Kitabı oxu: «Великопостный служебник. Службы Великого поста. Пособие для священнослужителей»
По благословению
Митрополита Санкт-Петербургского и Ладожского ВЛАДИМИРА
© Священник Сергий Филимонов, составление, 2009
© Издательство «Сатисъ», 2009
Последование великой вечерни в сыропустную неделю и недели Великого поста
ИЕРЕЙ: Благословен Бог наш всегда, ныне и присно и во веки веков.
Чтец: Аминь. Царю Небесный… Трисвятое, по Отче наш.
ИЕРЕЙ: Яко Твое есть Царство, и сила, и слава, Отца и Сына и Святаго Духа, ныне и присно и во веки веков.
И 9-й час по обычаю.
Затем вечерня: Благословен Бог наш…
Чтец: Аминь. И 103-й псалом.
ИЕРЕЙ с непокрытой головой читает светильничные молитвы:
Молитва первая
Господи Щедрый и милостивый, Долготерпеливе и Многомилостиве, внуши молитву нашу и вонми гласу моления нашего, сотвори с нами знамение во благо: настави нас на путь Твой, еже ходити во истине Твоей; возвесели сердца наша, во еже боятися имене Твоего святаго, зане велий еси Ты и творяй чудеса, Ты еси Бог един, и несть подобен Тебе в бозех, Господи: силен в милости, и благ в крепости, во еже помогати, и утешати, и спасати вся уповающыя во имя святое Твое.
Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь.
Молитва вторая
Господи, да не яростию Твоею обличиши нас, ниже гневом Твоим накажеши нас, но сотвори с нами по милости Твоей, Врачу и Исцелителю душ наших. Настави нас ко пристанищу хотения Твоего: просвети очи сердец наших в познание Твоея истины и даруй нам прочее настоящаго дне мирное и безгрешное, и все время живота нашего, молитвами Святыя Богородицы и всех святых.
Яко Твоя держава, и Твое есть Царство, и сила, и слава, Отца и Сына и Святаго Духа, ныне и присно и во веки веков. Аминь.
Молитва третья
Господи Боже наш, помяни нас грешных и непотребных раб Твоих, внегда призывати нам святое имя Твое, и не посрами нас от чаяния милости Твоея; но даруй нам, Господи, вся яже ко спасению прошения, и сподоби нас любити и боятися Тебе от всего сердца нашего, и творити во всех волю Твою.
Яко благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Молитва четвертая
Немолчными песньми и непрестанными славословленьми от святых Сил воспеваемый, исполни уста наша хваления Твоего, еже подати величествие имени Твоему святому. И даждь нам участие и наследие со всеми боящимися Тебе истиною и хранящими заповеди Твоя, молитвами Святыя Богородицы и всех святых Твоих.
Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь.
Молитва пятая
Господи, Господи, пречистою Твоею дланию содержай всяческая: долготерпяй на всех нас и каяйся о злобах наших! помяни щедроты Твоя и милость Твою, посети ны Твоею благостию, и даждь нам избежати и прочее настоящаго дне, Твоею благодатию, от различных козней лукаваго, и ненаветну жизнь соблюди благодатию Всесвятаго Твоего Духа.
Милостию и человеколюбием Единороднаго Твоего Сына, с Нимже благословен еси, со Всесвятым и Благим и Животворящим Твоим Духом, ныне и присно и во веки веков. Аминь.
Молитва шестая
Боже Великий и Дивный, неисповедимою благостию и богатым Промыслом управляяй всяческая, и мирская нам благая даровавый, и споручивый нам обещанное Царство дарованными благими, путесотворивый нам и дне прешедшую часть от всякаго уклонитися зла. Даруй нам и прочее непорочно совершити пред святою славою Твоею, пети Тя, единаго Благаго и человеколюбиваго Бога нашего.
