтөрүү башталат,
Эркектер бугу энеге,
Нааразылык кайра күчөйт.
Наадандыкпы бул эмне?
Ошол адам ким болгон
Кол көтөргөн энеге.
Каадаланган шартты бузуу,
Күнөөсү анын бар беле?
Жазымыштуу тагдырдын,
Жазыгы дагы канча эле.
Бугу эне нааразы,
Алардын бул кылыгына.
Карарган каргыш калабы,
Кайра айланып жанабы.
Айдыңга кол көтөрүү,
Ал адамдын азабы.
Жараткандын жазмышын,
Жаза менен тартабы.
Өкүм жанга кол көтөрүү,
Өлүм менен барабарбы?
Же болбосо аял затына,
Күнөө конуп калганбы.
Жаза кимде, күнөө кимде,
Жаратканым салмактайбы?
Жазымышта эмне болду,
Жазасын ал тактайбы.
Эгер кимде күнөөлү,
Эгем өзү жазалайбы.
Жазымыштан алыс качпа,
Жаза турат алды жакта.
Карамырза кара ниет,
Кол көтөрдү энеге,
Каргап салды энебиз,
Касиет бар тилинде.
«Саргарып тапкан тукумуң,
Саны жүзгө жетпесин.
Саны жүзгө жетсе да,
Өмүрү күзгө жетпесин.
Өкүнүч өз башыңдан,
Өкүнтүп такыр кетпесин
Армандуу Карамырзанын,
Арбыбай калды тукуму.
Караңгы түндө башына,
Каргыш тийип куруду.
Карамырза атанын,
Башына кайгы айланды.
Тагдыр жазып койгонбу,
Таппай калды айланы.
Тукуму калды арбыбай,
Жазмыш тагдыр ушундай.
Карамырза атабыз,
Катуу ооруп айыкты,
Алы такыр жок калып,
Аябай тартты азапты.
Кара жаны ырбаят,
Эч нерсеге жарабайт,
Караандай суу ичип,
Карыш жерге жыла албайт,
Оңдуу кепти айта албайт.
Онтотуп оору тынчты алат,
Өлүү десе өлүү эмес,
Тирүү десе тирүү эмес,
Оозуна суу тамызат
Ооруп жаны кыйналды,
Азап тартып чымын жаны.
Эненики жетти бекен,
Айтып салган каргышы.
Карамырза атанын,
Азап тартып калышы,
Ал тагдырбы жазмышпы.
Өзгөгө күнөө кылгандар,
Өзүнөн-өзү жаза алат.
Жараткан аман барында,
Жазадан ал кача албайт.
Эркектерге караганда,
Аял заттын күнөөсү аз.
Аял зат назик жан,
Каршылашкан оң таппас.
Ургаачыга күч колдонгон,
Эркек үчүн жаман да
Айыпка батып булганбай,
Абийриңи таза карма.
Кыргыз эли бул жерде,
Кээде тигил тарапта.
Көчүп-конуп жүрүшөт,
Ак карлуу тоо аймакта.
Убакыт учуп токтобой,
Өткөн экен далай жыл.
Мезгил болсо алып учат,
Улантып улуу кадамын.
Алсейит ата бугу энеден,
Жамангул, Бооке уул тапкан.
Сабалатып кеп козгоп,
Санжырачы аны айткан.
Көл жээгинде даңктанып,
Көптөн бери жашашкан.
Бугу аталып келаткан,
Ушул болгон баянды,
Уламада баары айткан.
Уланып учкан тагдырды,
Уламачы улап жараткан.
Ал кезекте ата баба,
Жашаган Нарын тарапта,
Кээ биринде быякта,
Кээ биринде тиякта.
Кайберен эне көп өтпөй,
Ооруп жатып калыптыр.
Төшөккө жатып калганы,
Өзүнчө бир тагдырдыр.
Чамасы кеткен бугу эне,
Чакырып жатты балдарын.
Керез сөзүн калтырып,
Кеп кылып жатты баянын:
– Ардактуу эр өткөндө,
Ак аргымак ат калды.
Айды чапчып жаныбар,
Азаптана окуранды.
Сабалай суу акканда,
Сай-сайда нук калат.
Кара тоодо агарган,
Кар эрисе суу агат.
Атын такыр жоготпой,
Ата өтсө уул калат.
Эне кетсе кыз калат,
Энесинин элесин,
Эске салып муңканат.
Эскирбес өмүр уланат.
Арыбай жол улаган
Атан өлсө тайлак бар,
Дайнын айтып эскерчү,
Дагы далай баян бар.
Айланайын туугандар!
Жамангул менен Боокеден,
Төрөлгөн далай уландан.
Жаштар өсүп жетилеер,
Карыялар карып улгаяр,
«Бугу энеден туулган»-деп.
Башка журттар айтышаар,
Бакылдаша кеп кылаар.
Улуу тоону этектеп,
Узун-узун көч келет.
Узун көчтүн арасында,
Улуулардын саясында,
Урматтуу ошол энеге,
Уландары эркелеп,
Карегинен айланат,
Караанына жалбарат.
Мемиреп учуп токтобой,
Мезгилдер сызып оболой.
Узап кетсе энеке,
Уулдары не болот.
Убакыт жылып көчкөндө,
Унутулаар жетимдик,
Чүрпөлөр өсүп жетилип.
Туу белде аккан суулардай,
Турмуштун өзү закымдаар.
Тектирден өрдөп кеткен көч,
Теңир Тоого жайгашаар.
Айтылуу ошол эненин,
Артында калаар тукуму.
Ысык Көлдү жайлаган.
Ылоолотуп жылкы айдаган.
Ырыстуу эл бугубу,
Мүйүздүү эне өлөөрдө,
А дүйнөгө көчөөрдө,
Уулду болду Жамангул,
Жар Кыяга канат кагып,
Жапан куш келип конду.
Жар Кыяга куш конгону,
Жакшынакай иш болду.
Асыл эне кайтаарында,
Атадан уул төрөлүшү,
Абдан сонун иш болду.
Бугу эне ошол кушту,
Кондуруп алып колуна
Өөп койду бетинен.
Улам-улам сылады,
Ошол уулду чекесинен.
Анан мындай сөз айтты:
– Көч менен узап алып,
Көз жуумп эгер мен кетсем.
Сан жол менен коштошуп,
Сапарым арып мен кетсем,
Менден белек болсун,-деп,
Небереми Белек койдум.
Не бир сонун ой ойлодум.
Эмчектеги ал бала,
Энеден калган Белек болду.
Тукумдан туяк кагып,
Туягын ташка жанып,
Тууруна келип куш конду.
Айланайын туугандар,
Асманы бар конушка,
Ак шумкар келип конду.
Ушуларды унутпай,
Айтканым сонун кеп болду.
Унутуп салсам буларды,
Мени кудай урбайбы.
Башкалар наалат айтпайбы.
Жамангул жана Боокеден,
Төрөлөөр далай уландар.
Жаштар өсүп жетилеер,
Карылары анан улгаяр.
«Бугу энеден туулган» деп,
Башка журттар айтышаар.
Бакылдашып кеп кылаар».
Кайберен бугу эненин,
Оорусу дагы уланды.
Кирип-чыгып карашты,
Энени баккан балдары.
Ажырашуу мезгили,
Же жакындап калганбы.
Өмүрдү өлүм тоорушу
Өзүнчө бир арманбы.
Эне таңда кайтыптыр,
Эли түштү чуру-чуу.
Жондогу элди аралап,
Жоктоо үндөр угулду.
«Алтыныбыз кетти,-деп
Айрылып калдык асылдан».
Жакындар ыйлап жатышты,
Жашын төгүп жабыккан.
Өтөөр кезде энеке,
Кайраттуу турду багынбай,
Керез сөзүн айтыптыр,
Кеби анын бир далай
«Төрөлгөн пенде өлөт да,
Тагдыр жолун көрөт да,
Журту ыйлап чуркурап,
Жууп-тазалап көмөт да.
Жаралган пенде кайтат да,
Жазуу жазса барат да.
Калкы ыйлап чуркурап,
Карайлап туруп көмөт да.
Келген пенде кетет да,
Өмүр закым элес да
Баардыгы тең кайгырып,
Улуп-уңшуп ыйлашып,
Уул куздары көмөт да.
Кош калгыла уландар,
Кош калгыла туугандар,
Жеңелер кайыр кошкула!
Жергеме атак тааныткан
Апалар кайыр кошкула!
Алыс жашка жол тарткан.
Абалар аман болгула!
Ар дайыма бел туткан,
Аталар аман болгула!
«Бугу энебиз өткөн,-деп,
Буйрук жазуу көргөн,-деп,
Кары –жашы чуркурап,
Калк кайгырып көмгөн,-деп,
Санат ыр түзүп жоготпой,
Санжыра айта баргыла!
Бир-бириңди жоо кылбай,
Биримдик болсо анан да,
Сунган колуң узараар.
Баарысына жеткен жол.
Бакытка узап кете алаар.
Келген киши кетет да,
Ага убакыт жетет да,
Баян айтып жашоого,
Баарыңар кош калгыла!»
Эненин сөөгүн боз үйгө,
Этият коюп жаткырышып.
Түн боюу алыс кетпестен,
Түгөл турду кайтарышып.
Ала-салып токтобой,
Адамга үйгөн түйшүктүү
Акырын жылып түн өттү.
Алыс-жакын жерлерге,
Абдан тааныш элдерге,
Чабаганды чаптырды,
Чарчабай баарын алдырды.
Түпөйүлдүү түн жылды,
Жерге жарык төгүлдү,
Жергем кайра көрүндү.
Сөөктү сууга алганга,
Көрүлүп жатты камылга.
Эртеси туруп караса,
Мына кызык тамаша.
Бугу эненин сөөгү жок,
Баардыгы таң калышты,
Шектүү нерсе байкалбай,
Шекшимал болуп жатышты.
Же болбосо, эне сөөгү,
Асманга учуп кеттиби,
Кайып болуп байкалбай,
Кара Тоого бездиби.
Баш катырат балдары,
Башкача жооп айта албай.
Тунжурашат адамдар,
Туура жоопту чыгарбай.
Убайга батып термелет,
Ушундай укмуш болорбу.
Өкүнтүп ушул тарапта,
Өкүнүч иштер болгонбу.
Ошол түнү тарапка,
Агала жамгыр шыбыргак.
Акырын жааган шыбырап,
Айлананын баары кар.
Бир кезекте ойлонуп,
Кыраакы чукак карыялар,
Кыламык жерди караса,
Бир эчкинин изи кеткен,
Ала Мышык тоосуна,
Эчкинин изи кетиптир.
Ал кездеги адамдар,
Из тарыхын чечиптир.
Канчасы калп экенин,
Канчасы чын экенин.
Эч ким деле билбептир,
Баяндаган бул кепти
Албан жашты жашаган,
Куйма кулак бир кары,
Жобурап айтып бериптир.
Жазмачы сөрөй кагазга,
Жазаар кези келиптир.
Ошондогу адамдар,
Из тарыхын чечиптир.
Санжыра деген санжыра,
Салмагын ким билиптир.
Кайберен эне кайберендин,
Изи менен кетиптир.
Уламалап байыркынын,
Уламасын эстейли.
Бир кездеги өткөнгө,
Биз кайрылып келели.
Бугу эненин жайына,
Койгон экен эчкини.
Дал ушундай болдубу,
Даана жагын ким билди?
Ушул эле убакта,
Жылдыздардын алдында.
Миң булактын башында,
Карааны чоң калдайган,
Караңгы түндө байкалган,
Кара Үңкүрдүн өзү бар,
Өткөн жанды каранткан
Өзү эмес кара көзү бар.
Сыр жашырган үңкүрдү,
Сырлуу ошол өткөндү,
Карыялар кеп кылаар,
Ал үңкүрдүн адамга,
Айтып бүткүс ыры бар,
Ыры эмес оң сыры бар.
Сырынан да чыры бар.
Ээ…ээй…
Бейшембинин күнүндө,
Жумага өткөн түнүндө.
Ал үңкүрдөн от күйөт,
Шоола жанып бүлбүлдөйт.
Сырлары жанып тарапка,
Сырдуу дүнө бөлүнөт.
Сызылып чыккан ал күндөр,
Сыйкырдуу жомок өңдөнөт.
Өлөңү чыгып тарапка,
Өзүнчө баян төгүлөт.
Күйүп жанган ошол от,
Айтчы эмнени көргөзөт?
Алоолонгон ал отту,
Бугу энебиз жаккандыр.
Сыйкырдуу жашоо уланып,
Сыры ачылбай жаткандыр.
Ала Мышык тоолору,
Айдыңдуудай көрүнгөн.
Байыркынын тарыхынын,
Баяны учуп бөлүнгөн.
Сыйкырдуу өт көрүнсө,
Сыры чыгып бөлүнсө,
Сырдуу өттун учкуну,
Басып өткөн кыядагы,
Жашап жаткан кыялдагы,
Байыркы ата-бабанын,
Даңазалап улуу даңкын,
Жаккан жалын өчө элек,
Жылуулук табы бүтө элек.
Эчаакы бизге жагып кеткен,
Энелердин ыйык отубу,
Айдыңдуу шаңын тараткан,
Аталардын ыйык отубу.
Байыркыдан алоо жанган,
Бабалардын ошол отубу.
Байыркылар жаккан от,
Ата баба жаккан от,
Эң байыркы тарыхта,
Энелерибиз жаккан от,
Бугу энебиз жаккан от
Жүрөктөрдөн өчө элек,
Ысык табы кете элек.
Бабалар жаккан ошол от,
Жылытып бизди келатат,
Жүрөктөрдөн калкып чыгып,
Жалыны бизди жылытат,
Өзүбүзгө кайрат берип,
Өчпөс ырга айланат.
Жаш гүлдөй өсүп келаткан,
Жаштар аны ыр кылат.
Сап-сапка тизип сүйлөмдү,
Санжырада айтышат.
Эстеп жаттым ошону,
Элесиме тарых келет.
Бугу эненин отунан,
Буйгатка жарык эленет.
Энекемин жаккан оту,
Эселки чакты эстетет.
Эненин жаккан отун,
Эске сала жүрөлүк.
Ырларда ырда өтөлүк,
Сап-сапка тизип сүйлөмдү,
Санжыра кылып түзөлүк.
Ээээй…
Жол улаган торпогум,
Чарчап калды өңдөнөт.
Адыр түздү көп басты,
Алдыда аппак жол жатты.
Жыбыраша үндөшө,
Жылдыздар толду асманга,
Жолдо айтып баянды,
Жомокчу чал чарчады.
Баятан айткан жомогу,
Маашырлантып чалдарды,
Магдыратты балдарды
Ээээй…
БУГУ ЭНЕНИН ДАГЫ БИР ЖОМОГУ
Жомок болсо аябай тез жылат,
Адамдар алыс жолго чыгат.
Акырын турмушубуз жай жылат,
Анда эмесе кагылайын туугандар,
Акылман бугу эне жөнүндө,
Азыр эми башкача жомок башталат.
Шамалдуу сайды аралап
Шашып-бушуп келатам.
Ыйык эне тарыхын
Ырга айлантып келатам.
Топ-топ болгон ырлардын,
Тобун айдап келатам.
Эл кайгырса кайгыргам,
Эл кубанса кубангам.
Атаңын көрү дүйнө күн,
Андан башка не кылам.
Жайлманын баш жагы,
Айлыбыздын ар жагы.
Сөзүбүздүн бер жагы.
Бир китептен окугам,
Билим кенин чокугам.
Ал ыйык саптарды,
Окуп жатып тамшангам.
Алып салып калптарын,
Ырга айлантып таштагам.
Баш жагынан тууралап,
Баян кылып курагам.
Сөзмөр жандар окуйбу,
Сөздү-сөзгө улагам.
Бугу эненин жомогу,
Байыркыдан башталат..
Эчен кылым аралап,
Бизге карай келатат.
Андан бери жоголду,
Арбын-арбын көп заман.
Мезгил ылдам өттү деп,
Ушунчалык таңданам.
Андан бери санасам,
Алмашыпыр далай муун.
Жар кыяда жаралып,
Жазган ырым ушунум.
Санжыра алга баратат,
Тагайдан Кылжыр таралат.
Болбойтко аны айтпасам,
Дайынсыз артта калыптыр,
Далай, далай аткан таң.
Муундан-муун куралган,
Кылжырдан тукум уланган.
Аталар атын сүрөлү,
Аныктап айта жүрөлү.
Орозбакты атадан,
Беш улан тараган.
Беш жолочу сапарлаган,
Беш күлүк ат алкынган.
Асан, Арык, Карамырза,
Мырзакул жана Токочмырза,
Бешөө болду баардыгы
Ооз комузда үн чыгабы.
Бул окуя артта калган,
Эчак болуп кап-качан.
Аскалардын боорунда,
Ала Мышык тоосунда.
Ушу баян болуптур,
Эчаакы бир окуяны,
Баштайынчы ыр менен
Барктап асыл сөз менен.
Чечекейди жара аткан
Далай атак жараткан.
Асанмырза, Карамырза,
Арттагы ал заманда,
Көзгө атаарлар болуптур,
Меелесе куш кулаган,
Эки мерген эки туган.
Жаңы чыгып коктудан,
Бай өзөндү өрдөшөт,
Сапар алып салбырынга,
Сайды кечип жөнөшөт.
Ак кар баскан тоолорду,
Аралап бийик жондорду,
Адырдан адыр кыдырат,
Айдыңдан айдың сыдырат.
Мергендер сапар келатса,
Бир бугу чыгып алдынан,
Аппак бугу шаңкайган.
Мүйүздөрү далдайган.
Адамдар карап таңданган.
Ак бугуну карап туруп,
Акырын гана унчугуп,
Асанмырза кеп козгоду,
Кептин келип оролу:
– Ак бугуну атчу эмес,
Ак бугуну атып салып,
Айың кепке калчу эмес.
Калжайган маралды,
Карайлатып койчу эмес,
Каргышка калчу эмес.
Асанмырза айтканы,
Карамырза кулак какпады.
Ак милтеге дары салды,
Ак бугуга туштады.
Ок тийгенде жаныбар,
Оңко-чоңко сулады.
Арман күтүп турганбы,
Азап ишпи бу дагы.
Кайберен кулап калганда,
Чоң азапка батканда.
Секелек кара кыз,
Сестене кайгырган.
Ыйлап чыкты арыдан,
Чоң асканын алдынан.
Жаны чыгып сөз баштады:
– Жаныбарды атканча,
Азапка аны салганча,
Өз башыңы атсаңчы,
Чоң мүшкүлгө калсаңчы.
Өз башыма үйүлүп,
Өзөккө түштү арманым.
Жаным батты кайгыга,
Ак бугусуз калганым.
Ыйлап жаткан ал кызды,
Мергендер кармап алышып,
Арт жагына учкаштырып,
Атты улам камчылашып.
Кум каптаган кайкыда,
Келатышты сапарда.
Камчы уруп сары атына,
Мергендер жакын калганда,
Мырзакулмырза тосуп чыгып,
Пенделерди сынаган,
Чоң тыянак чыгарган
Адам эле кыраакы.
Ал кызды байкады,
Өз ичинен жактырды.
Чекесинен шам жанат,
Болочокту баалаган,
Адам болоор акылман
Көңүл буруп караса,
Көзү ачыктай башкача.