Яко Ты еси Бог наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Молитва седьмая
Боже Великий и Вышний, един имеяй безсмертие, во Свете живый неприступнем, всю тварь премудростию создавый, разделивый между светом и между тьмою, и солнце положивый во область дне, луну же и звезды во область нощи, сподобивый нас грешных и в настоящий час предварити Лице Твое исповеданием и вечернее Тебе славословие принести. Сам Человеколюбче, исправи молитву нашу, яко кадило пред Тобою и приими ю в воню благоухания: подаждь же нам настоящий вечер и приходящую нощь мирну; облецы ны во оружие света: избави ны от страха нощнаго и всякия вещи во тме преходящия; и даждь сон, егоже во упокоение немощи нашей даровал еси, всякаго мечтания диаволя отчужденный. Ей, Владыко, благих Подателю, да и на ложах наших умиляющеся, поминаем в нощи имя Твое, и поучением Твоих заповедий просвещаеми, в радости душевней востанем ко славословию Твоея благости, моления и молитвы Твоему благоутробию приносяще о своих согрешениих и всех людий Твоих, яже, молитвами Святыя Богородицы, милостию посети.
Яко Благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
ДИАКОН или ИЕРЕЙ: Миром Господу помолимся.
Лик: Господи, помилуй.
О свышнем мире и спасении душ наших, Господу помолимся.
Лик: Господи, помилуй.
О мире всего мира, благостоянии святых Божиих Церквей и соединении всех, Господу помолимся.
Лик: Господи, помилуй.
О святем храме сем, и с верою благоговением и страхом Божиим входящих в онь, Господу помолимся.
Лик: Господи, помилуй.
О великом господине и отце нашем, Святейшем Патриарсе (имярек) и о господине нашем высокопреосвященнейшем митрополите или архиепископе, или епископе (имярек), честнем пресвитерстве, во Христе диаконстве, о всем причте и людех, Господу помолимся.
Лик: Господи, помилуй.
О богохранимей стране нашей, властех и воинстве ея, Господу помолимся.
Лик: Господи, помилуй.
О Граде сем, (или веси сей, или о святей обители сей) всяком граде, стране, и верою живущих в них, Господу помолимся.
Лик: Господи, помилуй.
О благорастворении воздухов, о изобилии плодов земных и временех мирных, Господу помолимся.
Лик: Господи, помилуй.
О плавающих, путешествующих, недугующих, страждущих, плененных и о спасении их, Господу помолимся.
Лик: Господи, помилуй.
О избавитися нам от всякия скорби, гнева и нужды, Господу помолимся.
Лик: Господи, помилуй.
Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Пресвятую, Пречистую, Преблагословенную, славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.
Лик: Тебе, Господи.
ИЕРЕЙ, возглас: Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.
Лик: Аминь. «Господи, воззвах…», и поют стихиры по уставу.
ДИАКОН кадит храм по обычаю.
ЛИК: И ныне: Богородичен.
ДИАКОН отверзает Царские врата.
Совершается вход с кадилом.
Молитва входа
Вечер, и заутра, и полудне хвалим, благословим, благодарим и молимся Тебе, Владыко всех: исправи молитву нашу, яко кадило пред Тобою, и не уклони сердец наших в словеса, или в помышления лукавствия, но избави нас от всех ловящих души наша, яко к Тебе, Господи, Господи, очи наши, и на Тя уповахом, да не посрамиши нас, Боже наш.
Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь.
ДИАКОН по окончании Богородична, делая крест кадилом, возглашает: Премудрость, прости.
Лик: Свете Тихий…
ДИАКОН: Вонмем.
ИЕРЕЙ: Мир всем.
ДИАКОН: Премудрость. Вонмем.
Прокимен великий, глас 8-й: «Не отврати…» чередуется со 2-м великим прокимном: «Дал еси…»
ДИАКОН: Не отврати лица Твоего от отрока Твоего, яко скорблю; скоро услыши мя; / вонми души моей, и избави ю.
Стих: Спасение Твое, Боже, да приимет мя.
Стих: Да узрят нищии, и возвеселятся.
Стих: Взыщите Бога, и жива будет душа ваша.
Царские врата закрываются
Чтец: Сподоби, Господи…
В это время ИЕРЕЙ и ДИАКОН снимают светлое облачение и облачаются в Великопостное (темное).