Мергендерди карап туруп
Мындай деген кеп айтты,
Кеп айтканда деп айтты:
– Ай, мергендер, мергендер,
Ак карлуу тоону аралап,
Аң уулап келгендер.
Даңкы чыккан ой тоого,
Жайлып жаткан жайлоомдо,
Ак желгемин үйрү бар,
Кабалаңдан коркпогон,
Карышкырды жолотпогон.
Дал ушундай айгырды,
Үйрү менен берейин.
Марттыкка мен келейин,
Кызды мага бериңдер,
Ушул ойго келиңдер.
Караан кылаар тукум бар,
Алсейит деген иниңер бар.
Алып берип ошого,
Келин кылып алайын.
Батасына бээ чалып,
Баабединди жасайын.
Тополоңдоп эл чакырып,
Тойду берип таштайын.
Ак желгени үйрү менен
Карамырза алыптыр.
Жылгага айдап салыптыр,
Жылкыга марып калыптыр.
«Ак бугуну атып салып,
Азапка башын батырып,
Айыкпас ишти кылды»,-деп,
Карамырза атаны,
Бугу эне каргады.
Каргышы такыр качпады.
«Тукумуң жүзгө жетпесин,
Жүзгө жетип кетсе да,
Алтын күзгө жетпесин».
Аз болуп калды тукуму,
Карамырза атанын.
Ким билиптир чынында,
Санжыранын ар жагын.
Кыз тоого кандай барды,
Белгисиз бизге ал жагы.
Ар кандай жоромолдор,
Айттылбастан ал калды.
Кырда турган кыргызды,
Далай жоолор каптады.
Арманы күчөп тоолук эл,
Алайган көзүн жаштады.
Айланаңда калың жоо
Азап болуп ошондо.
Туурадан үйүп азапты,
Тушунан кол салышты.
Бир тараптан уйгурлар,
Бир тараптан калмактар.
Бир атанын баласы элек,
Бир жактан казактар.
Билгизбей туруп көз артат,
Бир жактан кытайлар.
Армандуу кыргыз не кылат,
Алласы тайып башынан.
Азаптуу күнгө чырмалган.
Алакандай кыргызга,
Кимдер көзүн артпаган.
Алай-дүлөй башталган,
Арманы күчөп ташыган.
Этек-жеңин жоо алды,
Эмне болот айла-амал.
Кыз тоого кандай барды,
Суроонун бүтпөйт аягы.
Балким ошол мезгилде,
Кыйынчылык кезинде.
Бир үй-бүлө качтыбы,
Асканын түп жагына.
Акырын жылып келдиби,
Колго үйрөтүп бугуну
Буюрган сүтүн ичтиби,
Элдеги жоого көрүнбөй,
Эптеп жашай бердиби.
Буюугуп жатып алдыбы,
Балким кыздын атасы,
Салбырынга чыктыбы,
Болбосо катуу чочунуп,
Мергендерден корктубу,
Баарын эле көрүп туруп,
Такыр чыкпай койдубу.
Болуп өткөн бул баян,
Небак өтүп кеткендир.
Анын жайы ың-жыңсыз,
Аскаларга житкенби.
Эчаакы өткөн баянды,
Ырында акын эстеди.
Чынында эмне болсо да,
Бир Кылжырдын баласыбыз.
Тунжураган атанын,
Туусун жайып келатабыз.
Ыйык бугу энебиз,
Ырыстуу кыргыз элденбиз.
Аз болсо да силерге
Айтып бердим бир баянды.
Аңгеме козгоп салдым
Абалкы өткөн окуяны.
Дастанчынын сөзү бүттү,
Акырындап түн түштү.
Тынчтанып калышты,
Жан-жаныбар баардыгы.
Санжырага кунт койгон
Балдар дагы чарчады,
Сөздүн бүтүп аягы
Жыбырап көккө толушту,
Жылдыздар жанып баягы.
Жомокчунун баяны,
Жолдо келген аяны
Дал ушинтип аяктады,
Эээ…ээ…эй…
АЛСЕЙИТ АТА ЖАНА БУГУ ЭНЕ «Мүйүздұұ эненин арбагы колдосун» Бугу уруусунун ыйык сөзү
Алыскы Теңир Тоонун аймагында,
Ак карлуу тиги Нарын жактарда.
Ошол жакта Ала Мышык тоосу болгон,
Баш жагына жылтылдап мөңгү конгон.
Аркар, кулжа ал жакты мекендеген,
Тоонун чөбү назик желге эркелеген.
Ал жакта кайберендин тилин билген,
Бир кишинин өткөндүгүн мен билем.
Бир кызы, бир баласы болгон экен,
Алар дагы ушул жерден кетпеген.
Тагдыр бекен ал пенденин дал өзү,
Суук тийип каза болгон бир күнү.
Ал экөө такыр эле жетим калды,
Ата-эне жок алардын эле азабы.
Ал экөө кайберен менен сүйлөшкөн
Макулуктун тилин билип үндөшкөн.
Аркарлар келип ал үңкүргө түнөгөн,
Түнкүсүн сапар алып жел жүгүргөн.
Басса, турса аркарлар менен аралашып,
Айран ишчү кайберендин туягына.
Кийиктер менен бирге өмүр сүрүп,
Эс алуучу бийик тоонун тулаңына.
Толкун чачып мезгил өтүп жатканда,
Толуп ташкан сонун майдын чагында.
Бир уруудан көзгө атаар атанган,
Ушул бийик тоолордо жашаган.
Асанмырза, Карамырза мерген чыкты,
Апай беттеп улуу тоого баратышты.
Алар келди Кара Үңкүрдүн жанына,
Ашыгышып көңүл бурду айланага.
Үңкүргө кирип чыгат кайберен,
Мергенчилер аларга көз жиберген.
Карамырза тууганына кайрылды:
– Булардын бир-экөөсүн аталыбы?
Асанмырза:– Аны өзүң бил,-деди.
Аныгын ал кургур да билбеди.
Карамызрза басып калды машааны,
Кара тоодон «баң» этип үн жаңырды.
Жайык төрдө азаптуу үн угулду,
Жарыялай айтты шектүү туюмду.
Куудуратып куу терини кийип алган,
Курган бала кийик болуп байкалбаган.
Кыздын үнү жаңырды аба жарып,
Өз агасын жоктоду кайгыланып.
«Кагылайын бел туткан карааным,
Карааныман кол жууп айрылгамын.
Асманда куркулдаган кузгун жок,
Кузгундай учуп кетсем не болмок.
Анда көрбөй калмакмын кайгыны,
Азап тозок жеер бекен башымы.
Арка болоор кара тоом бар эле,
Азыр эле өз жанымда турду эле.
Тоом урады айланамда шагыл таш,
Томолонот кара көздөн ысык жаш.
Кайранымды кара башым унутпас,
Кара ташты эзмелеген аккан жаш.
Тоодой кайгы көтөрдү го алтын баш,
Томолонот тып-тып этип ысык жаш.
Эки көздөн азаптуу жаш агылды,
Айткылачы ким атты экен агамды?
Карамырза,-Мен,-деп өзүн көрсөттү,
Каар учуруп кайгыланып муң өттү.
Кыз отуруп күбүрөнүп жиберди,
Мергенчиге тескери бата берди.
Кыз байкуш кайра-кайра ыйлады,
Кымбат чагын эстегенсип жатабы:
«Көп сырдуу кагылайын Кара Тоом,
Көп мезгил сызды экен ойлонсом.
Өзүңдө өттү маралдай жаш чагым,
Өкүнүчүм, толкуп ташкан арманым.
Каралдыман жабыркап айрылдым,
Кара Тоом көрүп турат кайгымы.
Кара кузгун өз башымда кайгымбы,
Көп беле бу дүйнөдө жаңылганым,
Көз жашым көлдөй болгон арманым.
Мергенчилер кыз байкушту сооротту,
«Алып кетели жүрү эми» сөз козгошту.
Кош болгунуң Кара Үңкүрүм кагылайын,
Сенде калды аз болсо да бала чагым.
Мезгил өтөөр акыры бир күндө,
Сапар тартып кайра келем өзүңө».
Экөө эркелете ал кызды сооротту
Аз болсо да кеңеш берген болушту.
Мергендер корумдай салып денени,
Кызды алып айыл жакка илгерледи.
Бөлүнөөрдө кыз катуу ыйлады,
Ажырашуу кара жанын кыйнады.
Арыкмырза өтө токтоо жан эле
Ала барман бир калыс неме эле.
Кеп билги Мырзалардын энеси,
Ошондуктан аны угуп келишти.
Акылдуу эне бир күнү кеп салды,
Акыл менен кеп учугун чыгарды.
Эне кургур өкүм эле баарынан,
Эмне десе ошонусу аткарылган.
Айыл болсо анын сөзүн угуучу,
Ал зайыпты арка-жөлөк тутуучу.
Жөн чыгып Алсейиттин аялы,
Ал кургурду абдан эле аяды.
«Бул кызды ага нике байлайлы,
Ырым-жырым жөрөлгөнү жасайлы»
Сөз бүтүп баардыгы тең камдалды.
Саруу бийи Коңкайты болгон экен,
Анын кызы Токтобек эрке экен.
Эмне ойлосо оюн такыр бербеген,
Жаш чагында эрке өсүп менсинген.
Ит багып күчүктөрү ээрчиген,
Аларга малды союп эт берген.
Күйө менен баланы кетти карабай,
Алсейит ата кайгыланды бир далай.
Таалайлуу кыз Алсейитке жар болду,
Тамыр тааныш баары келип тойлоду.
Бугу эне Алсейитке кайрылды:
«Үч ишти жазаба дап тапшырды.
Жуунсам үйдөн чыгып кеткиниң,
Көрөйүн деп кайрылып келбегин.
Турмуш жолу көп кырдуу миң сырдуу,
Жакшылык менен адам пенде ыймандуу.
Каардансаң башка мени чаппасың,
Касиетим алыстап такыр качпасын.
Сурабагын менин ата тегимди,
Ким болом, жана кайдан келгенди.
Анын сага такыр тийбес кереги».
Күндөр өттү экөө жакшы жашады,
Жашоо болсо алды жакка сапарлады.
Бир күнү эне жууна баштады,
Ата болсо айтканын аткарбады
Байкады билинбеген сырларын
Эненин эмне кылып жатканын.
Мүйүздүү эне баарын байкады,
Өз ичинен жини келе баштады:
«Бекер болду аңдыганың ай байым,
Аныңы сезип ушунчалык аядым.
Тукумубуз аз кемип калбадыбы,
Айтканым аткарылбай калбадыбы».
Эне болсо пенде эле акылман,
Ишинен сонун нерсе чыгарган.
Аял заты эркектин ачат таалайын,
Көтөрөт анын, чөккөн паанайын.
Алсеит атанын иши улам оңолду,
Акырындап кайгы-капа жоголду.
Аз өтпөдү Алсейит бий болду
Анын ташы өйдөгө тоголонду.
Ал кезде калмактардын доору сүргөн.
Кыргыз калкы аларга салык төлөгөн.
«Кыңк»-дебей башкарып калмактар,
Ал учурда өткөн далай армандар.
Жайкы күн нурун төгүп жаадыраган,
Калмак жактан чаап келип беш атчан.
Ал бешөө бир жаңылык кабарлаган.
Ак эшикке Алсейит бийди чакырган.
Бий калмактар менен аралашып,
Эки жылдай ал тарапта жашамак.
Алык-салык баардыгын тактамак.
Калмак ханы анын ишин аткармак.
Эмне кылат калмактын сөзү күчтүү,
Аргасыздан ал жакка көчүп жөнөдү.
Калмактар баардык жерди бийлеген
Калдалаңдап каапырар буйрук берген
Алсейит бий бүлөсү менен ал жакка,
Жүгүн жүктөп аларга көчүп барды
Баары чоочун жашоо дагы башкача.
Мунун өзү бу турмушта тагдыр да.
Жамангул,Папа ал кезекте тестиер,
Көпөлөк кууп ата-энеге эркелеер.
Калмак ханы эчак эле билип алган,
Асыл энени көзү ачык баамдаган.
Бугу эненин ыйык жагын байкады
«Токолдукка алат го» деп ойлоду,
Арамзалык ашып турат башынан
Арам пенде кырсыкпы анын жолу.
Мунун тукуму бизге оошот билинбей,
Алсейит бийди жок кылам билдирбей.
Бул аялдан далай балдар төрөлөт,
Баатыр болот төрт тарабы төгөрөк.
Анан дагы өтүп жатты мезгилдер,
Жаз, жайды жамынып мейкиндер.
Калмактан Чежемен деген кыз болгон,
Акылы жетик келечекти көп ойлонгон.
Эне менен жакын болуп кыз бала,
Ээн жайкын кеңешчү эле сырдана.
Тилин билип түшүнчү кыргыздын,
Ички сырын билип турчу адамдын.
Дал ошол Чежемен деген кыз бала,
Энеге келип бир жаңылык айтууда:
«Баштаган турат атакем кордукту,
Силерге салабы дейм зордукту».
Атакем акырын бийди жок кылат,
Анан барып жаман жорук жасалат.
Токолдукка анан сизди алабы,
Башыңызга азап ишти салабы.
Мүйүздүү эне ийкеди өз башын,
Айттырбай билип алган баарысын.
Ал жөнүндө сыр көрдүм үч жолу,
Төлгө салдым такыр эле окшошподу.
Мүйүздүү эне Алсейитке кеп салды
Жаман иш белгилүүболчу баардыгы.
«Калмак ханы жамандык кылбайбы
Кабалаңдап кара башты жалмайбы.
Көчүбүздү ат үстүнөн чечет го,
Кордукту башка салып кетет го.
Түндө жатып түш көрдүм байым,
Түшүм түш эмес азабымбы байым.
Керүүдөн ат качырдым байым,
Атым карматпай кетпесин байым,
Атымы кармабасам азабым байым.
Мурдаа күнү куш качырдым байым,
Кушум учту артынан куудум байым.
Кушуму кууп жүрүп кармайын байым!»
Кыргыздар ал жерде жөн жатпады,
Качууга жасап жатты камылганы.
Калмактар да бир нерсени ойлонду,
«Аңдыгын»– деп эки жигит койдурду.
Алсейит бий жигиттерди чакырган,
Дасторконду кенениреек жайдырган.
Жай баракат этти жеп жатышты,
Экөөсү тең улуу сыйга батышты.
Жигиттер айтты эми кымыз ичели,
Андан кийин эс алууга тарап кетели.
Кымыздан кийин ичип жатты аракты
Мас болуп баш көтөрбөй калышты.
Тымызын журт тынчыган мезгилде,
Кыргыздар көчүп жөнөйт бу кезде.
Чежемен кызды ала кетип баратты.
Куугун жокпу арт жагын карашты.
Из жазгырып башка жолго салышты,
Калмактар такыр таппай калышты.
Алар кеткен кугунга карматпай,
Калмактан такыр качып алыстай.
Качкындар өз жерине келишти,
«Бий келди»– чоң тойду беришти..
Бу кезекте кыргыздар небак жетилген,
Кармашууга өткөн алар калмак менен
Жигиттерди жоо четине коюшту,
Калмактар келчү жолду тосушту.
Калмактардын качып калган кайраты,
Баягы күчтүү кези такыр кайра тартты.
Анан өттү акырындап мезгилдер,
Тынчтык акырындап берилеер.
Алсейит калмактар менен дос болду.
Уруш-чатак барып-барып жоголду.
Кирген суудай уланышып мезгилдер,
Тоонун суусу жээк тарапты жемиреер.
Мүйүздүү эне сууга дайым киринген,
Чежеменди «барып төгүп кел» деген.
Ошол сууга бети-колун жуучу экен,
Эне сырын ошол гана билчү экен.
Касиетин алайын деп бугу эненин,
Ал кыз шегин билчү бирдеменин.
Калы бар сүйлөгөндө тилинде.
Кайтпоочу ал бирдеме дегенде.
Эне Чежемен кызды байкады.
Ургаачынын узуго деп баамдады.
Жакшы балдар жатынынан жаралат,
Улук жашоо улуу тоону аралайт.
Мүйүздүү эне көп нерсени ойлонду,
Бир амалын табайын деп болжоду.
Түндө жатып бир кызык түш көрдү,
Бул аярды ушуну менен үч көрдү.
Казак баатыр Телгозу аттанды,
Келе жатат Чежеменди алганы.
Чежеменди Алсейитке нике кыйды,
Казакк бул кызды карматпайлы.
Алсейит айтты уят го токол алганым,
Абийир керек журтту кантип караймын.
Мүйүздүү эненин жини келип териккен,
Күш –быш этип жөтөл менен демиккен.
«Көрүнгөндү алгының деп суранбайм,
Өзүм дагы алды-артымды абайлайм.
Жоо жакадан алып турган чагында,
Жакшы тукум керек экен кыргызга.
Тукубубуз бүт майдалана кетиптир,
Журтубузга акылман жан керектир.
Тоолук элге керек экен баатырлар,
Өз журтуна тартынбай башты саяр..
Жана керек баарын билген аярлар,
Керек окшойт үн безеген акындар».
Жомок кылып бабалардын баянын,
Кеп кылайын аталардын аянын.
Алсейит бий макул болду анан да,
Мүйүздүү эне эмне десе баарына.
Эне айтты: – Өз тукумум улансын.
Улуу тоого желбирете туу сайсын.
Алсейит бий ал кызга үйлөндү,
Өрүш алып жаңы өргөө көтөрдү.
Тогузду айдап эртеси келди Телгозу,
–Кечиктиң,-деп эл айтты: -Болбоспу.
Телгозу баатыр бир кызды алыптыр,
Кайра үйүнө сапарлап кайтыптыр.
Телгозу Алсейит менен дос болгон,
Бул санжыра калган экен ошондон.
Чежемен энеден Туумакашка төрөлдү.
Аккозу жана Каракозу көз көрдү.
Ошол калмак кызы Чежемен энеден,
Чыккан экен далай-далай көп берен.
Ал энеден далай уулдар жаралды,
Төгөрөктүн төрт бурчун аралады.
Суулар акты өз нугунда токтобой,
Жай албас мезгил сыры ошондой.
Мезгил өттү акылман эне көз жумду,
Канткен менен мезгилдин жолу улуу.
Бапа ата бүт зыйнатты жасады,
Алыстан чоң молдону алдырды.
Эне сөөгүн эртең коймок болушту,
Баары бүтгү ушул жерге чогулушту.
Бул кезекте мезгил күзгө таянган,
Тоону бүтүн сары сойгок каптаган.
Кечинде тараптарга кар жааган,
Айлана бүт ак өңгө капталган.
Жылдыз батып таң агара баштады,
Сөөк кайтарып кетпеди баардыгы.
Молдо кирсе боз үйдүн ичине,
Сөөк жок тамашабы бул эмне?
Жылаң аяк аял чыккан боз үйдөн,
Бийик тоого сапар алып жөнөгөн.
Белгисиз экен ал издин аягы,
Баарысы изди карап таң калды.
Кара Үңкүргө бир из кеткен окшоду,
Аяр эне бул бир сыйкыр окшобойбу.
Мүйүздүү эне ырымда аны эскердим,
Колдосун деп бир кудайдан тиледим.
Мүйүздүү эне касиеттү жан эле,
Ал жөнүндө баян айтам дагы эле.
Мүйүздүү эне жаратылыш жайнаган,
Бакыт жолун бизге келген кайрадан.
Асман дагы, токой дагы энебиз,
Аба дагы, көлдөр дагы энебиз.