ДИАКОН, изшед северной дверью и став на обычном месте, произносит великопостным напевом ектению:
Исполним вечернюю молитву нашу Господеви.
Лик: Господи, помилуй.
Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Вечера всего совершенна, свята, мирна и безгрешна, у Господа просим.
Лик: Подай, Господи.
Ангела мирна, верна, наставника, хранителя душ и телес наших, у Господа просим.
Лик: Подай, Господи.
Прощения и оставления грехов и прегрешений наших, у Господа просим.
Лик: Подай, Господи.
Добрых и полезных душам нашим и мира мирови, у Господа просим.
Лик: Подай, Господи.
Прочее время живота нашего в мире и покаянии скончати, у Господа просим.
Лик: Подай, Господи.
Христианския кончины живота нашего, безболезненны, непостыдны, мирны, и добраго ответа на Страшнем Судищи Христове, просим.
Лик: Подай, Господи.
Пресвятую, Пречистую, Преблагословенную, славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.
Лик: Тебе, Господи.
ИЕРЕЙ, возглас: Яко благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
ИЕРЕЙ: Мир всем.
Лик: И духови твоему.
ДИАКОН: Главы наша Господеви приклоним.
Лик: Тебе, Господи (протяжно).
ИЕРЕЙ читает тайно молитву главопреклонения:
Господи Боже наш, приклонивый небеса, и сошедый на спасение рода человеческаго, призри на рабы Твоя и на достояние Твое: Тебе бо Страшному и Человеколюбцу Судии Твои раби подклониша главы, своя же покориша выя, не от человек ожидающе помощи, но Твоея ожидающе милости и Твоего чающе спасения; яже сохрани на всякое время, и по настоящем вечере, и в приходящую нощь от всякаго врага, от всякаго противнаго действа диавольскаго, и от помышлений суетных и воспоминаний лукавых.
ИЕРЕЙ, возглас: Буди держава Царствия Твоего благословена и препрославлена, Отца и Сына и Святаго Духа, ныне и присно и во веки веков.
Лик: Аминь. Стихиры на стиховне по уставу. «Ныне отпущаеши…»
Чтец: Трисвятое, по Отче наш.
ИЕРЕЙ, возглас: Яко Твое есть Царство, и сила, и слава, Отца и Сына и Святаго Духа, ныне и присно и во веки веков.
ИЕРЕЙ выходит на амвон к Царским вратам и остается там до отпуста.
Лик: Аминь. Поет тропари:
Богородице Дево, радуйся, Благодатная Марие, Господь с Тобою: благословена Ты в женах, и благословен плод чрева Твоего, яко Спаса родила еси душ наших. (Земной поклон.)
Слава: Крестителю Христов, всех нас помяни, да избавимся от беззаконий наших: тебе бо дадеся благодать молитися за ны. (Земной поклон.)
И ныне: Молите за ны, святии апостоли, святии bcu, да избавимся от бед и cкорбей: вас бо теплыя предстатели ко Спасу стяжахом. (Земной поклон.)
Под Твое благоутробие прибегаем Богородице, моления наша не презри во обстоянии, но от бед избави ны Едина Чистая, Едина Благословенная. (Без поклона.)
Чтец: Господи, помилуй (40); Слава, и ныне: «Честнейшую Херувим…» Именем Господним благослови, отче.
ИЕРЕЙ: Сый благословен Христос Бог наш, всегда, ныне и присно и во веки веков.
Чтец: Аминь. Небесный Царю, верный люди укрепи, веру утверди, языки укроти, мир умири, святый храм сей добре сохрани; прежде отшедшыя отцы и братию нашу в селениих праведных ччини, и нас в покаянии и исповедании приими, яко Благий и Человеколюбец.
ИЕРЕЙ читает пред Царскими вратами молитву прп. Ефрема Сирина:
Господи и Владыко живота моего, дух праздности, уныния, любоначалия и празднословия не даждь ми. (Земной поклон.)
Дух же целомудрия, смиренномудрия, терпения и любве даруй ми, рабу Твоему. (Земной поклон.)