Тоолор дагы бугулар да энебиз,
Биз аларды ыйык тута беребиз.
Мүйүздүү эне түбөлүккө аман бол!
Жаратылыш жоголбогун өзүң бар бол!
Баарыбызды мүйүздүү эне колдосун!
Жолго чыктык анда эмесе жол болсун!
Бир кудайым биздин ишти оңдосун!
ЖАМАНГУЛ АТА
Эээ…й…
Эзелкинин баяны,
Элеси көп ар кандай.
Укмуш, укмуш ырлардын,
Учугун чубап чыгармай.
Ай, курдашым, курдашым,
Ачка болдум дейсиңби,
Ачка болсоң кел бери!
Сүткө талкан булгайлы,
Сугунуп аны бурдайлы.
Мезгилди бошко кетирбей,
Кайра маек куралы.
Байыркы ата бабанын,
Баянынан улайлы.
Бай тарыхын эстейли,
Башкаларды каратып,
Баян айта кетели.
Ай, шум дүйнө, шум дүйнө,
Жогмоктору көп дүйнө.
Жоругу жолдо айтылган,
Жомоктору көп дүйнө.
Бажырайып чачылган,
Бар дүйнө да жок дүйнө.
Шарактап алып токтобой,
Шамалы учкан бу дүйнө.
Кубулжутуп үн берген
Кубанычы көп дүйнө.
Ай туугандар, туугандар,
Окуя сырын куугандар.
Алсейит жубайы,
Болгон эле бугу эне.
Айткан элек биз аны,
Белгилүү журтка баяны.
Сай-сайда калып жоголгон,
Санжыра айтам ошондон.
Мунун баарын баяндаган,
Куйма кулак карыдан,
Кубанып улам сурагам.
Карыянын жомогун,
Ыр кылууну ойлондум.
Эчаакы өтүп кеткенди,
Эстегенге кез келди.
Аңгемени угуп отуруп,
Аян кылып курадым.
Байыркынын уламышын,
Баштап кайра уладым.
***
Ошол, ошол заманда,
Алаамат болуп ааламда,
Жер талашып, көп жолу
Кыргыздар менен калмактар,
Кыйры кеткен алыска,
Кытайлар менен кармашкан,
Алакандай кыргыз эл,
Ар намызын талашкан.
Калмактар кылып кордукту,
Кыргыздар ага чыдабай,
Караңгы түндө жол жүрүп,
Каршылашкан бир далай.
Кээ бир кезде кармашуу,
Намыз бербей чабышуу,
Бир жолу ошол жоо,
Катуу кылып каршылыкты.
Боз үйлөрүн кыйратып,
Келин кызын ыйлатып,
Катуу кылды каршылыкты.
Бугу эли буга чыдабай,
Жапырт баары аттанышты.
Кыйратууга чыгышты,
Кыл тиштеп келген калмакты.
Далай жолу болду го
Басылбаган кыргындар.
Кармашып жоо менен
Катуу турду кыргыздар.
Көтөрүлдү бугулар,
Калмактар менен каршылашып,
Катуу намыз талашып,
Карагай черди аралап,
Жамангул, Итбок, Боокелер,
Жат жоого алар баратты.
Карыш жер такыр көрүнбөй,
Кабалаңдуу түн жатты.
Жылкыны айдар душмандар,
Жыбыт менен качышкан.
Айгай салып калмактар,
Алыстап улам бараткан.
Кооптуу сана аралайт,
Көк Теңирим колдой көр,
Жемишин берип чоңойткон,
Жер энебиз коргой көр.
Түбү түктүү жер жатат,
Кармаш күчөп келатат.
Каардуу калмак келатат.
Көп жылкыны такыр бербей,
Калмактар жүрөт кармашып.
Кыргыздын жоокерлери,
Алар менен алышып.
Айбалта менен чабышып,
Аябай намыз талашып.
Башталды кыргын сүрөөн,
Азап тозок күчөгөн.
Жоонун саны көптүк кылып,
Кыргыздар артка сүрүлдү.
Алар артка качышты,
Аралады айсыз түндү.
Калмактардын көптүгү,
Калтаарытып үрөйдү.
Айбалтасын колго алып,
Жоо жарагын кошо алып,
Аңыраңдап чабышып,
Ашып-шаша камынып,
Жаачаны сороктоп,
Кажы-кужу сүйлөшүп,
Калмактар келет короктоп.
Баатырларга тйишип,
Баркылдашып ит боктоп.
Мөндү-мөндү мөндүлөп,
Мөндүлөп душман келатат.
Жабуу-жабуу жабуу,-деп
Жабалактап келатат.
Аттарына камчы уруп,
Аңыраңдай келатат.
Баардык журтка белгилүү,
Батмөңкө деген мерген бар.
Айдыңы чыгып калмактан,
Атпай журтка таанылып,
Очогор мылтык асынып,
Ошол да кууп алыптыр.
Алдындагы Жаа тору
Аты арыш алыптыр.
Итбок менен Боокеге,
Ошондо ок жаңылат.
Денесине терең кирбептир,
Жаратканым аман сактайт.
Азап күн ошондо,
Көп азамат окко учту.
Өлүм деген шор экен,
Кыргызды бүт коркутту.
Багышан, Каабай бар эле,
Айдыңы элге шаң эле,
Ошол эрлер окко учту,
Кандай азап коркунучтуу.
Бир жери толук болсо да,
Бир жери кем дүйнөнүн.
Баарына толук жете албай,
Кандайсың дүйнө күн.
Акырындап аласың го,
Адамдын сен өмүрүн.
Калмактар көптүк кылып,
Кыргыздар азыр кайгылуу.
Артта турат жоо колу,
Жамангул баатыр жаралуу.
Өмүрдү өлүм аралаган,
Көздөн учуп чымын жан.
Азап мелт-калт чайпалган.
Болоор иш эми болду да,
Баатырлардын шору да,
Жылкыларды жыйра айдап,
Жоонун көрдүк кеткенин.
Жортуп келген буруттун,
«Бирдик» -дешти эсебин.
Багышан менен Каабайдын,
Сөөгүн жүктөп жылкыга,
Өрүш менен келишти,
Өкүрүк таштап айылга.
Өксүк үндөр таралды,
Пайда кылып кайгыны.
Эмне арман болуу да,
Элейише таңданды.
– Кагылайын эл журтум,
Кайгуулда турган калмакка,
Кайдан барып кабылдык.
Калмактардан жаза алып,
Эки бирдей шумкардын,
Элесинен айрылдык.
Ээсине берип таштадык.
Эки бирдей шумкарды,
Эми бизге ким берет.
Таандай калмак каптаса,
Тагдырыбыз эмне дейт,
Таалайлуулар жок болду,
Айланайын эл журтум!
Шумдуктуу ишти ким билди,
Шумкарлар учуп жол кетти.
Кайгуулдагы баатырлардын,
Кара жанын ок жеди.
– Оо, кокуй ай, боорлорум,
Калмактар берди эсепти,
Катуу азапка кабылдык,
Катаалданган тагдыр бар,
Карчыга куштан айрылдык.
Кайран эрлер жол кетти,
Каргалар учкан кыядан.
Боз таркылдак куш да бар,
Боорго салган уясына,
Боздотпой келип кайрылган.
Боз ала болуп биз байкуш,
Боор тарткан эрден айрылдык
Боз атчан өткөн кыядан.
Кача албадык тап-такыр,
Катаалданган тагдырдан.
Караандарын көрсөтпөй,
Кара кайгы каңгыган.
Кайрандардан айрылдык,
Кара атчан өткөн кыядан.
Кагылайын боорлорум!
Жамангул баатыр жаралуу,
Кара башы кайгылуу.
Анын да жаны учабы,
Алыстап бизден сызабы.
Ок жаңылган адамга,
Паана болуп кудайым,
Мурдатан келген иш эле,
Ургаачы аттайт дечү эле.
Жан дүйнөсү ак болсо,
Жаңылыштык болбосо,
Кайрылып кайра жакшылык,
Кан менен чыкмак ок атып.
Өмүрдө төшөк булгабай,
Абийрин ак сактаган.
Ургаачыны издөө башталган.
Касиеттүү Олуяттын,
Караандуу атын аташты.
Күңгөйдө турган келинге,
Күлүк берип узатты.
Жашын төгүп энелер,
Жаратканга жалынат.
Сактасын деп кудайым,
Улам-улам табынат.
Эки баатыр окко учту,
Эгемден көрүп буйрукту,
Жакшылык болуп өмүргө,
Жамангул баатыр аман кал!
Асыл ойду тилеймин,
Алла Таала кудайдан.
Адамдын жанын соо койгой,
Асылдын башы бар болгой.
Ок жаңылган баатырды,
Олуят келип аттады.
Бир аттады чыкпады,
Эки аттады чыкпады,
Ушундай иш болобу,
Ургаачы көзүн жаштады.
–Тагдырым мени бозортуп,
Тамашалап жатабы.
Үчүнчү жолу аттайын,
Тагдырымды байкайын.
Тайып такыр тагдырдан,
Жаңылыштык жасабадым.
Жаман ишке барбадым.
Да бир жолу аттады,
Оюктай дене ачылды.
Кан аралаш ириң агып,
Ооруган дене басылып.
Ок чыкты сыртка агылып.
Эки жагын улам каранды
Жан кирип ата тынчтанды,
Байсалдуу кылып жаратканым,
Батасы тийип жараткандын.
Дарт чыгып сырт жагына,
Омоктуу өткөн атанын,
Өмүрү торго илинбейт,
Өлүм менен ажалдын.
Жамангул ата Олуят энеге,
Чоң бакытты арнаптыр.
Олуят эне ал батадан
Тогуз уулду тааптыр.
Төрт тарабы келишкен,
Тогузу тең эр экен.
Тогуз уулу эл коргоп,
Аман-эсен бар экен.
Оролмо Тоонун чоң жолу,
Оролмо тоодо айтылган,
Ошол элдин жомогу.
Буйгат тоодо айтылган,
Бугу элдин жомогу,
Байыркы элдин жомогун,
Баштай берсек болорбу.
Кара тоодо жаралган,
Кагылайын жомогум.
Оо, мунун калп менен иши жок.
Жанында болгон киши жок.
Оо, мунун жалган менен иши жок.
Төрүндө жаткан киши жок,
Оо, мунун төгүн менен иши жок.
Жогору жактан ит үрөт,
Жогору жактан ит үрсө,
Жомокчу чал келдиби,
Жобурата кеп таштай,
Жомогун айтып бердиби.
Жомокчу чал жомок айтса,
Баарысын тең жазайын.
Бул баянды оку деп,
Балдарга суна салайын.
Аркы суунун өйүзүнөн,
Ажылдап ажаан ит үрсө,
Аңгемечи келдиби
Ар түркүн сөз таштап,
Аңгеме айтып бердиби.
Аңгемечи чал келсе,
Аңгемесин угайын.
«Аңгеме баян оку»– деп,
Агайын журтка сунайын.
Узун жолдо келаткан,
Учунда бирөө көрүнсө.
Уламачы киши келдиби,
Улууларды сүйүнтүп,
Улама айтып бердиби.
Уламачы чал келсе,
Уламасын тыңшайын,
Ар бир сөзү калтырбайын,
Ак баракка жазайын.
Сайлуу өзөндү аралай,
Сак-сактап келип ит үрсө,
Сакадай чал келдиби,
Сап-сапка тизип сүйлөмдү,
Санжыра баштап бердиби.
Сары алтындан куралган,
Сакадай чалдын жомогу.
Бапырап келип кеп салса,
Байркынын оролу.
Баарын угуп алгамын,
Эсиме бекем туткамын.
Түн кирип жылдыз чыкты,
Түш көрүп эми уктайын.
ТӨРӨКОЧКОР АТА БАЯНЫ
Убакыт кээде жай жылат,
Учуру келсе тез жылат.
Жолунан калбай ашыгып,
Жомок ылдам айтылат
Бир гана чоң арман
Өткөнүбүз кайрылбайт.
Жолдо калбай закымдап,
Жомок жорто баратат.
Өргө карай бараткан,
Өмүрүбүз канча ким билет.
Кутту тилек каалган,
Кудайым билсе бир билет.
Курап жазган ырымды,
Кудуреттеп сыйладым.
Учуп күйгөн ырыман
Угулабы жаңырыгым.
Сырларым жан сырларым.
Байркынын дабышы,
Унут боло баштаган.
Кабар күтүп жатабыз,
Санжыра айткан карыдан.
Төрөкокор атанын,
Баштайлы эми баянын.
Жаңылыштык эгер кетсе,
Кечиргиле ал жагын.
Алынып алган жалпыга
Төрөкөчкор башынан.
Сөздү-сөзгө тизмелеп,
Сөзмөр болчу жашынан.
Түштүктөн келген молдодон,
Арип таанып оку окуган.
Куранды кээде жатка айтып,
Жакшы адам эле окумал.
Адамдын жакшы, жаманын
Алдыртадан эле билип алган.
Абдан чебер ишмердүү,
Адамдын сырын байкаган.
Касиеттү бугу уруусунун,
Караны тоодой адамы,
« Ишбилги жана чечен» -деп
Ишенчү эле баардыгы.
Бугу уруусун жөнгө салганы,
Хан сарайга аттанган.
Жөнүн чечип алык салыктын,
Хан менен катар жашаган.
Кайрат күчкө толгондо,
Күнөстүү шаар Кокондо.
Ханга кызмат кылган дейт,
Качанкы өткөн тарыхты,
Сөзмөр жандар чечмелейт.
Сөздү сүйлөп эзмелейт.
Ханга кызмат аткарып,
Калып калат Кокондо,
Жылдар жылып аңгыча,
Ала салат айлар да.
Армандуу бир чоң кайгы…
Ай айланып жылганда…
Алтын башта бир кайгы,
Азгыруу аны бастыбы,
Жармашыптыр баатырга.
Жалалуу көрө албастык.
Жазмыштагы тагдырга.
Ал болбосо баатырдын,
Алганы сулуу бекенби,
Сулуулукка шектенүү,
Суктанта жүрөк эзгенби.
Акыры эмне болсо да,
Арман барбы жазмышта,
Алдуу жандан айрылдык.
Алыста жүргөн чагында,
Душмандын ичи тарыды.
Жан-айласы жалында,
Уу беришип жалмады.
Өкүнүч басып жаш жанды,
Хан сарайда иштеген,
Хамиракун деген бир адам,
Токтоо энеге көз салган,
Тымызын жүрүп аңдыган.
Көрө албастык ашынган,
Уу берип ошол баатырга
Жаман ишти жасады,
Башына үйүп арманды.
Аркалаган айдыңдуу,
Ала Тоо жок жанында.
Ак калпакчан шоңшойгон,
Адамдар жок кашында.
Азап тооруп баатырды,
Керез сөзүн калтырды,
Кеби жалаң кайгыбы,
Жалгыз башта бир арман
Жабыгуу кайдан жаралган.
Ууланып жашында,
Улам батты арманга.
Төрөкочкор атабыз,
Керез сөзүн калтырды,
Кеби жалаң арманбы,
Кайгысы жан чыдагыс,
Жапага толуп көз жашы,
Жабыгып турду жаш башы.
АТАНЫН АМАНАТЫ
«Кара тоодон көч келет,
Кара тоодон көч келсе,
Кара көзүм тигилет.
Кара көчтү карасам,
Кара көзгө жаш келет.
Кара тоого бараткан,
Ошол көч мага келеби?
Кара көчтү карасам,
Карматпай кетти караанын.
Кара көч мага кайрылбайт,
Кара көздөн жаш агат.
Көч көчүп алыстайт,
Кыйкырсам үнүм жетпеди.
Эл алыстап кетеби.
Толкуп, толкуп тим жатпайт,
Ысык-Көл улам чайпалат.
Көл үстүндө толкундар,
Кайгым болуп ашынат.
Карап алып кайгырдым,
Алыста калды айылым.
Боордо кетип бараткан,
Белек, Кыдык, Боокелер,
Алыстап улам калабы,
Асылым ушул берендер,
Аларга жетпей каламбы.
Жарыгын чачпай шоодур ай,
Арманым менин ушундай.
Кара жолдо бараткан,
Кара көч мага кайрылбайт.
Кармалбас жаным ууланып,
Кара башты не кыйнайт.
Кара суу агып шаркырайт,
Кара каз ага жакындайт.
Кара суу менин кайгымбы,
Кара каз өз башымбы.
Кара суу агып шаркырап,
Кара башты жалмайбы.
Кубалашып өскөн жаш жарым
Курбалдаш өскөн Токтоайым,
Курсакта балам калабы,
Куржалак мени калтырбай,
Кут конуп кудай аркалай,
Курсакта балам бар болсо,
Куттуу тилек соолбосо,
Атын Сейит коюңдар,
Теңир Тоодо жашаган,
Тебишип ойноп бир баскан,
Байтак жолдо өтүшүп,
Байтал минип жарышкан,
Сиркедейде бирге өскөн,
Сейит аттуу досум бар.
Себебин айтаар чагым бар.
Аркалап тууган аймакты,
Акыры таап алыңдар.
Атадан калган жалгызым,
Агарып өскөн жалбызым.
Кумда өскөн жалбызым,
Кумсарып өскөн жалгызым.
Карааны болсун жалгыздын,
Кайгырып өзү калбасын,
Жабыктырбай жашоодо,
Жалгызды кудай сактасын.
Жабыркап ушул өмүрдө,
Жапа тартып калбасын.
Кор болбой жашоодо,
Колдогону бар болсун!
Жолдошу болуп жашоодо,
Жолдо кудай колдосун!
Тең өскөн жарым Токтоайым,
Теңир Тоого барабы ай,
Каадалуу балам Сейитим,
Кара Тоого кайтабы ай,
Курсакта бала кыз болсо,
Куруп калаар анда айлам.
Атадан туяк калбаса,
Анда арманым не кылам?
Андан башка нени айтам.
Учтуу тоодон оболоп,
Учуп жүрөт кара куш.
Карааны тоодо көрүнгөн,
Кара кушта айып жок.
Айланы такыр кетирген,
Атаңдын көрү дүйнө шок.
Кара куш учуп кетти,-деп,
Туугандарга кабар бергиле!
Тек жайдын баарын билдирип,
Тегиз айтып бергиле!
Кара куштан үн салган,
Калаар бекен балапан.
Эл ичинде береним,
Эркек болсо эрмегим.
Айтканым менин чын чыгаар,
Ата Журтка жол алса,
Айдыңым бир жаңыраар.
Өксүгүм толуп турмушта,
Өчкөн отум жалындаар.
Жөлөгүм Токтоайым,
Жөлөп турган башымды.
Табылгыс ушул дүйнөдө,
Таба аламбы бактымды?
Кеңешке келчи асыл жар,
Кебимди айтаар жайым бар.
Бу жер сага жер болбойт,
Бу эл сени колдобойт.
Азап тартып калганда,
Арка болуп коргобойт.
Ардактуу айым Токто ай,
Алыска кабар айттыргын.
Чарчатып алыс жолдордо,
Чабаганды чаптыргын.
Алайлык жакын туугадар,
Ошолорго таянгын.
Ага-инидей бир келдик,
Алар сени кыя албайт.
Аябайт такыр жардамын,
Баарынын көр пайдасын.
Алымбек менен Керимбай,
Акыл салгын аларга.
Алар келет жардамга.
Алайлык жана Таластык
Кайрылып көр баарына.