Ей, Господи Царю, даруй ми зрети моя прегрешения и не осуждати брата моего, яко благословен еси во веки веков. Аминь. (Земной поклон.)
ИЕРЕЙ: Слава Тебе, Христе Боже, упование наше, слава Тебе.
Лик: Слава, и ныне: Господи, помилуй (трижды), Благослови.
ИЕРЕЙ , отпуст дневной:
Христос истинный Бог наш, молитвами Пречистыя Своея Матере и всех святых, помилует и спасет нас, яко Благ и Человеколюбец.
Лик: Великого господина и отца нашего…
После этого начинается чин прощения.
ИЕРЕЙ произносит слово назидания и в конце слова испрашивает у всех прощение, делая при этом земной поклон народу:
Благословите мя, отцы святии и братие и простите ми грешному, елика согреших в сей день и во вся дни живота моего: словом, делом, помышлением и всеми моими чувствы. (Земно кланяется предстоящим людям.)
Народ, отвечая земным поклоном: Бог простит ти, отче святый.
Затем Иерей, поцеловав икону Спасителя, лежащую на аналое посредине храма, подпускает народ под благословение.
Лик: в это время поет: «Покаяния отверзи ми двери…» и другие покаянные песнопения.
Чин утрени вседневной во Святую Четыредесятницу
Предварительно бывает полунощница с поклонами по чину постному, кроме субботы.
ИЕРЕЙ , облачившись в фелонь, открывает завесу и делает возглас: Благословен Бог наш всегда, ныне и присно и во веки веков.
Чтец: Аминь. Обычное начало. Приидите, поклонимся… (трижды). Псалмы 19-й, 20-й.
Иерей же в сие время кадит Престол и весь алтарь, и изшед во храм кадит иконы все, лики и весь храм.
Чтец: Трисвятое, по Отче наш.
ИЕРЕЙ пред святыми Царскими вратами:
Яко Твое есть Царство, и сила, и слава, Отца и Сына и Святаго Духа, ныне и присно и во веки веков. И входит в алтарь южною стороною.
Чтец: Аминь. Тропари: Спаси, Господи, люди Твоя… Слава: Вознесыйся на Крест… И ныне: Предстательство страшное…
ИЕРЕЙ перед Престолом с кадилом:
Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй.
Еще молимся о великом господине и отце нашем Святейшем Патриарсе (имярек) и о господине нашем высокопреосвященнейшем митрополите или архиепископе, или епископе (имярек), и о всей во Христе братии нашей.
Лик: Господи, помилуй.
Еще молимся о богохранимей стране нашей, властех и воинстве ея.
Лик: Господи, помилуй.
Еще молимся за всю братию и за вся христианы.
Лик: Господи, помилуй.
ИЕРЕЙ, возглас: Яко милостив и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь. Именем Господним благослови, отче.
ИЕРЕЙ, делая крест кадилом, возглашает:
Слава Святей, и Единосущней, и Животворящей, и Нераздельней Троице, всегда, ныне и присно и во веки веков.
Чтец: Аминь. Шестопсалмие.
После трех псалмов Иерей выходит на амвон читать светильничные утренние молитвы:
Молитва первая
Благодарим Тя, Господи Боже наш, возставившаго нас от ложей наших и вложившаго во уста наша слово хваления, еже покланятися и призывати имя Твое святое; и молимся Твоим щедротам, яже всегда употреблял еси о нашей жизни: и ныне посли помощь Твою на предстоящия пред лицем святыя славы Твоея и ожидающия от Тебе богатыя милости: даждь им, со страхом и любовию всегда Тебе служащим, хвалити неисповедимую Твою благость.
Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь.
Молитва вторая
От нощи утренюет дух наш к Тебе, Боже наш, зане свет – повеления Твоя на земли. Правду и святыню совершати во страсе Твоем вразуми ны: Тебе бо славим, воистинну Сущаго Бога нашего. Приклони ухо Твое и услыши ны, и помяни, Господи, сущия и молящыяся с нами вся по имени, и спаси я силою Твоею. Благослови люди Твоя и освяти достояние Твое. Мир мирови Твоему даруй, Церквам Твоим, иереом и всем людем Твоим.
Яко благословися и прославися всечестное и великолепое имя Твое, Отца и Сына и Святаго Духа, ныне и присно и во веки веков. Аминь.
Молитва третья
От нощи утренюет дух наш к Тебе, Боже, зане свет – повеления Твоя. Научи нас, Боже, правде Твоей, заповедем Твоим и оправданием Твоим, просвети очи мыслей наших, да не когда уснем во гресех в смерть. Отжени всякий мрак от сердец наших. Даруй нам солнце правды, и ненаветну жизнь нашу соблюди печатию Святаго Твоего Духа. Исправи стопы наша на путь мира. Даждь нам видети утро и день в радовании, да Тебе утренния возсылаем молитвы.
Яко Твоя держава, и Твое есть Царство, и сила, и слава, Отца и Сына и Святаго Духа, ныне и присно и во веки веков. Аминь.
Молитва четвертая
Владыко Боже, Святый и Непостижимый, рекий из тьмы свету возсияти, упокоивый нас в нощнем сне, и возставивый ко славословию и мольбе Твоея благости, умоляем: от Своего Ти благоутробия, приими нас и ныне покланяющихся Тебе и по силе благодарящих Тя, и даруй нам вся яже ко спасению прошения. Покажи ны сыны света и дне и наследники вечных Твоих благ. Помяни, Господи, во множестве щедрот Твоих и вся люди Твоя, сущия и молящыяся с нами, и всю братию нашу, яже на земли, на мори, на всяком месте владычествия Твоего, требующих Твоего человеколюбия и помощи, и всем подай великую Твою милость: да спасени душею же и телом всегда пребывающе, со дерзновением славим чудное и благословенное имя Твое.
Яко Бог милости, щедрот и человеколюбия еси, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Молитва пятая
Благих Сокровище, Источниче приснотекущий, Отче Святый, Чудотворче, Всесильне и Вседержителю, вси Тебе покланяемся и Тебе молимся, Твоя милости и Твоя щедроты призывающе на помощь и заступление нашего смирения: помяни, Господи, Твоя рабы; приими всех нас утренняя моления, яко кадило пред Тобою, и да ни единаго от нас неискусна сотвориши, но вся ны снабди щедротами Твоими. Помяни, Господи, бдящия и поющия во славу Твою, и Единороднаго Твоего Сына и Бога нашего, и Святаго Твоего Духа: буди тем помощник и заступник, приими их мольбы в пренебесный и мысленный Твой жертвенник.
Яко Ты еси Бог наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Молитва шестая
Благодарим Тя, Господи, Боже спасений наших, яко вся твориши во благодетельство жизни нашея, да всегда к Тебе взираем Спасу и Благодетелю душ наших: яко препокоил еси нас в мимошедшее нощи число, и воздвигл еси ны от лож наших, и поставил еси в поклонение честнаго имене Твоего. Темже молим Тя, Господи: даждь нам благодать и силу, да сподобимся пети Тебе разумно и молитися непрестанно, во страсе и трепете свое спасение соделовающе заступлением Христа Твоего. Помяни, Господи, и в нощи к Тебе вопиющия, услыши я и помилуй, и сокруши под нозе их невидимыя и борительныя враги.
Ты бо еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Молитва седьмая
Боже и Отче Господа нашего Иисуса Христа, возставивый ны от ложей наших и собравый ны в час молитвы, даждь нам благодать во отверзение уст наших, и приими наша по силе благодарения, и научи ны оправданием Твоим, зане помолитися, якоже подобает, не вемы, аще не Ты, Господи, Святым Твоим Духом наставиши ны. Темже молимся Тебе: аще что согрешихом даже до настоящаго часа, словом, или делом, или помышлением, волею, или неволею, ослаби, остави, прости. Аще бо беззакония назриши, Господи, Господи, кто постоит? Яко у Тебе избавление есть: Ты еси един Святый, Помощник Державный, Защититель жизни нашея, и о Тебе пение наше всегда.
Буди держава Царствия Твоего благословена и препрославлена, Отца и Сына и Святаго Духа, ныне и присно и во веки веков. Аминь.