Армандуу үндү угабы,
Атанын жалгыз туягы.
Аркалап алып жалгызды,
Шамалда өскөн жалбызды,
Шамал жулуп кетпесин.
Шамшаңдаган куу ажал,
Шамшарын сунуп келбесин.
Бекем сактап намысты,
Атадан калган туякты,
Аркалап тууган элине,
Аман-эсен кезинде,
Ата-журтка жеткиргин.
Тирек болоор элине,
Тирүү кезде тапшыргын,
Ак кар баскан баштарын,
Ала Тоолук элине.
Учтуу тоодон кол булгап,
Учуп кетеер чагымда,
Ушул сага айтканым.
Урматту менин каралдым.
Кара байыр казанат,
Дулдул ат эрге жарашат.
Асыл керез баланы,
Айдыңдуу жерге алпаргын.
Айтаарым ушул аманат.
Айлам кетип турганда,
Айтканымы ким туят.
Арманымы мен айттым,
Ата журтка кошо айттым.
Уламадан кеп калат,
Ушул сөзүм аманат!
Айдыңдуу жандын сөздөрүн,
Аткарбасаң сага уят.
Кагылайын Токтоайым,
Арт жагымда калаарым.
Учуп кетеер чагымда,
Ушул сага айтаарым.
Катаал чоочун тарапта,
Кашка ат минген эр келет.
Берен кайтыш болдубу,
Эгемдин ошол жолубу.
Адашып чоочун жылгада,
Ат жаныбар кишенейт.
Кайгысы ашып жатабы,
Карангүн аны ким билет.
Кашка ат эстүү жаныбар,
Кайранын эстеп жаткандыр.
Кайра-кайра жер чапчышы,
Кайтыш болгон тагдырдыр.
Кайра-кайра окуранып,
Кагып жатат туягын.
Эгем тагдыр эмне дейт,
Ээси экинчи жол келбейт.
Олбуй-солбуй камчы уруп,
Оң тетири теминбейт.
Кара жолдо таскактата,
Кашка атын желдирбейт.
Өкүнүч менен армандуу,
Өмүрдөн өтүп кеткен дейт.
Кайтыш болду эр азамат,
Сөөгү жерге коюулат.
Токтоайым тартты арманды,
Өлбөй гана тирүү калды.
Эмне кылат кайраттанды,
Андан башка айла барбы.
Анан өттү убакыт.
Үстү-үстүнө куралып.
Жылмайып келди кубаныч.
Токтоайым аман төрөдү.
Кыз болбой эркек экен
Чочогу бар бала экен.
Төрө атадан тукум калды,
Куруп калган энеке,
Кубаныч каптап жылмайды.
«Төрөкочкор өлбөптүр,
Кайра жаңы төрөлүптүр.
Анын жашап жатканын,
Армандуу көз көрүптүр.
Тугандар менен Алайлык,
Өз ырымын жасады.
Ата айткандай баланын
Атын Сейит атады.
Үстү-үстүн куралып,
Өзү эле келди кубаныч.
А баягы Хамиракун
Токтоайымга келиптир.
Үйлөнөлү жакында,
Өз кеңешин бериптир.
Токтоайым эне сыздады,
Жашын төгүп ыйлады:
Кичине бала эт алсын,
Арадан жыл айлансын.
Аңтаралы дүйнөнү,
Андан кийин көрөлү.
Андан ары не болду,
Кагылайын дастанчым.
Кайрылбай кеткен аяндын,
Кабарын айтчы баянчым.
Ошол кезде Токтоайым,
Көпкө ойлонуп отурду.
Кабарсыз жаткан Теңир Тоого,
Кат жазууну болжоду.
Төп ааламга таанылган,
Төрө атабыз бу болду.
Бугуа кабар салайын,
Буйгат тоодо жашаган,
Булардан кабар алайын.
Андан башка не кылат,
Ажырым ой эзмелейт.
Жерине туулган конушка,
Жетсем деген бир тилек.
Жетеби же, жетпейби,
Жетик тагдыр чечмелейт.
ЭНЕНИН КАТЫ
Убакыт кээде жай жылат
Учур келсе тез жылат.
Жолунан калбай ашыгып,
Жомок ылдам айтылат.
Бир гана чоң арман
Өткөнүбүз кайрылбайт.
Жолдо калбай сапарлай,
Жомок жортуп баратат.
Жазмачыны шаштырды
Ак кагазды алдырды.
Токтоайым кат жаздырды:
«Алыс жакта жайкалган,
Ала Тоом аман бар бекен,
Ала тоону жайлаган,
Аралап бээни байлаган,
Ак калпак кыргыз бар бекен.
Алыс жакта зарлаган,
Жерине жетпей талпынган
Күйөөсүнөн айрылган,
Кошок кошуп жашыган,
Токтоайым кабар айттырат.
Токтолбой көзүн жаш чаят.
Акмалай тоолор тарабын,
Алайган көздөн жаш тамат.
Асманга учуп талпынган,
Асылыңар жол кетти .
Көккө учуп талпынган,
Көк шумкар учуп жол кетти.
Көп санаа келди башыма,
Көк шумкардан айрылып,
Көгөйдүү кайгы бир келди .
Көк кыядан өтөөрдө,
Көгөргөн көзгө жаш келип,
Көгөй беле бул дүйнө.
Ак кыяга келгенде,
Алайган көзгө жаш келип,
Арманымбы бул эмне?
Урумдун тоосу ат жетпес,
Узаган менен бат жетпес.
Аскар белим айдыңым,
Урматтап сйүп сыйлаган,
Уулуңардан айрылдым.
Кашкалдак деген кайран куш,
Какшасам да карматпай,
Какшаал тоодо таштады ай,
Кашкалдык куш өз башым,
Карарып агат көз жашым.
Төрөкочкор өлбөдү,
А дүйнөнү көрбөдү,
Арбагы анын таалайлуу,
Болду эркек балалуу.
Анын өзү айткандай
Атын Сейит койгомун,
Ардагымы улам карап,
Мен бактылуу болгомун.
Сапар тартып келиңдер,
Артында калган тукумду,
Аман-эсен алып кетиңдер.
Уяда жаткан балапан
Учкул куш болоор маалында.
Туусун жайып асманга,
Тукуму калаар артында.
Төп келдиби кең дүнүйө,
Төрө уулуңар өлгөн жок,
Ашынса да арманы,
А дүйнөнү көргөн жок.
«Асыл атам кайда»– деп,
Айтып жатат баласы.
Тутанган жарык өмүрдө,
Тукум өлбөйт карачы.
Бөкөнө деген жаныбар,
Бөөдө өлүп карайлаар.
Аңыр деген кайран куш,
Ал жайын такыр карабай,
Алыс жакка таштабай,
Өлө электе асыл баш,
Өзүмдү алып кетиңдер.
Күчүңөрдү көрсөтүп,
Күлүк минип келиңдер.
Күкүгүм үн береби,
Күттүрбөй учуп келеби.
Күтүп жатам силерди,
Күйүткө салбай келбейби.
Кара куш кабар береби,
Кайрандар качан келет,– деп,
Карап жатам силерди.
Убайым көрүп жаш агызган,
Ушул катты жаздырган,
Тоолуу элге жете албаган,
Тозокту көрүп кыйналган,
Токтоайым,-деп билиңдер,
Күлүк минип сапар келип,
Күттүрбөй алып кетиңдер».
Хан сарайда иштеген,
Урмат менен кеп билген.
Алайлык кыргыз туугандан
Алып жатты жардамды.
Акылман жакшы эл экен,
Абийир менен кеп билген.
Аркалык,-деп Токтоайымды,
Аябай эле сыйлады,
Берип жатты жардамын.
Эл деген эл экен,
Элейип жалгыз калбадым.
Эне катты жаздырды,
Чабаганды чаптырды.
Бирок ички сырларын,
Башкаларга айтпады.
Адамда такыр урагыс,
Талкаласа жоо алгыс,
Үмүт деген дагы бар,
Үмүт менен жашады.
Белин бекем байлады.
Жараткан Алла Тааладан,
Алып жатты жардамды.
«Оңолобу ишим»-деп,
Алыскы бугу элинен,
«Келеер бекен киши,-деп,
Жашоо жолун эңсеген
Жакшынакай ой менен
Жаңылык күтүп жашады.
Төлгөчүнү чакырды,
Алдына төшөк салдырды.
Тамак-аш коюп сый менен
Төлгөсүн жайып тарттырды.
Төлгөсүн тартып жатканда,
Төлгөсү төп түштү,
Буту колу жок түштү.
Төлгөчү муну айтканда,
Токтоайым күлү жылмайа,
Ак батасын суранды.
Армандуу эне кубанды,
Алыскы бугу элинен
«Кабар келип калат»,-деп
Курган эне сүйүндү,
Кара жолду көп карап,
Кабарчыны күтүндү.
***
Ал катты алган чабаган,
Чаап баратып чарчаган.
Дайындуу эчен тоо ашты,
Даңкайган эчен бел басты.
Ак боз атын желдирип,
Арык бойлой баратты.
Даңазасы алкынган,
Дайындуу эчен суу кечти.
Тапырата жол кетти.
Таштак жолдо желдирди,
Үстү-үстүнө камчылап,
Үзөнгүнү теминди.
Күн эмес жума санап,
Күнгө күйүп баратты.
Бирде тоюуп курсагы,
Биринде ачка жол тартты.
Көл боюнда тоолу жерге,
Акыры жетип бугу элге,
Туугандарга кат берди,
Карарган кара шамалды,
Кара башта кайгыны,
Баарын айтып таштады,
«Айрылдык» деп кайрандан,
Карыялар жашып ыйлашты.
Энелер жана жеңелер,
Тартып жатты азапты.
Келиндери кошок кошуп,
Кеткендерди кошо кошуп,
«Кем дүйнө»-деп ыйлады,
Кеп сөзгө келе албай,
Келиндер жаман кыйналды.
Арбакка багышталып,
Ай туяк бээ чалынды.
«Жакшы тилек колдо» деп,
Жаратканга жалбарды.
Акыры туугандар,
Кеп-кеңешке келишти.
Алдыдагы болоор ишти,
Акыл менен чечишти.
Дагы эмне болгонун
Алдыда айтаар жомогум,
Түн кирсе ай чыкмак,
Бизге келди эс алмак.
Жолдо жортуп келаткан
Жомок дагы чарчады.
Түн кирип, ай чыкты.
Шаңкайып тоолор алыскы
Эс алышат баардыгы.
Эс алалы биз дагы.
КУРЖУН АТА БАЯНЫ
Баштап алдык баш жагын,
Баяндайлы ар жагын.
Анан анан не болду,
Айталы эми ошону.
Чын төгүнүн ким билет,
Жомокчу аны эскерет.
Бабалар жолу бу болду,
Ушундай болгон окшоду.
Таң калтырып жараткан,
Тагдырдын ошол жолубу.
.
Белектин уулу Ыстам бар,
Дубанда жок бай эле.
Жаратып койгон пендеде,
Жан дүйнөсү шай эле.
Ыстам байдын жылкысы,
Жылгаларда жайылган.
Жыламыштан кайырган.
Жылкычылар шаңданган.
Желип учкан жылкыдан,
Тоодой болгон даңкы бар,
Тобурчак аттын тукуму,
Тоо торунун улугу,
Жети жолу байге алган
Жергебиз бүт шаңданган.
Желгенине жел жетпес,
Жел жетпес күлүк жаралган.
Басканына мал жетпес,
Башкача күлүк жаралган.
Тоодой болгон тулпарга,
Тоолук элдер толкундап,
Толгон ырды чыгарган.
Белектин жаккан адамы,
Бежиреп акыл салаары.
Акүптүн уулу Акүчү,
Желжетпести минди эми,
Желбегей тонду кийди эми,
Бурулбай жолдо камынып,
Булдурсунду колго алып,
Кайсы бир эл жашаган,
«Кайыптын жери кайда»– деп,
Камына чыкты аттанып,
Азыгын баарын колго алып
Арбын, арбын жол басып,
Кыргыздын ушул элинен,
Бугунун ыйык жеринен,
Учуп күйүп жол алып,
Узаган дейт камданып.
Акүчү деген берен бар,
Атка жеңил тайга чак.
Арбын жолду так байкап.
Жети өзөн суу кечкен,
Жердин атын так билген.
Жекелешип сүйлөшсө,
Жети буру тил билген.
Кужулдап топту жиреген
Куран окуп, дин билген.
Байыркыны бат тактап,
Кагаз жазып, ыр чийген.
Көзү небак ачылып,
Көрбөгөндү көп көргөн.
Көп окуя оор турмуштун,
Көбүн баштан өткөргөн.
Дубанга бүт белгилүү,
Асыл ыйык жаны бар.
Кулагында шамы бар,
Кулайым деп көз салган,
Кодогону дагы бар.
Жергемде күлүк Желжетпес,
Жел жетеер бирок ат жетпес.
Жылкы ичинен атактуу,
Жылып учкан канаттуу.
Жеримде ат табылбас,
Желжетпес ушул сыяктуу.
Шашып учкан канаттуу,
Шардана ушул сыяктуу.
Урумда ат табылбас,
Учкаяк куш сыяктуу.
Калкылдап учат асманда,
Кайып сызган канаттуу.
Калкымда ат табылбас,
Караандуу ушу сыяктуу.
Арыбай чуркап отурса,
Ат да болоор ардактуу.
Туурумда ат табылбас,
Тулпар ушу сыяктуу.
Жетик чуркап алганда,
Жетим тоого ал бараар.
Желмаян менен жарышса,
Желмаянды калтыраар.
Ал күлүктү билдирбей
Тоо түбүндө байлаган.
«Башкалар сезип калат»-деп,
Баш аламан барбаган.
Үч саяпкер кезинде,
Үйүрмөнүн жеринде,
Желжетпести таптаган,
Белгилүү ишти аткарган.
Жаадай сызган бул күлүк,
«Жалгашыптыр кайыптан.
Түрү суук бир кулунду,
Таап алышкан талаадан.
Саяпкерлер байкаган,
Санжыра кепте айтылган.
Улама кептер айтылган,
Уланып келет байыртан.
Кайып ат Камбар ата,
Андан бүтсө бүткөндүр.
Акылдуу жылкы пиринин
Айдыңы колдоп жүргөндүр.
Даңкын угуп күлүктүн,
Сурап келди калмактар.
Душманга ат бербөөгө,
Кара тоодо жашаган,
Каршы турду кыргыздар.
Бошотуп ийсе эгерде
Жүрсө эгер чет жерде.
Башкаларга кайрылбайт,
Душманга жакындабайт.
Артынан ээрчин ээсинин.
Байкатпай гана үн берип,
Анын күтөт белгисин.
Ышкырып койсо тез келет.
Окуранып кабар берет.
Жоосун көрсө көрүнбөй,
Чер токойго жашынат.
Канатын жайып улам сызып,
Караандатып карматпайт.
Бир жерге коюп койсо,
Көпкө күтүп өз ээсин.
Эки жакты карап коюп,
Зарыга күтөт келеерин.
Акыл эстүү жаныбар,
Капталында канат бар.
Ушундай ыйык жаныбар,
Көрүнгөнгө туш келбейт.
Эгер кимге туш келсе,
Аны таалай мекендейт.
Желжетпести ала албай,
Эңсеген ой ишке ашпай,
Калмак байы кайгырган.
Тыңчыларга шектүү ишти,
Тымызын гана тапшырган.
Эр канаты ат болот,
Аттан кийин жат болот.
Жолдун алыс учуна,
Жолго чыгат күлүк ат.
Алыс жолдун башына,
Кең мекенди коргогон,
Ата журтту ойлогон,
Аттанаар эр табылат.
Кыргызда жолго чыгуучу,
Желжетпестей күлүк бар.
Алыс жолго узоочу,
Акүчүдөй баатыр бар.
Кыргызды кыдыр даарытчу,
Арт жагынжа арбак бар.
Чубаша чаап бараткан,
Чубак, Сыргак дагы бар.
Алга журтту сүрөөчү,
Алманбет, Кошой шери бар.
Байыртадан келаткан,
Бакай аттуу акылман
Марыбай колдо талпынткан,
Манас деген шери бар.
Кылымга аты таанылган,
Кыргыз ата өзү бар.
Буйгат тоону аралап,
Булуттуу көктүн асты менен
Муңдуу чөптүн үстү менен
Акүчү жүрүп отурат.
Жел менен жарышып,
Жети белди арытып,
Желжетпес учуп отурат,
Желдей сызып оолугат.
Куш менен жарышып,
Учуп жолду арбытып.
Акүчү келет сапарда,
Айрылыш жолдун башында.
Адыр, адыр бел ашып,
Аркайган эчен тоо басып,
Желгенине жел жетпейт,
Желген менен ат жетпейт.
Бурулбай чуркап келатат,
Булутту артка калтырат.
Акүчү менен жаныбар,
Алдыга карай шашылып.
Баарын артка калтырып,
Муңдуу чөптүн үстү бар
Булуттуу көктүн асты бар.
Жаалы келип калганда,
Жалгыз күлүк аркыраар.
Өзөн кечип арылап,
Өзүнчө эле шаң тарап.
Үзөнгү бутта жаркылдап.
Арбын жолду аралай,
Акүчү келет сапарлай.
Шарданы күч Желжетпес,
Шамал менен жарышат.
Шашып учуп ашыгат.
Кара тоонун артында,
Кара жолдун башында.
Эл уйкуга батканда,
Ээн жаткан тайпаңда,
Атын улам камчылап,
Акүчү баатыр сапарда.
Төрөкочкор киши колдуу,
Жазмыш экен жок болду.
Кетти келбес жагына,
Кейиткен бир тагдыр да.
Акүчү баатыр ошондо,
Жеңесине келип жолугат.
«Арманга эмне туш болдук»
Жашын төгүп отурат.
Акүчү баатыр кеп салды,
Кеп салганда деп салды:
– Ыйлаган менен пайда жок,
Кеткен эми кайрылбайт.
Баягы учур өтүп кетти,
Баадыгы эми табылбайт.
Андан көрө жеңеке,
Душмандын да күчү бар,
Чеңгелине кабылбай.
Ар бир баскан кадамды,
Жүрөлү эми абайлай.
Жеңеси менен жолугуп,
Качуунун жолун ойлонуп.
Бир күндү болжошуп,
Желжетпес күлүк атты,
Даярдап турду байлашып.
Бөтөн көз арам ойлорго,
Көргөзбөй жабуу жабышып.
Алыскы аймак кооптубу,
Адайлаш керек ошону.
Алдырып ийсең кокустан,
Таппайсың такыр оң жолду.
Душмандык улам күчөдү,
Токтооайымды күчтөдү.
Хамирахунга башын байламак,
Зорлоп аны кууратмак.
Шек билинсе өлмөксүң,
А дүйнөнү көрсөксүң.
Анда ажырап калмаксың,
Күлүктөн да баарынан.
Денеңи салып беришмек,
Кабанак итке ашынган.
Жолго бүттү камылга,
Жомоктой түн жатканда,
Атаар таңдын алдында,
Сейитти салып куржунга,
«Артынмак тең болсун»– деп,
Аш салып бир жагына.
Энени атка мингизип,
Муңдуу чөптүн үстү менен
Булуттуу көктүн асты менен
Желжетпес күлүк озуптур.
Мындан башка болбоптур.
Ал кезде болгон окуяны,
Аныгын ким угуптур.
Куржунга салып Сейитти,
Арылдап улам чуркаган,
Көз ачып жумганча,
Алыс жакка узаган.