Молитва восьмая
Господи Боже наш, сонное уныние отгнавый от нас и сопризвавый ны званием святым, еже и в нощи воздевати руки наша и исповедатися Тебе о судьбах правды Твоея: приими мольбы наша, моления, исповедания, нощныя службы и даруй нам, Боже, веру непостыдну, надежду известну, любовь нелицемерну; благослови наша входы и исходы, деяния, дела, словеса, помышления; и даждь нам постигнути в начало дне, хвалящим, поющим, благословящим Твоея неизреченныя благостыни благость.
Яко благословися всесвятое имя Твое, и прославися Царство Твое, Отца и Сына и Святаго Духа, ныне и присно и во веки веков. Аминь.
Молитва девятая
Возсияй в сердцах наших, Человеколюбче Владыко, Твоего богоразумия нетленный свет, и мысленныя наши отверзи очи во евангельских Твоих проповеданий разумение. Вложи в нас и страх блаженных Твоих заповедей, да плотския похоти вся поправше, духовное жительство пройдем, вся, яже ко благоугождению Твоему и мудрствующее, и деюще.
Ты бо еси освящение и просвещение душ и телес наших, Христе Боже, и Тебе славу возсылаем, со безначальным Твоим Отцем, и Всесвятым и Благим и Животворящим Твоим Духом, ныне и присно и во веки веков. Аминь.
Молитва десятая
Господи, Боже наш, покаянием оставление человеком даровавый, и во образ нам познания грехов и исповедания, пророка Давида покаяние к прощению показавый! Сам Владыко, во многая ны и великая падшия согрешения, помилуй по велицей милости Твоей, и по множеству щедрот Твоих очисти беззакония наша: яко Тебе согрешихом, Господи, и безвестная и тайная сердца человеческаго Ведущему, и Единому имущему власть оставляти грехи: сердце же чисто создав в нас, и Духом Владычним утвердив нас, и радость спасения Твоего сказав нам, не отрини нас от Лица Твоего: но благоволи яко Благ и Человеколюбец, даже до последняго нашего издыхания приносили Тебе жертву правды и возношение во святых Твоих жертвенницех.
Милостию и щедротами и человеколюбием Единороднаго Твоего Сына, с Ни же благословен еси, со Всесвятым и Благим и Животворящим Твоим Духом, ныне и присно и во веки веков. Аминь.
Молитва одиннадцатая
Боже, Боже наш, умныя и словесныя составивый силы Твоею волею, Тя молим и Тебе мили деемся: приими наше по силе славословие, со всеми создании Твоими, и богатыми Твоея благости воздаждь дарованьми; яко Тебе преклоняется всякое колено небесных и земных, и преисподних, и всякое дыхание и создание поет непостижимую Твою Славу: един бо еси Бог Истинный и Многомилостивый.
Яко Тя хвалят вся Силы Небесныя, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Молитва двенадцатая
Хвалим, поем, благословим и благодарим Тя, Боже отец наших, яко превел еси сень нощную и показал еси нам паки свет дневный. Но молим Твою благость: очисти грехи наша и приими моление наше, великим Твоим благоутробием, яко к Тебе прибегаем, Милостивому и Всесильному Богу: возсияй в сердцах наших истинное солнце правды Твоея, просвети ум наш и чувства вся соблюди, да яко во дни благообразно ходяще путем заповедей Твоих, достигнем в Жизнь Вечную: яко у Тебе есть источник жизни: и в наслаждении быти сподобимся неприступнаго Твоего Света.
Яко Ты еси Бог наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
ДИАКОН по окончании Шестопсалмия пред Царскими вратами:
Миром Господу помолимся.
Лик: Господи, помилуй.
О Свышнем мире и спасении душ наших, Господу помолимся.
Лик: Господи, помилуй.
О мире всего мира, благостоянии святых Божиих Церквей и соединении всех, Господу помолимся.
Лик: Господи, помилуй.
О святем храме сем, и с верою, благоговением и страхом Божиим входящих в онь, Господу помолимся.
Лик: Господи, помилуй.
О великом господине и отце нашем, Святейшем Патриарсе (имярек) и о господине нашем, высокопреосвященнейшем митрополите или архиепископе, или епископе (имярек), честнем пресвитерстве, во Христе диаконстве, о всем причте и людех, Господу помолимся.
Лик: Господи, помилуй.
О богохранимей стране нашей, властех и воинстве ея, Господу помолимся.
Лик: Господи, помилуй.
О граде сем (или о веси сей; или о святой обители сей), всяком граде, стране, и верою живущих в них, Господу помолимся.
Лик: Господи, помилуй.
О благорастворении воздухов, о изобилии плодов земных и временех мирных, Господу помолимся.
Лик: Господи, помилуй.
О плавающих, путешествующих, недугующих, страждущих, плененных и о спасении их, Господу помолимся.
Лик: Господи, помилуй.
О избавитися нам от всякия скорби, гнева и нужды, Господу помолимся.
Лик: Господи, помилуй.
Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Пресвятую, Пречистую, Преблагословенную, славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу Богу предадим.
Лик: Тебе, Господи.
ИЕРЕЙ, возглас: Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.
Лик: Аминь.
ДИАКОН: Аллилуиа (трижды). Глас 1–8 (во глас Октоиха).
Стих: От нощи утренюет дух мой к Тебе, Боже, зане Свет – повеления Твоя на земли.
Стих: Правде научитеся живущии на земли.
Стих: Зависть приимет люди ненаказанныя.
Стих: Приложи им зла, Господи, приложи зла славным земли.
Лик: Аллилуиа (трижды), после каждого стиха.
Диакон отходит в алтарь.
Чтец: Троичные Тропари, помещенные в конце Постной Триоди. Кафизмы по уставу без ектений, 50-й псалом.
ДИАКОН: Спаси Боже, люди Твоя, и благослови достояние Твое. Посети мир Твой милостию и щедротами. Возвыси рог христиан православных, и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящего Креста; предстательствы честных Небесных Сил Безплотных; честнаго славнаго пророка, Предтечи и Крестителя Иоанна; святых славных и всехвальных апостол; иже во святых отец наших, и вселенских великих учителей и святителей: Василия Великаго, Григория Богослова и Иоанна Златоустаго; иже во святых отца нашего Николая, архиепископа Мирликийскаго Чудотворца; святых равноапостольных Мефодия и Кирилла, учителей Словенских; святаго равноапостольного великаго князя Владимира и великия княгини Ольги; иже во святых отец наших, всея России чудотворцев, Михаила, Петра, Алексиа, Ионы, Макариа, Филиппа, Иова, Ермогена, Филарета, Иннокентиа и Тихона; святых славных и добропобедных мучеников; преподобных и богоносных отец наших; святых и праведных Богоотец Иоакима и Анны, и (святаго имярек, егоже есть храм и егоже есть день), и всех святых, молим Тя, Многомилостиве Господи: услыши нас грешных, молящихся Тебе, и помилуй нас.
Лик: Господи, помилуй (12 раз).
ИЕРЕЙ, возглас: Милостию и щедротами, и человеколюбием Единороднаго Твоего Сына с Нимже благословен еси, со Пресвятым, и Благим и Животворящим Твоим Духом, ныне и присно и во веки веков.
Лик: Аминь. Каноны (Из Минеи и Триоди).
Вместо обычных припевов Канона поются и читаются между тропарями канона стихи из песней, находящихся в конце ирмология или же в следованной псалтири.
После 3-й, 6-й и 9-й песен канона – ектения малая с соответствующими возгласами:
ДИАКОН: Паки и паки миром Господу помолимся.
Лик: Господи, помилуй.
Заступи, спаси, помилуй, и сохрани нас, Боже, Твоею благодатию.
Лик: Господи, помилуй.
Пресвятую, Пречистую, Преблагословенную, славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу Богу предадим.
Лик: Тебе, Господи.