Алдыда күлүк Желжетпес,
Курбудан чыккан куугунга,
Кууган менен жеткирбес.
Желип чуркап алыптыр,
Желпинип учуп Желжетпес,
Желпиништин тоосунан,
Жекшемби күнү чыгыптыр.
Эти кызып алыптыр,
Элире чуркап жаныбар,
Эринбей чуркаар чагы бар,
Желпинип чуркап отурса,
Жолдор калат созулуп,
Жолго жол кошулуп.
Булуттуу көктүн асты менен
Муңдуу чөптүн үстү менен.
Жалгыз ата туягы,
Жаратканым аны туябы.
Төрөкочкор атадан,
Төрөлүп тукум улаары.
Куржунда келген туягы,
Кудай аны туябы.
Атанын жалгыз кулуну,
Артында калган кургуру.
Бугу эненин тукуму,
Кагылайын жердештер.
Кандаш болгон берендер.
Куржунда келген баланын,
Купуя сыры ушулбу.
Улап айттым ушуну,
Улама кеп угулду.
Желпинип учуп Желжетпес,
Желпиништин тоосунан.
Жел сызгандын зоосунан,
Далай чөлдү аралап,
Даңкан чачып сабалап,
Жаратканга кылып салабат.
Агыш тоону аралап,
Артына далай жол таштап,
Жол таштаса, мол таштап,
Басаар жолу бүт таштак,
Байтак жолду аралап,
Желжетпес учуп келатат.
Агыны күчтүү суу кечип,
Алкынып учуп жер безип,
Келген дешет качкындар,
Качып кудай ургандар.
Төрөлгөн жери көзүнөн,
Төрт айланып учканбы.
Бабалардын тарыхынын
Башталмасы буларбы.
Көктө булут учунда,
Көөнөрбөс айыл бугуга.
«Көк менен учуп келди»– дейт,
Кайрат күчтөн тая элек,
Кайраттуу күлүк Желжетпес.
Суктанткан айыл бугуга,
Сууларды кечип келди дейт.
Ата менен эненин,
Артында калган туягы.
Жаратканым жашын төгүп,
Жабыгып турса туябы.
Жакшылыкты кудай берди дейт,
Жерди жердеер эр келди.
Куржунга салып ташылган,
Куурчактай бала сак келди.
«Жараткандан жакшылык,
Жалгыз туяк аман»– деп,
Карыялар чуркурап,
Калың журт ыйлап буркурап.
Улуу тоонун адамдары,
Урматтап тосту буларды.
Куржунга салып ташылган,
Куржун деген атты алган.
Улама ушул калган дейт,
Уланып кеп кеткен дейт.
Укпай койсоң өзүң бил.
Ишенбесең не деймин.
Жол колот менен берилейм,
Жоргому чаап желдирем.
Жондотуп айтып тарыхты,
Жомокчу болуп мен келем.
Сайды кечип берилейм,
Сары атымы желдирем.
Сабалата тарыхты,
Санжыра айтып мен келем.
Төрөкочкордон айрылып,
Токто эне жаш калды.
Кайгы тартып зарланып,
Кара көзүн жаштады.
Кыдык ата ошондо,
Он жетиде чагы экен.
Боконо сөөгү болкулдап,
Болуп калган чагы экен.
Токтоо энени ошого,
Бата берип, баш байлайт.
Турмуш болсо токтобой,
Туурунан учуп айланат.
Булуттар көчүп салпылдап,
Андан ары өтүптүр,
Арбын-арбын замана.
Ат көтөргүс бүт алтын,
Айтып жаткан уламам.
Ата-баба тарыхын,
Таап алдыңбы ушундан.
Аталуудай өңдөнүп,
Ата-текти айта жүр!
Энелүүдөй көрүнүп,
Эл-жериңи эстей жүр!
«Куу турмуш эми ушул»– деп,
Курбу менен курдашка,
Кужулдаган кургурга,
Куржундан кабар айта жүр!
Эл дегенде элди сүй,
Жер дегенде жерди сүй!
Алдыңда жатат жаркын жол
Айланайын аман бол!
Улама кеп улама,
Укмуштарды уланткан.
Өзүнчө бир чубама,
Атадан өтүп балага,
Айтылса экен кез келип,
Айтып жаткан уламам,
Ат көтөргүс эстелик.
Эээ…ээй…
БУГУ ЭНЕ ЖӨНҮНДӨ УЛАМЫШ
Санжыра боюнча кеп баштасак ошол Кылжыр атанын эки уулу болгон Орозбакты жана Дөөлөсбакты. Орозбактыдан: Болотмырза, Асанмырза, Карамырза,Токочмырза, Мырзакулмырза деген беш уул төрөлөт. Алар атак-дактуу Орозбакты бийидин балдары эмеспи, кебетеси уулдарым сылык, сыпаа, кербез жана бай болсун деп ар бир баласынын атына «Мырза» деген атты улап койсо керек.
Уландарынын эң улуусу Болотмырза эле, ал узун бойлуу, арыкчырай болгондуктан келиндери аны «Арык» аке деп тергешчү экен. Асан чакырганда Болот аты унутулуп, Арык аке же Арыкмырза болуп аталды. Тагдырдын жазмышыбы туугандардын кичиүүсү Мырзакулмырза жаш кезинен эле айыкпас дартка чалдыгып, жакындарын убайга салып, «Оо» дүйнөгө сапар алып кете берди. Каза болгон адамдын балдарын асырап алаар жөлөк таягы Арыкмырза бар экен. Ал жаратылышынан ар нерсени туура баамдаган эстүү адам эле. Инисинин балдарын канаттууга кактырбай, тумшуктууга чокутпай кор кылбады. Мырзакул мырзанын уулдары Алсейит менен Тынымсейит атасы менен бир туугандарынын көз кырында турмуштун оош-кыйышын жаман-жакшыны көрүп кагыла, согула карышкырдын күчүктөрүндөй кайраттуу чоңоюп келатышты. Арыкмырза калыс, ары акылман, ары бир айткан сөзүнүн өтөөсүнө чыккан адам болуучу. Анын жетим жесирлерге эл журтка кайрымдуулугу ошол учурдагы көчмөндөрдүн арасындагы кадыр-баркын бир топ арттырып салды. Анан Алсейитке Арыкмырзанын таасири тийдиби ары чечкиндүү,ары баатыр чалыш тартып, жакшы деген атакты алып, жакшы-жаманды көрүп, жашынан эл башкарганга көнүп, кийин бий боду. Жанындагы көчмөн калмактар менен тынч жашап, карым-катнаш дегенди билип, ар-бир нерсени орду менен чечип, иш билгилерче өмүр сүрүп келатты.Элде байыркы «Вазир жакшы,хан жакшы. Аял жакшы эр жакшы» деген кеп тегин жерден чыккан эмес экен.
Алсейит бийидин баш кошкон жары кайберен кызы бугу эне болгон дешет. Эмесе сөз оролу келип турганда, бул уламабызда ошол ата менен эненин санжырасын анча-мынча болсо да баяндап, кеп сала кетели. Алар окуучубузга дайын болсун.
***
Улуу тоо кичкисин суук тартып, аяк оона айы жылып,ай жаңырып жаткан убак болчу. Эл очокко ыктап, отсуз отура албай калга маал эле. Кол араага жарап калган балдар өгүз, ат минип, кышкыга отун камдай башташкан. Адамдар алыскы жайыттан ылдыйлай суугу жок далдаа жерлерге түшүп, шамалдан ыктоо жылуу чөлкөмгө байыр ала башташкан. Эркин аймактын чөбүн оттогон улуу тоонун кайберен аркар, кулжа, текелери кышкыга май камдап нык семирип калган учуру болчу. Күздөгү бийик тоолордун сары сойгок чөбү баягы жайдын маалындагыдай болбой жашыл өңү небак бозоргон. Ушул күндөрдүн биринде Орозбактынын үчүнчү уулу Асанмырза иниси Карамырзанын үйүнө кирип келди. Карамырза төрдө күзгү кымыздан ичип кийиктин кабырга этин курч бычагы менен ырахаттана жеп отурган эле. Сырттан агасынын кирип келгенин көрүп:
–Келиңиз аба,– деп төр жактан орун бошото ылдый отурду. Карамырза аялына белги берди эле ал чөөгүнү көтөрүп, улуу кишинин колуна суу куюп, суу жоолукту карматты. Кайнагасы келинин алкай:
–Кагылайын балам, теңирим тилегиңди берсин, башыңы бакыт жылоолосун,-деди.
Аял дасторконду кеңейтип, кийиктин эти бар табакты эки бир туугандын алдына койду. Чарада жайлы-жайлай семирген кайберендин эти бар эле. Ага-ини тамакты ырахаттанып жеп, жай сүйлөшүп отурушту. Алар аба ырайы, калмактардын келип-кеткенин, Нарын суусунун тартылганын, жырткыч бөрүлөрдүн айылга жакын келгенин аңгемелешти. Оттоок издеген кийиктер кайда ооганын, азыр кайсы жерде чөп калың экенин жоромолдошту. Жакшы эттен кийин бир чыныдай чай ичишип анан күзгү кымыздан жутушту. Сөздүн аягында Карамырза жоон үнү менен төмөндөгүдөй ойду баяндады:
– Ала Мышык тоосуна баралы ал жактын чөбү калың күз мезгилинде кийиктер ошол жакка ооп кетти. Кайберендер бара-бара Кум Белди ашып Ак Кайкыны өрдөп Ичке Төргө жыла электе бир нерсе атып алалы деп кеңешти.
Асанмырза кара мурутун сылай башындагы тебетейин жерге коюп:
– Мейли ошол жакка баралы, кудайга жалынып ак бараңга окту уралы,– деп жай сүйлөп жооп берди.
Эки бир тууган сөздү бүтүрүп эртеси аңга чыкмай болушту. Мергенчилер эч жакка чыкпай үйлөрүндө отуруп жумуштарына камылга көрүп жатышты. Экөө тең жаштайынан чечекейди жара аткан атактуу аңчылардан эле. Алардын таякелери аңчылыкка шыктуу болгон. Кебетесм бул жөндөмдүүлүк аларга ошол тараптан оошкон шекилденет. Эртеси эрте туруп, аттарды токуй артмагына азык салып, таң агарып кулан өөк тартканда аңчылар тоого жөнөп калышты. Эки атчан жолдо сербейишип, Ала Мышык тоосуна карай кетип баратышкан. Алар бул жерге далай мертебе келген. Ошол жолдо олжолуу күндөрүн бактылуулук менен эскерип баратышты. Ушул тоонун кайберендери булардан чочулашып башка жактарга кетебиз деп дүбүрт таштап турушту. Эл арасында мындай деген сөздөр тарап кетти «Аңчылар улуу тоонун кайберендерин дайны жок көп атып, жиберишти. Аларды кысталыш кезде атса болбойбу, дайны жок жогото берсе, Теңир Тоолорубуз кайберенсиз калбайбы» деп кайгырышты. Алар баратышкан тарап итабар өр эле. Жайлы-жайлай эркин тоонун чөбүн жеп семирген жылкылар өргө карай братып бат эле күшүлдөп-бышылдап калышты.
Тоонун ийри-муйру жолу таштак келип, өр, бурулуштар алдыдан жолуга берди. Мергенчилер бийикке көтөрүлүп тоонун үстүндгү тектирге чыга келишти.Эртең менентен эле күн бүркөө болуп, ала булут калыңдап тоо жактан ылдый карай жылып, бат эле күзгү жамгырдын сабалай төгүп келиши, мергенчилерди шаштырып салды. Алардын кийими жети кабатынан бери суу болуп, чыдай албай калышты. Күз күнүнүн жамгыры экөөнүн шайын кетирип, Карамырза агасына:
– Аба, бир жерге жашынбасак болбой калды. Киймибиз суу болуп шөмтүрөдүк.
Алар тоодо өсүп ысылы-суука чыдамдуу адамдардан эле. Ат тизгинин бош коё берип абай-сабай катуу келатышты.
Асанмырза Карамырзага жакка эңкейе:
– Кудай буюрса, Ала Мышык тоосуна жакындадык. Тетиги бадалы аркайган таштын ар жагында чоң кара үңкүр бар. Ошого баралы,-деди. Суу болгон ага-ини аттарын шөмүрөңдөтө желдире үңкүрдү көздөй чаап баратышты. Экөө унааларынын чылбырын бадалга байлап, шашып-буша үңкүрдүн ичине кирип келишти. Үңкүрдүн ичи отуз-кырк кой батчудай кенен экен. Киргендер үңкүрдүн төр жагын элейе карап калышты. Ошол жакта көңүлүн өзүнө бурдуруп бир кыз отурат. Үңкүрдүн ичи ачык жашыл нурга толуп, жашоонун, өлбөстүктүн элесин берип тургансыйт. Тээ арыда кайберендин улактары кепшеп, айрамдары уктап жатат. Улактардан бери кичинекей ысык булак шылдырт чачып агып жатат. Ошонун илебиби үңкүрдүн ичи күкүрт жыттанып өтө жылуу. Периште жылмая эки бир тууганды карап: «Келгиле дегендей»– башын ийкеп койду. Андан берде кайберендин, бирде кыздын бирде элечекчен эненин элеси тартылып турду. Элес бирде көрүнсө, бирде көрүнбөй калып жатты. Кыз туруп кийиктин туягына жолочуларга айран куйуп берди. Аш өтө ширин укмуш даамдуу эле. Алар берилип ичип жатты бирок түгөнөөр эмес. Мергенчилер кызга ыраазылык билдирди.
Асанмырза өткөн байыркы санжыраны, болумуштарды жатка билген куйма кулак адам болчу. Орозбакты карыя байыркы ата-бабанын уламасын ар дайыма айтып береер эле. Ал балдарына кайрылып калчу:
– Менин силерге калтыраар эч текем жок, болгону ата-бабанын санжырасын айтып берем, аны силер эсиңерге бекем тутуп калгыла,– деп анан улуу сөздөн баян козгоочу.
Мергенчилер улуу тоонун кайберени жөнүндө сырдуу жомок уламыштарды көп эле уккан. «Бул перизат ошолордун тукумунан экен го»– деп даана баамдап турушту. Кыз керек болсо кайберенге, андан кайра кызга айланып, кетеери белгилүү болчу. Эки бир тууган бул кубулуштун кереметтүү экендигин бу кызды таштап кетүүгө болбой тургандыгын дароо сезди. Бул көрүнүштүн артында сырдуу элестер жашынып жатканын баамдашты. «Алар кайберенди көп аттык эле же ошолордун элеси бир балее кылыш үчүн көрүнүп жатпасын»– деп ойлошту. Экөө аң уулап келгенин унутуп калышты. Улуу эмеспи сөздү Асанмырза алды:
– Перизат сен биз менен кет, бул жерге өзүңдү жалгыз таштабайбыз.
– Абалар, мен силерсиз эле улуу тоолордо жашап келгем, Теңир тоолор менин конушум кайберен менин жек жаатым болот.
– Аны билебиз биз деле Теңир Тоонун кайберендерин сыйлайбыз. Бул жерлер ата-бабабыздын өскөн турагы ,– дешти аңчылар.
– Абалар, айтканыңарды кубаттайм тоолордогу кайберендерге кастык кылбагыла, көп атсаңар каргышка каласыңар, жаман болот,-деди кайберен кыз.
Сүйлөшүп отуруп перизат кыз алар менен кетүүгө макулдугун берди. Мергендер бул кызды жаратканым берген белек экенин эгерде муну албай таштап кетсе, бир жаман иш болоорун сезишти. Кыз кетеерде тоо жакты эки-үч жолу карап алды. Анан эле кыз кетеерде кайдан-жайдан кайберендердин тобу пайда болду. Алар кызды армандуу узатып жаткансыйт. Тигинде улактар кулжа, аркарлар, таш үстүндө тизилип кызды аянычтуу карап турушат. Кичинекей улактар чуркап келип, кызды тегеректеп аны узата баштады. Кыз аларды колу менен баштарын аяр сылап коюп жатты. Аңчылардын кулагына кайберендин маараган жылаажындуу назик үндөрү далайга угулуп турду.
Экөө сапарлай айылга карай аттанышып, Асанмырза үйгө эртереек келип, Теңир Тоодон перизат кыз таап алганын тааныштарына кабарлады.
Карыялар жалпы эле айылдын эркектери Арыкмырзанын боз үйүнүн жанындагы бийик дөбөдө өткөн-кеткен бабалардын санжырасын кеп уруп отурушкан эле.
Асанмырза дөбөгө чыгып аттан түшүп ийиле:
–Улуу урматтуу аксакалдар биздин башыбызга баш, малыбызга мал кошулуп, Теңир Тоодон кайберен энени тукумунан перизат ургаачы таап келатабыз.
Карылардын ичнен сакалын толук ак чалган эң улуусу мурутун сылай мергендерди күлмүңдөгөн көзү менен карап:
– Болсун, болсун баатырлар салбырынга барып, кудайым шыбаа айтып сапарыңар олжолуу келиптир, улуу тоонун перизаты тегин пенде эмес. Ал көрүнгөнгө жолукпайт. Кайберен эне колдогон кайып силерге буюрган тура,– деп акылман карыя сакалын бажактата элге жакшы сөзүн агылып-төгүлүп кабарлап турду.
Арыкмырза:
– Аңчы инилерибиз улуу тоодон олжолуу болуп кайберен эненин кыз баласына туш болуптур, акылман карыялар алакандай элибиздин душмандары аз эмес, бирин-бири көрө албас кастар бар, андан сырткары чыгышта кара курттай быжырап калмактар турат. Дагы түштүктө күлүк аттары менен удургутуп уйгурлар жүрүшөт. Алар дини-тили бир болгон менен кээде душмандыгын салып кетет. Кытайлардын биздин жерге көз артканы тээ байыркы замандан бери келатат. Баары бизди басып алганы жутунуп турушат. Аз элибиздин айласы кетпесин. Алиги Манас баатырды Манас кылган Каныкей энебиз эмеспи. Курманбек баатырды алга сүрөгөн Айганыш зайып. Умай энелер берген акыл менен баарын жеңип алабыз. Отургандардын арасынан бирөө сөздү ары жиреп кетти:
– Ооба жаш болсо да Арыкмырза инибиз туура айтат. Акыл баарынан тунук жана айкөл. Калмактын даанышман байбичеси Бапик Чатху Коңтаажыны киши кылып жүрбөйбү. Ал эки карыш басса да, акылман кемпири менен акылдашат экен. Чачылган калмактарды ошол кемпир эл кылып жүрбөйбү.
Сөздү кайра Асанмырза алыды:
– Кыргыз кыргыз болгону көп эле акылман аталар менен энелер өттү. Сөздү башка жакка бурбай Наалы эжени эле алалычы. Ал элди журтту бириктирген акылман заада таза адам эмес беле. Каныкей энебиз болбосо, Манас, Манас болбойт эле го. Кыргызды кыргыз кылган ошол энелерибиздин салымы көп эмеспи. Инилерим Асанмырза менен Карамырза таап келген кайберен кызы бизге буйруп, журтубузга акыл шыбаа айткан ыйык ургаачылардан болоор. Анын жарыгы биздин ыйык журтубузга тиеер.
Бир жигит чуркап барып боз үйдөн кол чаначка кымыз алып келди. Суусундукту сыр аякка куюп улуулата суна баштады. Арыкмырза бир жигитти чакырып, ага акырын сүйлөп, колун жаңсап, буйрук берди эле, ал үйгө чуркап барып, аркан ала Ак Желе айгырдын үйрүнөн, ак боз бээни кармап, үйдүн жанынан жетелеп келди. Арыкмырза дөңдө отурган ак сакалдарга:
– Айланайын карыялар! Асанмырза менен Карамырза Теңирдин Ала Мышык тоосунан жөн келбей кайберен эненин кызын ала келиптир. Башыбызга баш, малыбызга мал кошулганы жатат. Ошого түлөө кылып мал союп, бата кылалы,– карыялар кепке макул болуп баштарын ийкеңдетти. Отургандар ээрчише боз үйдүн жанына келди. Өтө узак жашка барган карыя алаканын жайып, жараткан арбак теңирге бата жолдоп турду:
– Кагылайын Теңирим! Улуу жаратканым! Кыргыз алакандай эле элбиз, айлнабызды душмандар курчап турат. Ушундай капсалаңдуу күндө журтубуз аман-эсен болгой эле. Душман колунан жок болуп, дайынсыз чачылып кетпесек экен. Акыл салаар, эл башкараар адамдарыбыз көп болсо экен. Башыбызга баш кошулуп, алыскы журттар менен дос болуп, элибиз азап тартып, кыргын сүргүндө калбаса экен. Мекен туткан Теңир Тообуздан кетпесек экен. Байыркы бабалардын алтындай сөзү бар: «Бата менен эл көгөрөт, жамгыр менен жер көгөрөт»,-дейт.– Кагылайын туугандар мына ошону эске алып бата кылып койгула!– деди карыянын сөзүн угуп, баардыгы кол жайып бата кылышты. Отургандар кайта дөңгө келишти. Алар ата-бабалардын өтүп кеткен санжырасынан кеп козгоп узак аңгеме дүкөнгө киришти. Баарынын оюу чогулуп, бир бүдөмүктүү нерсеге такалды, бир даары ошону сүйлөй албай тунжурашты. Теңир Тоодон келген кызды кимге ыйгарабыз?
Сөздү Арыкмырза алып:
– Эми мергенчилер алып келген кызды кимге ыроолойбуз, кыз экен бойго жетип калыптыр. Биздин Кылжыр атанын тукумунун бирөөнө ыйгаралы тоодон табылган пенде умай эне колдоп, ак элечектүү элге-журтка байымдуу эне, бала-чакалуу болсо болду.
Ал бир аз тыным алды да:
– Ырахматы болгур, Мырзакул иним өмүрдүн ырахатын көрбөй тиги дүйнөгө жаш кетти. Анын эрте кеткени менин дагы азаптуу күйүтүм болуп саналат. Анын уулдары Алсейит менен Тынымсейит жерден боорун көтөрүп тың чыгып, келатат. Жаратканым ошол оюмду бекемдесин. Алсейиттин үйлөнгөн теги анчейин болуп, чекебизди жылыта албады, айланайын туугандар мен десеңер Теңир тоолук кайыптан табылган кызды Алсейитке ыйгаралы. Ошонун башына баш, малына мал кошулсун, сүйлөп жаткан адам көзүнүн кыйыгы менен аңчы инилери Асанмырза менен Карамырзаны карады. Алар эмнегендир жактырышпаган таризде турганын сезди. Таап алган олжосун Алсейитке ыйгаргысы келбей турушкан эле. Арыкмырза эки инисинин көзүн тике карап, силердин олжо тапкан акыңарга мен карышкырга алдырбас, камчы салдырбас айгыр Ак желгени үйрү менен кармап берем,– деди.
Эки мерген бул сөздү угуп, өңүнөн кубанычтары жана түштү. Аңчылык менен алышып жүрүп, аларда камбар ата тукуму такыр эле аз болчу. Суусар тебетейин башынан алып оңдой кийип Асанмырза сүйлөдү анын тоо суугунун ысылы суугунда жүргөндүктөн кашка тиштери түшүп, суук тийип жүдөп жүргөн эле:
– Мейли агабыз эле айткандай болсун. Алсейит биздин да уулубуз болот. Ошол кургурдун бактысы ачылсын,-деди чын ыкласынан Арыкмырза Алсеитке:
– Алсейит балам бактың ачылсын кайберендин кызына үйлөнүп жатасың эми оордуңдан туруп ата салты боюнча камылгаңды көрүп, бобу карыялардан эл – журттан бата ал,-деди ырайымдуу карап Мырзакулдун баласы Алсейит жаштайынан атасынан эрте ажырап, жок- барга кабылып, анын үстүнө алган жары анчейин чыгып, ысылы- суукту көрүп, бир топ чырак өсүп келаткан эле. Байыркы бабалардын каада салтын билип, адамдын ички сырын көз карашын айттырбай туюп турчу. Журт башкараарга да жөндөмдүү жактары бар болчу. Мындай кезде жоо ирегеде турганда эл башкаруу деле азаптуу иш эмеспи Алсейит оордунан туруп:
– Ырахмат аталар айтканыңар келсин, мен силер менен болоюн,-деп ийиле үйүн көздөй шашыла басып жөнөдү. Ошентип Арыкмырзанын айлында Алсейит кайберендин кызына үйлөнүп, той шаанисин кылып жатты. Шамдагай чабандеске күлүк аттарды мингизип алыс-жакын орун алган туугандарга, элдин урматтуу адамдарына кабар айттырып жатты. Паразаттуу эл башкарган адамдар келип, тамак жеп бата берип, кетип жатышты. Алсейит кайберен кызга үйлөнгөндөн кийин анын үйүндө адамдар үзүлгөн жок. Ошондон баштап Алсейиттин башына- баш, малына-мал кошула баштады. Акылман ургаачы Алсейиттин ишин астыга жылдырып жатты. Аял эркектин оюу бир жерден чыкса иш оңолот эмеспи. Эл тынч жашап калмактар менен алака түзүп, эки журттун ортосунда аз да болсо ынтымак куралып, кооптуу дүрбөлөң азая баштады. Анан иштин баары жайында болуп, убакыт көзгө илешпей зымырай закым жасап өтүп жатты.Теңир Тоолук кыргыздар Алсейитти бий кылып шайлап алды. Ал акыл билги адамдын ич койнуна тез кирип кетип, пенденин ички сырын айттырбай түшүнчү. Кылжыр ата сыяктуу боюу бийик денеси тарамыштуу келип, тулкусуна кут уютуп койгондой баатыр сымал адам болгон. Байыртадан бери кыргыз эли баатырдык менен сыймыктанып келген эл эмеспи. Жоо капталдан күч алып турганда өздөрүн-өздөрү коргобосо ким коргомок эле. Мындай кезде элди башкарганга акылман адам керек болот турбайбы. Бирок кыргыздын аягы тиги Алай тоолорунда, түндүгү казак чөлүнө чейин чачкын болуп, бири-бирине ыраак катташпай биримдиги жок болуп жатпайбы. Келечекти ойлогон Алсейит бий калмактар менен эриш аркак чатагы жок жашоону самады. Жээ элдин ынтымакка бириктирип күчтөнтүп алууну каалады. «Кара курттай жайнаган кытайлар менен калмактар каптап кетсе элибиз чоң бүлгүнгө түшүп тагдырыбыз эмне болот. Тукумсуз калабызбы – деп санаа чегет. Ошол үчүн калмактын тайшысы эмнени буюрса ошону аткарып турабыз. Анан элибиздин амандыгын сактайбыз, жоо болуп эч кимге катылбайбыз -дейт. Абалтадан бери Теңир Тоону мекендеп келген элибиз бир-бирибизге тең ата журтпуз»– деп үнүн көтөрө сүйлөп калмак тайшысынын алдына сыпайлыгын салып анча башын ийген эмес. Калмак тайшысы да атам замандан бери кыргыздар менен коңшу келгенин эстеп, буруттар аттарын куюндата шамдагай баатыр чалыш келеерин жана мыкты эркекери бар экенин сезчү. Алар менен кармашуу жакшы натыйжа бербестигин туюп кыргыз журту менен тынчтыкта жашоону алар да самады.
Кайберенден келген кыз көзү ачык пенде болуп, ал адамдын келечегин жана алды да боло турган иштерин акыл сезими менен туюп турчу. Ошондой эле адамдын оюн илгерлетпей сезген сезимтал пенде эле. Береги жакшы сапатынан анын айыл арасында төбөсү көрүнүп келаткан. Алсейит менен эненин ортосунда бири-бирин сыйлоо сезими жаралып, алар үйлөнгөндөн кийин бир түнү жылдыздуу маалда сонун ойлорго бактылуу келечекти ойлоп жатышты. Алсейит эң сонун жарлуу болгонуна кубанып, анын бактысынан дагы бир жылдыз чачырагандай болду. Бейшембиден жумага өткөн түнүндө ата кайберен эне жаткан төшөктү караса, анын көкүрөгүндө шоолалуу нур ойноп,төгүлүп жаткан экен. Шооланы таң калып карап калды. Шооланын өңү кызыл келип, бир чети жашылга өтүп кетип турду. Алсейит нурду кармалады эле колуна кут конгондой жүрөгү опколжуп кетти. Балкм бул шоола боз үйдүн тешигинен келбесин деп ойлоду. Бирок үйдүн түндүк жабуусунда, туурдуктун бир жеринде да жыртык жок эле. Ал эми эшикте жымыңдап жылдыздар даана көрүнүп, ай улуу тоого эчак эле отуруп, караңгы болуп, тарап көзгө сайса көрүнгүс. Бирок мүйүздүү энени көкүрөгүнөн кызгылтым жашыл шоола төгүлүп жатпайбы. Ата жанып турган нур бекер эместигин түшүндү. Алсейит нурду кармалап көрдү. Энеден жакшылыктын элеси жанып нурдан жылуулук менен бакыттын илеби төгүлгөндөй. Терең уйкуда жаткан мүйүздүү эне атанын деминен ойгонуп кетти да, көзүн ушалап атага саналуу кайрылды:
– Эмнеге уктабай турасың? Менин сага айтаар үч өтүнүчүм бар эле.
– Ал эмне өтүнүч?
– Үч өтүнүчүм бар аны аткарсаң айтам, аткарбасаң кереги жок.
– Деги колдон келе турган нерсеби?
– Колдон келбей турган нерсени эмнеге айтмак элем.
– Анда аткарайын сеникин аткарбаганда кимдикин орундатам.
– Байым аны ошентип атоочу сага ички сырымды айтайын, денеми жууп жатканда үйдөн чыгып кеткениң жакшы. Жылаңач тулкумду кароого болбойт. Экинчи өтүнүчүм мен киммин? Кайдан келдим? Аны такыр сурабагын, иши кылып улуу тоонун кудай жараткан пендесимин. Анан айта турган үчүнчү талабым турмуш миң кырдуу, көп сырдуу келет эмеспи, эрди катын болгондон кийин урушпай койбойбуз. Ошол кезде мени башка чаппа, пенденин башы ыйык касиеттүү болот. Башка чаап кор кылба! Биздин касиет башкага ооп кетет. Мүйүздүү эне менен Алсейит ошентип үйлөнүп күндөр билинбей өтүп жатты. Экөө бири-бирине мүнөзү дал келишип, мамилеси суу кечип кеткени жакшы болду. Алсейиттин жашы да эр ортонуна жакындап калган эле. Эркекти эркек кылган зайып заты эмеспи. Алсейиттинн эл арасында салмагы арта баштады.
Ошондон кийин бир топ мезгил ала салып өттү. Далай суулар жээк кемирип акты. Ушул кезде жайдын сонун күндөрүнүн бири эле. Мүйүздүү эне боз үйдө денесин жууп жаткан маалы болчу. Алсейит ата сыртта жүрүп эркектик кумары кармап кеттиби берген убадасын унутуп боз үйдүн тешигинен ич жакты карап жатты. Аял кадимкидей эле жуунуп жаткан экен. Анын сырткы кебетеси бир эсе мүйүздүү кайберенге бир эсе аялга окшоп кетип турду. Мурун даана байкабаган эле эми аныгын билди. Ургаачынын башында эки мүйүздүн оорду бар экен. Муну башын жууганда келиндери да көрүп калган эле. Ошондон кийин кайыптан бүткөн мүйүздүү эне болуп аталып кетти. Аял жуунуп бүтүп эшикке чыкты. Эне Алсейит атага жакындап өзүнүн таарынычын айтты:
– Бекер кылдың байым, мени байкаган жок дейсиңби, менин көзүмө боз үйдүн ичинен сырт даана алаканга салгандай көрүнүп турду.Тукумубуз саал азыраак болуп, эл журттун керегине жараган таанымал болчу балдарыбыз арбын болбойт беле. Арман күн ай, менин тулку боюм жашыруун сыр боюнча кала берсе болбойт беле. Жаратканда канча жашыруун сыр бар, деги алардын аягына качан билип чыгууга болот. Бирок жаратканым колдоп, тукумубуз арбый берет. Күн эгем, жер энемдин мейкининде учугубуз бөксөрбөйт,-деди сүйүнө ыраазыланып.
Ыйык эне менен адамдардын ортосунда жалгашкын кайберен эненин биз билбеген касиеттүү жактары арбын эмес беле. Ошондо Алсейит ата бул сөзгө анчейин маани берген эмес. Өмүрүнүн акырына чейин ошол жаңылыштыгын көп эстеп далай арманданчу, балким энеге сук артпаса алардын тукуму мындан дагы арбын болуп, акылман уул кыздары көп чыгып, эл башкарып, калың журттун эгеси болчу аалымдары да арбын болот беле ким билет? Кыргыздардын бири-бирине көрө албастыгы тээ алмустактан бери келаткан илеешчек дарт эмеспи. Эки мерген таап келген кайып кыз Алсейитке турмушка чыгып ошону менен анын зоболосу көтөрүлүп кеткен экен. Эки аңчы дайыма ошого көрө албастык, ач көздүк кылып келген. Алсейит ата бул абалды билип турса да, айкөлдүк кылып аларга эч жамандык кылган эмес.
Мезгил өтө кыш артта калып, күн жылымыктап улуу тоолордун кары кетип, жаадыраган жаз жылмайды. Тоонун жылуулугу менен текеден чыккан Теңир Тоонун эчкилери улактап, жан-жаныбарлар кыштан аман-эсен чыгып, жазгы жашоого кам ура башташты. Ал мезгилде деле Асанмырза менен Арыкмырза баягы аңчылык өнөрүн улантып жатышты. Текелерин атса бир жөн эле курсагындагы улагы бар эчкилерди атып жатышты. Алардын көтөрүм болгон этин майга аралаштырып куурдак кылып жеп жатышты.
Кайыптан бүткөн эне мергенчилерди карап:
– Абалар, эчкилер улактаар мезгилде байкуштарды атпагыла, силерге да, аларга да убал болот,-деди сылыктык менен.
–Бизге буйрук бергендей сен ким элең, тентип таштардын арасында жүргөн кезиңде адам кылалы ,– деп сени быякка алып келбедик беле,– деп акырая карады. Кыяр мергенчилерди эне сыйлоочу байкап көрсө, алардын ичинде жүргөн кастыгы бар экен. «Түшүнбөгөн кем акылдарга кайдан да айттым эле»– деп ойлоду. Бирок эркин тоонун кайберендерин күнөөсүз өлтүрүп жатпайбы. Ургаачы бул сөздү угуп денесин калтырак басты:
– Мейлиңер өзүңөр билгиле силерди урматтоочу элек бирок мага акараат келтирбегиле. Анын өзү жаман болот,– деп эскертүү иретинде айтты.
Эки бир тууган энени карап сен ким элең дегендей мазактап күлүштү. Бул күлкү эненин жүрөгүн аралап замансы куурулуп турду.
***
Тоонун адамдары өз турмушун өтөп жатты. Алар бийик тоодон түзөңдөп, шамал тийбеген ыктоо жерге кыштамай болушту. Баягыдай эле эки мерген жапайы кайберендерди ылгабай ата берди. Аңчылар көп кол салып ийгендиктен Теңир Тоонун эркин малы башка жактарга ооп кетип жатышты. Мүйүздүү эне күндө чыккан мылтык үнүн угуп айыпсыз атылган кайберендердин тукумун аяды. Кээде жаш төгүп ыйлап да алчу эле. Жаратылыш эне менен адам эненин жаралган жери бир эмеспи.
Эки бир тууган мүйүздүү энеге атаандаштыбы, аңчылыкты такыр токтоткон жок. Ала-шала кайберенди атып келе беришти. Алардын жоругу башка адамдардын иренжите баштады. Бирок аңчыларга «Бул жаман иштерди токтоткула, кайберендердин каргыш-илкиши болот жана кудайы колдоочусу бар» деп, эч ким айта албады. Анткени эки мерген тең кырс улуу-кичүүгө карабай адам задисинин көңүлүн калтырып койчу. Бир күнү мүйүздүү эне Карамырза менен Асанмырза отурган өргөөгө баратса боз үйдүн бери түшө калышында, аркар-кулжа кийиктердин баштары, мүйүздөрү аркайып-каркайып жаткан экен. Алар от жаккан күл менен аралашып калыптыр. Ошондо мүйүздүү эне катуу иренжип каргаган
экен. Бул каргыш Карамырза менен Асанмырзага карай айтылыптыр дешет. «Тукумуң жүзгө жетпесин, жүзгө жетсе, күзгө жетпесин» деген экен. Эненин оозунан айтылган сөз жаза кетпейт эмеспи, санжырада бул эки бир туугандын беркилерге караганда тукуму аз болуп калган дешет.
Тоого көп чыгып, ден соолгунун бузулганынанбы кийинки учурда Карамырзанын башы айланып мурдунан кан көп кетчү болду. Ал эмес суук тийип, Асанмырзанын буту оорулуу болуп калды.
***
Бийик аскасы бар Нарын тоолору. Тоо башындагы карлар эрип өзөн-сайлар ташкындап кирип жаткан учурлары эле. Катуу кирген суудан ээрдей болгон кара таштар ала-сала агып кетип жатты.
Ушул күндөрдүн биринде тээ Көтур Төрдүн түшө калышындагы конгон айылдардан алты мерген аңга чыкмай болушту.
Мерген башчысы Карамырза айтып калды:
– Буюрса тоонун аркар-кулжа, кийиктери кара эти толуп майы алып калышты, атып келип, куурдак кууруп жей берели.
Анын сөзүн берки мергендер жиреп кетишти:
– Анда эмесе ошондой кылалы, ансыз деле бекер отуруп, кымызды иче берип зеригип кеттик.
– Баса чын эле үй кайтаргандай биз бала белек, эртең эле аңчылыкка чыгабыз.
– Карамырза агабыз бизди баштап чыкса эле жолубуз болот.
– Ал биздин атактуу мергенибиз, ал эмнелерди гана атпады.
–Абабыз кийиктин оттогун жакшы билет. Ар бир мезгилде кийиктердин кайда кеткенин жаңылбай айтып берет.
– Анын алдынан эч бир кийик аман качып кутулган эмес.
– Ал бир атканда жыйырмага жакын кийикти аткан күндөрү болгон.
– Карамырза агабыз ылгабай эле ата берет. Бир жолу жаш он улакты атып келиптир.
– Атса эмне экен улактын эти жумшак болот, куурдак кууруп, артынан кымыз ичип алсаң жыргап эле калбайсыңбы.
Анын сөзүнө баардык мергендер жыргап күлүп калышты.
Ошонун эртеси эле түзөңдөгү адамдар ок дары мылтыгын белендеп, аңчылыкка даярдана башташты. Аңчылыкты Карамырза мерген баштап чыкмай болду.
Анчылыкка чыгаар түнү мерген бир жаман түш көрдү. Ошол түштү аялына айтты эле:
– Аңчылыкты таштасаңчы, тоого баса албай карып деле калдың,-деди.
Бирок мерген аялынын айткан сөзүнө мойнобой койду. Аны бийик тоонун семиз аркар, кулжалары чакырып туруп алды. Алардан мурун кайберендердин куурдагын жеп, артынан кымыз ичкиси келип туруп алган эле…
***
Ошол ак кар баскан улуу тоодо кайберендердин тобу бар эле. Бул топту Аксак кулжа башкарып жүрчү. Баардык кайберендер ошого баш ийчү. Аксак кулжа өтө сак болуп, кароолду абдан мыктап коёр эле. Антпесе болбойт ар бир кайберен өз алдынча кете берсе ит-кушка же адамдарга жем болгон жатпайбы. Аксак бул жердеги мергендердин баардыгын билчү. Ал үчүн өтө коркунучтуу аңчылардан болуп, ушул Кара мерген аталган. Кайберен «Кара мерген»– деп Карамырзаны атап жатат. Анан дагы «Бүкүр» мерген деген бар ал ар дайым бүкүрөйүп басат. Ошондуктан аны ошондой атап алган. Ал ар дайыма аңчылыкка беш-алты киши жана айдооч тайгандары ээрчитип чыгат. Андан кутулуу оңой эмес. Ал «Бүкүр» далай кайберендин башын жайлаган. Аксак кулжа үчүн ушул мезгил өтө кооптуу, мергенчилер бул убакытта биринин артынан бири келип, тоонун кайберендерин атып кете беришет. Ошол үчүн өтө сак болуш керек. Аксак кулжа алар келатса, кайберендердин тобун ээрчитип, адамдар жетпеген аскаларга чыгып кете берет. Ал көп жолу ошондой кылып, үйүрдү аман сактап калган. Бирок аңчылар да акылдуу алар өтө жашыруун жол менен келип кайберендерге кол салып жүрөт. Аксак кулжа ар дайыма эки чебич, же эки улактан кароол дайындайт. Аларга ишенбей ар дайыма өзү көз салып турат. Кайберендерде ар бир топ өзүнчө жүрөт. Антпей баары чогуу жүрсө ит-кушка оңой жем болмок. Аксак кулжанын тобу башкаларга кошулбай өзүнчө бөлөк жайылат.
Мына сонун жайдын убагы жердин чөбү жакшы жетилип, күчүнө келген чагы. Ар бир жандык «Жашаң чөптөн жеп эт алып алайын»– дейт.
Ушул кезде Котур Төрдүн башындагы тайпаң бетте Аксак кулжанын тобу жашаң чөптө оттоп жатты. Эки чебич бийик таштын үстүнө чыгып кароолдо турат. Эч нерсе көрүнбөйт. Алар өтө сак. Караан болсо эле коркунучтуу маарап кабар берет. Белгини уккан кайберендер качып жоголот.
Чөпкө тойгон аттарды минип, мылтыктарын асынып, Карамырза мергендин тобу келатты. Ал Котур Төрдө кайберендердин оттоп жатканын билип, аларды үркүтпөй үч топко бөлүнүп, туш-туштан курчап мылтыктарын атмай болушту. Кексе мерген өмүр боюу аңга чыгып, кийиктердин сырын жатка билип алган эле.
Кароолдо эки улак турган эле алар сүзүшө кетип, алаксып ойноп жатып алды. Ушул кезде мергенчилер чукул өңүп, кайберендерге жакындап келди. Эки жигит тайгандарын жетелеп, жыт алдырбай, чыгыш жагынан чыгып, кийиктерди үркүтмөк. Үрккөн кайберендер жардын алдындагы чубамадан өтүп, бийик аскага карай чыга качмак. Ушул кезде тайгандар кийиктерди кууп калды, алар түндүккө карай тараша карай бой урду. Ал жерде жашынып жаткан мергендер келе жаткан кийиктерди атып кирип, бир топ жаныбар өлүмгө учурады. Кайберендер ал жерден качып, чыгыштагы аскаларга чыгып кетүүгө аракет кылып, чубамага жакындап анан аскага карай жармашып, андан ары кутулуп кетмек. Чубамада бир бала мерген менен Карамырза турган. Кайберендер жакындап келгенде экөө атып киришти. Баланын мылтыгы от албай койду. Карамырза атып жатып, бир топ кийикти кулатты. Акыры огу түгөнүп калды окшойт, ата албай калды. Бирок бир огу бар экен жакындап калган Аксак кулжаны көрүп, аны атууга камынды. Мерген бир ок менен жаныбарды атты. Жаныбар Карамырзаны тике карап кыймылдабай туруп берди. Ок анын оң капталынан терисин каарып өттү. Кайберен мергендин огу түгөнүп калганын сезди окшойт, тике эле адамга карай каршы барып, анын жанынан өтүп аскага карай чу коймок. Ушул кезде Карамырза мүйүздүү кулжанын түз эле өзүн карай келатканына таң калып, бир эсе сестенип, бир эсе таң калып, мылтык менен кайберенди башка чаап жарадар кылмак болду. Кулжа каркайган мүйүздөрү менен мергенди качырып барып сүзүп калды. Мергендин көзүнөн от чагылышып, жаны оозуна келе түштү.
Ал ыргып барып жерге жатып калып, көзүнөн өт чагыла, бели бир нерсе болгондой сезилди. Мерген көптө барып эс алып, эмне болгонун байкабай калды. Өз ичинен таң кала «Ушундай да болобу»-деди. Арыда өзү аткан кайберендерди карады. Бир эки кийик чала жан болуп, анда санда кыймылдап коёт. Ал кайберендерди аяды. «Же тирүү эмес, же өлүү эмес жаткан экен. Бул кудайга жакпайт. Мерген турайын»,-деди тура албады. Белин бирөө сындырып кеткендей болду. «Белими ким сындырды?» тура албады. Ал эмгектеп барып, чөнтөгүнөн курч бычагын алып, бир кийикти мууздап кирди. Мерген аны араң дегенде мууздады. Курч бычак жүлүнгө тийгенде жаныбар бутун тыбыратып, жан талаша башы менен мергенди бир канча жолу түрттү. Аңчынын алы кетип, шайы ооп барып, араң дегенде жандыкты мууздады. Ал өзүнө таң калды «Эмне үчүн жаныбарга бата кылган жокмун, мен буларды көп атып каргышына калдым беле ия?»-деди. «Ошондой болду беле? Ошондой болгонго, канча жылдан бери аңчылык кылып келе жатам?. Балалык курактан бери жаныбарларды атып келе жатам. Канча жаныбарды өлтүрдүм, санаган эмесмин. А канчасын капкан, кылтак менен кармадым. Ошол жаныбарлардын убалы мени уктатпай жатабы? Колума курал тийсе эле жаныбарларды өлтүрүүгө киришем ушул жакшыбы? Эмне үчүн аксак кулжа мени сүздү, анын менде өчү бар беле ия? Мен канча кийикти аксак кылдым, көп эле жаныбарды аксак кылбадым беле? Бул канчанчысы?» Мергендин башына сан ойлор келип-кетип турду. Анын оюу кээде чар жайыт болуп жатты. Турайын деди тура албады. Кулжа мергенди катуу сүзгөн экен. Ошол үчүн тура албады. Бирок ыйынып-ышкынып атып араң турду. Ары-бери басты такыр алы жок. «Ушундай да болобу, жаратканым мага эмне жазаны буйруп жатат». Анын колу, чепкени баары кан болуптур. Ал кан болгон кебетесин көрүп, өзү коркуп кетти. Кимдир бирөө менен бычакташкан сыяктуу болуп калыптыр. «Мен ким менен бычакташтым, адам мененби, жок кайберендер менен. Кайберендер ыйык канын мага сыйпап кеткен тура. Бул эмне? Биздин канга забын болдуң дегениби ия? Же канга кан деп жатабы? Ошондой болуптур. Белге сүзүп, омурткамы да оордунан козголткон окшойт. Белим күч бербесе баса албай адам болбой жетелетип калам го?» Ал кан болгон денесин жууганга сууну карай араң кадам шилтеп баратты. Аркар сүзгөн жери ачышып ооруп, жаны көзгө көрүнүп жатты. Дагы бир жыйырма кадам басса эле, сууга жетип кан болгон жерин жууп, суу ичип тыңып калмак. Бирок андай болгон жок. Ал илең-салаң басып баратып, анан чоң эки таштын ортосунда шиберлүү жерди көрүп, ошол жерге эс алыш үчүн отура кетти. Отура кетти да, эс алыш үчүн жантая жата кетти. Шиберлүү жерден ары аюу казган ийинди көрүп, мерген сойлоп отуруп ошого кирип кетти. Эс алыш үчүн көзүн жуумп, ошол бойдон кыйналган неме терең уйкуга кетти. Берки мергендер үн салып, Карамырзаны издеп жүрүштү бирок эмнегендир аны эч жерден таба алган жок. Анын аткан кийиктерин жана мууздалган жаныбарды баарын жада калса минген атын да тапты, бирок өзүн таба алган жок. Такыр таба албай койгондо «Карамырза аба кайдасың?» -деп кыйкырып, айлананы жаңыртып издеп жүрүштү. Эч бир дабыш жок кайда житип кеткени билинбейт. Айланадагы таш, коргулдардын баарын тинтип карап чыгышты. Бирок таба алышпады. Эмне болгону белгисиз. Бийик тоону иңир аралап түн кирип келатты. Мергенчилер кийик эмес, бир тууган абасын таба албай айлалары кете баштады. « Балким жөө айылга кетип калдыбы?» деген божомолдо болушту. Бир адамды айылга чаптырып, өздөрү айланадан издей башташты. Бирок табылган жок. Айлалары кеткенде чоң таштын түбүнө отуруп эс алууга өтүштү. «Эки жактан Карамырза келип калабы»-деп шыбырт күтүштү, бирок эч шыбыш болбоду. Айылга кеткен адам баардыгына айтып чыкты. Бирок түн кирди, караңгы түндө алар эмне кылмак эле. Ошол түнү Карамырза мергендин үй- бүлөсү такыр тынсызданып чыгышты. Мерген кабарсыз эмне болду? Ызгаардуу күз түнүндө катуу суукка учурап калбаса экен? Айыл эртеңки таңдын атышын күттү. Каардуу кыш кирип келаткан күз убагы болчу. Тарапка небак суук түшүп, жер тоңо баштап, суунун үстүнө катмар-катмар муз каптап калган.
БАБАЛАРДЫН ТАРАЛЫШЫ
Акбагыш
Үрүмчү-–Чоңбагыш
Сарыбагыш
Долон бий –
Ак багыш –Ырыскан–
Домбул бий
Куууул (Сол)
Долон бий–Акуул (Оң)–
Кызылуул (Ичкилик)
Койлон (Жедигер эли)
Адигене Богорстон ( Солто эли)
Ак уул–Тагай –Кылжыр–
Моңош Кара чоро
Наалы эже Тондуу балдары
Саяк
Азык
Черик
Коңурат
Чертике
(Бугу уусу тарайт) Арыкмырза
Кылжыр–Орозбакты–Мырзакул–
Дөөлөсбакты Карамырза .
(Сарбагыш уруусу тарайт) Токочмырза
Асанмырза
Алсейит ата үч аял алат
1.Биринчи аялы Токтобүбү эне 2.Экинчи аялы Мүйүздүү эне. Ушул касиеттүү энеден Беккулу атанын тукумдары тараган. 3. Үчүнчүсү Калмак Чок төрөнүн кызы Чежимжан эне.
-–Мырзакулмырза– Алсейт
Тынымсейит
Белек Бейшембай
Бапа Итибай Ырыс
Алсейит–Жамангул– Төрөкочкор—Куржун–Торгой–
Боор Кыдык Чолпоке
Туумакашка Бооке Султангазы
Түлөсүн
Бекназар
Майназар
Торгой–Беккулу–
Муса
Бектемир
Шоңко
Беккулу атадан—Бүтөбай
Курумшу
Айман Карача
Шоңко атадан–Сүйөр Курумшу атадан–Койсойбос
Адыл Уралы
Балбак Байбото
Мамай
Бүтөбай атадан–Баястан
Сыдык
Карач
Торгой атадан таралган Беккулунун тукмадры.
Санжырада Беккулу атанын: Курумшу, Бүтөбай, Шоңко деген үч уулу болгон экен.
КУРУМШУ АТАНЫН ТУКУМДАРЫ
Беккулунун Курумшусунан: Койсойбос, Ураалы, Байбото, Карача деген төрт уулу бар.
Курумшунун Койсойбос уулунун тукумдары:
Койсойбостун: Канай, Чыны, Максүт, Сейит, Ормон, Чормук деген алты уулу болгон. Койсойбостун, Канай уулунан: Айтыке, Жоломан, Малай, Өмүрзак, Эстебес, Дүкөш, Муңайтпас, Токтобай деген сегиз уулу бар. Айтыкеден. Шайыке андан Бабаш андан Намаз, Ишен, Токтогул, Дүйшөмбү. Жоломандан: Асанкожо, андан Курманбай. Малайдан : Чомор, андан Жусуп, Усуп, Төлөн, Мукамбет. Эстбестен: Төлөш, Төлөбай, Сатынды.
Койсойбостун Чынысынын он уулу бар. Акун, Шайыке, Желдең, Турдуке, Дөгдүр, Тогузбай, Маатай, Ырыскулу, Кулкөтөн, Акыл.
Шайыкеден: Апет, андан Тентимиш, муралы, Асаналы. Желдеңден: Чоопай. Турдукеден Төлөбек андан Мыктыбек. Дөгдүрдөн Мукамбет андан Шамил, Эмил. Тогузбайдан: Акун, Барыктабас. Барыктабастан: Бети, Байтур, Амантур. Бетиден: Саяк, Мырзабек, Бердибек. Байтурдан: Эркинбек, Жумгалбек, Абайбек. Амантурдан Туратбек. Маатайдан: Кукай, Ишенбек. Кулкөтөндөн: Садыр, Акыл. Садырдан Жакшылык. Акылдан:Дүйшөналы, Карагул, Темиралы, Абдыбай.
Койсойбостун Максүтүнөн: Кыйшыбай, Букара. Кыйшыбайдан: Бектурган, Сартуман. Бектургандан: Абдылда, Кыдыр, Акжолтой, Мукамбет, Үмөтбек, Ырысбек. Букарадан Кубат. Кубаттан: Талгар, Бактияр, Элдияр, Эрмек
Койсойбостун Сейитинен : Тапа, Тургунбай, Бейше, Мергенбай. Тападан: Асапакун, Усубакун. Турганбайынан Усуп андан Мукан, Жумагул, Бердигул, мураткул. Мергеенбайдан: Бейше, Кыдыр, Карыя. Бейшесинен Үчмурун.
Койсойбостун Ормонунан: Абыласан, Жоошбай.
Абыласандан: Сакен, Саты. Сатыдан: Бабакан, Казак, Касым, Мусабек төрт уулу бар. Сакеден Карагул. Бабакандын балдары: Кенжебек, Догдурбек, Таалайбек. Казактын балдары: Зарылбек, Жолдош. Касымдын балдары: Үмөр, Жунуш, Кубат, Эркин, Эсен. Мусабектин балсы Володя.
Ормондун Жоошбайынан: Токбай. Токбайдан: Болотбек андан Муса. Мусадан: Акен, Ысмайыл. Акенден Бекжан. Ысмайылдан Максат.
Койсойбостун Чормугунан Шыгай,андан: Мукаш, Муса. Мукаштан: Жекшен, Жолдошбек.
Курумшунун экинчи уулу Ураалынын туумдары:
Курумшунун Ураалы уулунан: Арт, Табылды, Шопок, Боромбай, Босток деген уулдары болгон.
Ураалынын Арт уулунан: Садабай, Жумабай, Кенжебай, Ордобай, Куланбай, Алышбай, Ачакей деген жети уул.
Садабайдан: Текебай, Ыбрай, Абдырай. Текбайдан: Чалакыз. Ыбрайдан: Сыртбай, Конок. Абдырайдан: Сарбагыш, Эшимбек. Жумабайдан: Абылмежин, Көбөк, Кемел. Абылмежинден: Койчуман, Саманчы, Чалгынчы. Кемелден Октябрь. Ордобайдын: Мукамбет, Төкөш, Курманалы. Мукамбеттен Мусаке, андан: Сагындык, Амангелди, Имангелди, Төрөкелди. Токоштон Бекен. Курманжандан: Токелең, Апылай. Куланбайдан Баяун андан: Кусмидин, Арыкбай, Бекен. Ачыкейден Чундук андан: Медербек, Алмакун, Алмазбек, Нурбек.
Ураалынын Табылдысынан: Айтак, Алаша, Орунтай, Жолдошбай, Илепес деген беш уул болгон экен. Табылдысынан Айтактан: Рахмат, Осмон андан Жусуп андан Арык. Табылдынын Алаша деген уулунан Алтымышбай, Молдоакый. Алтымышбайдан: Жолочу, Ысмайыл, Мукаш, Искен төртуул. Жолочудан Ыйса, Ыйсадан: Замир андан Азамат. Ысмайылдан Малик андан Кубан, Обон. Мукаштан: Муратбек, Мухтарбек. Муратбектен: Улан, Мирболот. Мухтарбектен: Нурболот. Искенден: Мырзабек, Сапарбек. Молдоакыйдан: Жанкороз, Асанакун, Жамангул, Турсунбай. Жанкороздон Абыл андан Бакачы, Бакыт, Урмат, Максат. Жаманкулдан Рашид, Райымбек, Райымкул, Болот, Аскарбек, Белек. Турсунбайдан: Бакыт, Акылбек.
Табылдынын Орунтайынан : Түлөберди, Узакбай, Иляз, Жакеш, Турмалы беш уул. Иляздан: Дайырбек,Орузбек. Турмалыдан: Тынчыбек, Тыныбек.
Табылдынын Жолдошбайынан Тенти.
Табылдынын Лепесинен: Турдукожо, Орозакун, Саакы. Турдукожодон :Турдакун, Ырысман, Орозакундан Шарынбек. Мамакеден Татар.
Ураалынын Шопок уулунан : Алымбек, Алыке деген эки уул. Шопоктун Алымбегинен: Токбай, Токтогул, Токторбай, Байсын. Токбайдан : Самүдүн, Турпандык андан Сакый, Өнөктүк. Токтогулдан: Усубакун, кудайберген. Усубакундан: Үмөр, Жолдошбек. Кудайбергенден: Жанузак, Сарымсак, Өмүрзак. Байсындан. Асыбакун, Ыманбай, Асанбай. Ыманбайдан: Сару, Саалы, Төлөсүн. Асанбайдан: Мидин, Зарыпбек, Азамат. Алыкеден: Майбаш, Сарыбаш, Байшери, Дүйшө. Майбаштан Акмат андан Досой. Сарбагыштан Молдобай. Байшериден: Турдубай, Асанбай, Турдукожо. Турдубайдан: Карагул, Түпүш, Сатар. Турдукожодон Муса андан Кудайбек. Дүйшөдөн Сайдин.
Ураалынын Боронбай уулунан. Маамыт андан Сагындык андан: Касым, Дүйшөмбү. Касымдан Алмаз андан Нурсултан. Дүйшөмбүдөн: Эрмек, Шарыпбек, Талантбек, Тилекмат, Нурбек.
Курумшунун Карача уулунун тукумдары.
Карачадан Бокбасар деген жалгыз уул. Бокбасардан: Мураталы, Тынаалы, Үмөтаалы, Акидей, Миңжылкы деген уулдар. Муратаалыдан: деркембай, Аккөз, Эшперди, Абдылда. Деркембайдан Мамбет андан Султанбай, Бексултан, Кыдыр. Аккөздөн: Жүсүрүн, Жапар. Андан Ысак, Ыса. Эшпердиден: Уруй, Шахмат, Расул, Жумаш. Уруйдан: Төлөн, Жекен. Төлөндөн Венербек, Медер. Жекенден: Рысбек. Шахматтан Эрнис. Расулдан Жолоочу, Жолдош, Жоро, Ынтымак. Жумаштан: Болот, Мелис, Марат. Муратаалынын Абдылдасынан: Токой, Шадый, Асангул. Токойдон Төлөнбек. Шадыйдан: Керезбек. Асангулдан. Медербек, Темирбек, Майрамбек. Бокбасардын Үмөтаалысынан Күрөңкөй андан Сулайман. Сулаймандан: Жокен, Жолоочу, Тойчубек. Бокбасардын Тынаалысынан: Баяман, Кутман, Майрык. Баямандан: Садык, Жумакун. Сыдыктан: Шахтыбек, Орозобек. Жумакундан: Дүйшөнбай, Ишенгазы. Кутмандан Карагул адан Акжолтой. Майрыктан Жумалы. Акидейден Матай. Миңжылкыдан Турусбек.
Курумшунун Байбото уулунун тукумдары
Курумшунун Байботосунан: Таштаке, Аргыбай, Бөлөкбай деген үч уул. Таштакенин үч аялы болгон. Каалгыдан: Кыдыр, Токтосун. Экинчи
аялы Эренчеден: Итике, Кененсары. Үчүнчү аялы Айганыштан: Дулат, Белек. Кыдырдан: Асанбай, андан Кадырбек, Касымбек. Токтосундан: Акмат, Муратбек, Шыкый. Мукамбеттен Казыбек. Акматтан Байкабас андан Табылды, Замирбек, Мамырбек, Урматбек. Итикеден Амандык андан Сатынды. Кененсарыдан:
Сооронбай, Шабдан. Сооронбайдан Сулайман андан Турдубек. Шабдандан: Тентимиш, Сатыбалды, Жамангул. Белектен Асанаалы андан Дүйшөмбү. Курумшунун Байботосунун Аргымбайынан: Жанузак, Өмүрзак, Тогузак, Сегизак деген төрт уул. Тогузактан: Байкөбөк, Бекен. Сегизектен: Төлөн, Сагынбек, Сабырбек. Жанузактан: Чегир андан Өзүбек. Өзүбектен Азык, Сасыгул, Беримкул. Өмүрзактан Ашый. Бөлөкбайдан Алдаш андан Шаршенбай, Асанаалы. Шаршенбайдан Дөкүш, Асанкыра, Догдурбай, Майназар.
Кыпчак уруусу.
Ураалынын жээни болгон Жаркымбай кандайдыр бир сепептер менен таякелерине келип жашап калган экен. Ошол бойдон алар Беккулу атанын тукумдарына аралашып аларга сиңип кеткен. Жаркынбайдан : Токторбай, Шаршемби, Ажамбай андан Стам, жума, Керим. Стамдан Жаамбай, Жакып, Дүйшөмбү. Жумадан: Карагул. Керимден Сарт, Шамеш. Токторбайдан Орозо, Аалы. Аалыдан Аскербек, Амантур. Шаршембиден Казак, Кыргыз. Казактан Аскар, Медербек. Орозодон: Кыдырмыш, Канат, Капай. Кыргыздан: Жээнбай, Жээнтай. Аскерден: кубан, Октябрь, Жапар, Жанарбек.
БҮТӨБАЙ АТАНЫН ТУКУМДАРЫ.
Беккулу атанын Бүтөбайынан: Баястан, Карач, Мамай, Садык деген төрт уулу болгон.
Бүтөбайдын Баястан уулнан Көлөй, Ниязбек, Кулет, Түмөнбай, Алыбек, Сейит, Медет деген жети уул.
Баястандын Көлөйүнөн: Ысабек, Алаш, Айдар. Ысабектен: Жунуш, Усубакун, Илияз, Жамаке, Акмат. Алаштан: Мукамбет, Абакир, Мыйса. Мукамбеттен: Бексултан, Кененбай, Кеңеш, Бекболот. Кененбайдан: Бактыбек, Төлөсүн, Тапы. Мыйсадан Жылкычы. Абакирден: Шаршен, Бейшен, Дүйшөн, Жолочу, Кадыр. Бейшенден: Барктабас, Камчыбек, Өмүрбек. Дүйшөндөн: Канат, Болот, Кумар, Кубан, Самат, Жолочудан: Талантбек, Алмазбек. Кадырдан: Кайсын, Автандил. Айдардан: Мамбеталы, Үсайыр андан Канат. Канаттан, Урмат, Андан Баястан. Мамбетаалыдан Ынтымак. Ынтымактан: Кубат, Токтогул.... Усубакундан Таажыбек. Жунуштан: Жыргал, Тынччылык, Тобокел.
Баястандын Ниязбегинен: Абыш, Айтымбет, Айты, Курман, Шаабай. Абыштан: Абатай, Жолбун, Бейшенбй, Сарыбай, Алыбай, Мусажан, Мусур алты уул. Айтымбеттен: Касымбек, Алияскар, Жапар, Сыдыш, Шамалдай. Айтыдан: Аруун, Жусу. Шаабайдан: Абдылда, Шайылда,
Ыманалы. Сарыбайдан Кубанычбек. Мусажанжан: Мааткерим, Темир, Камчы, Кенжебек. Мусурдан: Кудабай, Таалай, талант, Аруундан: Жамансарт, Апсамат. Шайылдадан: Ишен андан Абыкай, Муратбек. Ыманалыдан: Ишенбек, Үсөнбек, Эсенбек. Курмандан Токтокадыр андан Токтобек. Токтобектен: Добуш, Турганбек, Шайлообек, Жаныбек, Бакыт, Максат.
Баястандын Кулетинен: Молдо, Бөкөбай, Темиркан, Ысмайыл, Турдубек. Молдодон: Тынччылык, Үсөнбай. Бөкөбайдан: Шакиржан, Байкабас. Темиркандан: Эркиндик, Барктабас. Ысмайылдан: Дүйшөнбай, Атчыбек. Турдубектен Сыртбай. Тынччылыктан: Догдурбек, Талантбек, Болотбек, Назарбек, Асылбек, Каныбек, Алтынбек. Үсөнбайдан: Кайырбек, Адырбек, Максат. Шакиржандан: Селпо, Бекбо, Райпо, Жанбо, Сүйүнбо, Акиспо. Байкабастан: Кубанычбек, Майрамбек, Жылдызбек. Сыртбайдан: Нурбек, Бакыт. Дүйшөнбайдан: Мелисбек. Эркиндиктен: Солтобек, Кыдыкбек, Кыргызбек, Иличбек, Нурлан, Эрлан. Солтобектен: Улан, Мирлан, Азамат, Бекназар. Кыргызбектен Ислам. Нурландан: Ыйман, Инсан.
Баястандын Түмөнбайынан: Орозбек, Мамбет, Айдыңбай. Мамбеттен: Абды, Шайык. Абдыдан: Саяк, Токуш, Кудаш, Ыдырыс, Жоломан. Шайыктан Жанаман.
Баястандын Алыбегинен: Токобай, Токобайдан. Манапбай, Акун, Чекир. Манапбайдан: Оторчу, Ыскак. Акундан: Соодонбек, Бегимат. Чекирден: Крыя, Эсентур, Рысбай. Эсентурдан. Азамат, Арзымат, Аскат, Адис, Марат, Алтынбек. Рысбайдан: Замир, Акжолтой, Өмүрбек, Нурлан, Улан.
Баястандын Сейитинен: Урманбет, Шамыркан. Урманбеттен: Жакыпбек, Жайлообек, Үсөн, Кадырбек, Көчкүн, Тобокел, Качкын. Шамыркандан Жакып Март. Кадырбектен Сүйүнбек.
Баястандын Медетинен Акир. Акирден Токтомуш
Бүтөбайдын Мамай уулунун тукумдары.
Бүтөбайдын Мамайынан: Атыгай. Атыгайдан: Тыны, Тынай, Акун, Акмат, Асылбек. Асылбектен Байдалы. Байдалыдан Большевик андан Эрнис. Тынайдан Мамбет андан Жамаке, Сапарбек. Акундан Совет, Сапарбай.
Бүтөбайдын Садыгынан Жараш. Жараштан Канымет андан Бердалы.
Бүтөбайдагы Саруу уруусу. Садырбай, андан Түлөберди андан Шаршемби, Жакып, Сукей, Кемел. Шаршембиден Ыйса, Төлөнбай. Жакыптан Бактыбек. Сукейден Кыдыр. Кемелден Кубан.
Бүтөбайдын Карач уулунун балдары.
Карачтан. Жантай, Талканбай, Чермиш. Жантайдан : Бакал, Жамгырчы, Аалы, Токтосун, Желдең . Талканбайдан: Шеримбек, Ыбыке. Бакалдан: Ашыбай, Тилек, Жамгырчы. Жамгырчыдан: Жакып, Карып. Карыптан Асанкары. Аалыдан Садыр андан Качкынбай. Асандан Кудайберген, андан Айылчы. Жумаш. Токтосундан: Үсөн, Көкүш, Мырзабек. Үсөндөн Камчыбек, Шамшыбек. Желдеңден: Ысмайыл, андан Ишенбек. Такеш. Шеримбектен: Абылгазы, Султангазы, Ургазы. Абылгазыдан: Жапас, Сулайман. Султангазыдан: Эшен, Касен. Ыбыкеден: Намаз,андан Насирдин, Сүйүнбек. Сопу, Апил. Ашыбайдан Шейше андан Бактыбек, Калдыбек, Бердибек, Акылбек. Тилектен : Өмүш, Кулуке, андан Куттубек, Мыктыбек, Ыктыбек.
ШОҢКО АТАНЫН ТУКУМДАРЫ
Беккулунун Шоңкосунан Айман, Балбак, Адыл, Сүйөр. Шоңконун Айманынан: Абылай, Сатыбалды, Калча, Черик, Сотобай деген беш уул бар. Абылайдан: Кетирекей, Калпак.
Кетирекейдин биринчи аялынан Күрөңкөй, Жийдебай, Тыныбек. Экинчи аялынан: Ысма, Абды, Асанбай, расул, Бөдөн. Күрөңкөйдөн: Муталып, Касен. Мулалыптан: Шалтабай, Турарбек, Аманай, Эсенай. Жийдебайдан Бакир андан Табылды, андан Сулайманбек, Искендер, Кубанычбек. Шалтабайдан: Кубан, Таалай. Турарбектен: Замирбек, Эмилбек, Дамирбек, Ринат, Фархат. Аманайдан Данияр, Бахтияр, Бакай. Эсенайдан: Нурбек, Мирлан, Афиандил, Нурислам. Тыныбектен Шакир андан Турдалы. Турдалыдан Жаңыбай, Жайнак, Талгар, Талантбек, Турсунбек.
Ысмандан Дайыр. Анын алты эркек бар. Төртөө согушка кетип кайтпай калган.
Аймандын Абылайынын Калпагынан Манапбай, Эдикбай, Байсерке деген үч уулу бар. Манапбайдан Ыса, Ысмат, Чомор. Ысмандан Токтобек андан Токон, Тилебалды, Көчкүн. Токондон Майрамбек, Алтынбек, Болотбек. Тилебалдыдан Жылдызбек, Нуржигит, Нуркан, Нурсултан.
Манапбайдын Ысматынан Таштанбек. Андан Тынчтык, Бактыбек, Арстанбек, Адилет, Куттубек, Азамат.
Манапбайдын Чокморунан Саткын, Андан Талант, Калыбек, Улан, Марат.
Абылайдын Калпагынын Байсеркесинен Муратбек, Карыпбек, Каркыт, Төлөн, Болот,
Аймандын Сатыбалдысынан : Боогачы,Боштай, Мантике, Бапай.
Сатыбалдынын Боогчыдан : Сарыбай, Абдылда, Коёнаалы, Асанбек. Сарыбайдан: Шамырбек, Ырай. Шамырбектен: Муса, Ыйса, Кожоке. Мусадан : Жаштилек, Өмүрбек. Ыйсадан: Кубан. Кожокеден: Кулубек, Жаныбек, Куттубек.
Сарыбайдын Ырайынан: Жапар, Куту.
Боогачынын Абдылдасынан: Денсоолук, Амангелди, Жылкыбек, Зайырбек.
Денсоолуктан: Зарылбек, Майрамбек, Тойчубек, Жылдызбек, Каныбек. Амангелдиден. Байыш, Калык, Эрлан, Мирлан. Жылкыбектен: Нурлан. Зайырбектен Азамат. Боогачынын Коёнаалысынан: Айтбек андан Асылбек, Алыбек, Байбек, Мелис. Боогачынын Асанбегинен Темир андан Эрик.
Сатыбалдынын Боштайынан Таабий, Молдаалы, Асыл.
Таабийден: Кадыр, Калдарбек. Кадырдан Талантбек. Калдарбектен 10 бала бар.
Боштайдын Молдаалысынан: Огойбек, Кыргыз, Бакбур. Огойбектен Руслан. Кыргыздан: Калмурат.Бакбурдан: Нурлан, Улан, Арстан, Алмаз, Рустам. Боштайдын Асылынан: Үсөнбек, Төлөн, Асан, Үсөнбек. Үсөнбектен Уржан, Калыбек, Сары, Төлөндөн Тентимиш. Сатыбалдынын Ментикесинен Ыйманкан, андан Асан, Асандан Сагын.
Сатыбалдынын Бапайынан Ырыскелди, Чекир, Касымалы.
Ырыскелдиден Абдыкадыр. Абдыкадыпдан Акен. Андан Кушбек.
Бапайдын Чекиринен Калык, Шарапат. Калыктан Берикбай, Алма, Таалай. Шарапаттан Карыпбек, Канатбек.
Айандын Черигинен Сыдык, андан Молдокан. Молдокандан Кампачы, андан Жаныбек, Жайчыбек, Туту. Садыктын экинчи аялынан Жолоочу, Жолдош, Абдырасул, Акмат. Акматтан Жолчубек, Бактыбек, Абдыкерим, Таалайбек. Жолчубектен Талантбек. Бактыбектен Кубанычбек. Абдыкеримден Адилет. Таалайбектен Улан, Нооруз, Ынтымак, Ырыс.
Аймандын Калчасынан Миңжашар, Шамен, бектур. Миңжашардан Акмат андан Асанакун андан Максат. Шаменден Жумабек андан Саркыт, Расул. Саркыттан Абдыш адан Матчус, Токтогул, Муктар.
Аймандын Солтобайынан Ыбырай.
Шопоктун Адыл уулунун тукумдары:
Шоорук, Адыраман, Базар, Каракесек, Томпой деген беш уул.
Шооруктан: Кошубай, Ороз. Кошубайдан: Жаманак, Таңызкожо, Мукамбет, Аалы.
Жаманактан: Абды, Өмүр. Абдыдан: Максүт, Жапар, Бердигул, Кадыркул. Максүттөн: Сүйөркул, Зарылбек. Жапардан: Оңолбек, Эмилбек, Жыргалбек. Бердигулдан: Эрмек. Кадыркулдан: Бакыт, Алтынбек. Өмүрдөн Саламат, андан Жолдош. Кошубайдын Таңыскожосунан Сагын, Качкын. Сагындан: Канат, Куттубек, Анарбек, Эргеш, Төрөгул. Качкындан: Кылычбек, Иличбек.
Кошубайдын Мукамбетнен: Жумакадыр, Кадырбек, Ишенбек, Бейшембай, Иляс. Жумакадырдан: Шайлообек, Саяк, Серен. Шайлообектен. Чынгыз. Саяктан: Нурсултан, Нурдин. Серенден Жоомарт.
Кадырбектен: Дүйшөн, Кутчу, Кусейин, Төлөсүн, Жөлөсүн. Дүйшөндөн: Эсен. Ишенбектен: Дайырбек, Урмат, Шекербек, Ноёз. Бейшенбайдан: Замир, Мелис, Эмил.
Ыдырыстан: Жаныбек, Каныбек. Илястан: Болот, Акылбек, Азамат.
Кошубайдын Аалысынан: Токтомуш, Түкөш.
Тукештен: Кубан, Аскербек, Конокбек, Самат, Чыныбек, Таалайбек, Нурбек.
Шооруктун Ороз уулунан Мамбеталы, Усубалы. Мамбеталыдан: Ыбырай, Жылтыр. Ыбырайдан: Кыдык. Жылтырдан: Сагын, Карыпбек. Сагындан Канат. Усубалыдан Кубат андан Чынгыз
Шоңконун Балбак уулунун тукумдары.
Балбактан Абадан, Чынгыш деген эки уул. Абадандан: Алтыбасар, Баки, Маамбек, Жоду. Алтыбасардан. Садыбакас, Жакыпбек, Осмон. Садыбакастан: Кабыл, Үсөнбек, Асанбек. Асанбектен Жаныбек.
Осмондон Барыктабас, Жолдош, Кул, Кенжебек.
Абадандын Бакисинен: Темирбек, Чоко, Самий, Калыя. Темирбектен: Ыдырыс, Амантур, Жамангул, Жумагул. Самийден: Сатыбек. Калыядан: Сүйүнбек, Ырысбек, Жыргалбек.
Абадандын Маамбегинен: Мустапа, Кемел, Жамашбек, Жанбала. Мустападан: Кедеймат, Табылды. Жамашбектен: Рыскелди, Калыбек, нурбек, Качкын. Маамбектин Жанбаласынан Камчыбек.
Балбактын Чынгышынан: Элчибай, Жоомарт. Жоомарттан: Султанбай, Кудуш, Тынымсейит. Султанбайдан Кудайберген, андан Табылды. Кудуштан Аттокур. Тынымсейиттен: Табылды, Кабылды, Эрмек, Элдияр, Жарты.
Шоңконун Сүйөр уулунун тукумдары.
Сүйөрдөн Шүкүркан. Шүкүркандан: Эсенгул, Боркөтөн. Шүкүркандын Эсенгулунан: Ыманалы, султан, Абак, Апыш. Ыманалыдан: Мазен, Зыя, Жакып.
Мазенден : Доктурбек, Өзүбек, Казыбек, Кыжыбек, тынчыбек. Зыядан Аскарбек, Өмүрбек. Аскарбектен: Таалайбек, Марат, Мурат. Өмүрбектен: Нурлан, Тилек, Алтынбек.
Эсенгулдун Султанынан: Болот, Кудайберген.
Эсенгулдун Апышынан Акжолтой.
Шүкүркандын Боркөтөнүнөн: Урдөөлөт, Рысменде.
Урдөөлөттөн: Эдилбай, Бурганак, Данияр. Рысмендеден: Асирдин. Булар Ак Суу районунда турушат.