ИЕРЕЙ, возглас по 3-й песни: Яко Ты еси Бог наш, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
ДИАКОН после 6-й песни канона: Паки И паки…
Возглас по 6-й песни: Ты бо еси Царь мира, и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
На 8-й песни канона Диакон совершает каждение алтаря и, выйдя на амвон и покадив правую сторону иконостаса, по окончании катавасии по 8-й песни возглашает:
Богородицу и Матерь Света в песнех возвеличим.
Лик: Величит душа Моя Господа…
ДИАКОН после 9-й Песни канона и «Достойно есть…» произносит: Паки и паки…
Возглас по 9-й песни: Яко Тя хвалят вся Силы Небесныя, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Чтец: Светилен из Триоди текущаго гласа
Хвалитные псалмы: Всякое дыхание да хвалит Господа (Пс. 150, 6)
Великое славословие: Слава в вышних Богу…
ДИАКОН: Исполним утреннюю молитву нашу Господеви.
Лик: Господи, помилуй.
Заступи, спаси, помилуй, и сохрани нас, Боже, Твоею благодатию.
Лик: Господи, помилуй.
Дне всего совершенна, свята, мирна и безгрешна, у Господа просим.
Лик: Подай, Господи.
Ангела мирна, верна наставника, хранителя душ и телес наших, у Господа просим.
Лик: Подай, Господи.
Прощения и оставления грехов, и прегрешений наших, у Господа просим.
Лик: Подай, Господи.
Добрых и полезных душам нашим, и мира мирови, у Господа просим.
Лик: Подай, Господи.
Прочее время живота нашего в мире и покаянии скончати, у Господа просим.
Лик: Подай, Господи.
Христианския кончины живота нашего безболезненны, непостыдны, мирны, и добраго ответа на Страшнем Судищи Христове, просим.
Лик: Подай, Господи.
Пресвятую, Пречистую, Преблагословенную, славную Владычицу нашу Богородицу и Приснодеву Марию со всеми святыми помянувшее, сами себе, и друг друга, и весь живот наш Христу Богу предадим.
Лик: Тебе, Господи.
ИЕРЕЙ, возглас: Яко Бог милости, щедрот и человеколюбия еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
ИЕРЕЙ: Мир всем.
Лик: И духови твоему.
ДИАКОН: Главы наша Господеви приклоним.
Лик: Тебе, Господи.
ИЕРЕЙ читает тайно молитву:
Господи Святый, в вышних живый и на смиренныя призираяй, и всевидящим Оком Твоим призираяй на всю тварь! Тебе приклонихом выю сердца и телесе, и молимся Тебе: простри Руку Твою от святаго жилища Твоего и благослови вся ны. И аще что согрешихом, волею или неволею, яко Благ и Человеколюбец Бог прости, даруя нам мирная и премирная благая Твоя.
ИЕРЕЙ, возглас: Твое бо есть еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь. Стихиры на стиховне из Триоди.
Чтец: Благо есть исповедатися Господеви… (дважды). Трисвятое, по Отче наш.
ИЕРЕЙ: Яко Твое есть Царство, и сила, и слава, Отца и Сына и Святаго Духа, ныне и присно и во веки веков.
Чтец: Аминь. И тропарь: В храме стояще… Господи, помилуй (40 раз). Слава, и ныне: Честнейшую Херувим… Именем Господним благослови, отче.
ИЕРЕЙ: Сый благословен Христос Бог наш, всегда, ныне и присно и во веки веков.
Чтец: Аминь. Небесный Царю, верныя люди укрепи, веру утверди, языки укроти, мир умири, святый храм сей добре сохрани; прежде отшедшыя отцы и братию нашу в селениихправедныхучи – ни, и нас в покаянии и исповедании приими, яко Благий и Человеколюбец.
ИЕРЕЙ читает пред Царскими вратами молитву прп. Ефрема Сирина:
Господи и Владыко живота моего, дух праздности, уныния, любоначалия и празднословия, не даждь ми. (Земной поклон.)
Дух же целомудрия, смиренномудрия, терпения и любве даруй ми, рабу Твоему. (Земной поклон.)
Ей, Господи Царю, даруй ми зрети моя прегрешения и не осуждати брата моего, яко благословен еси во веки веков. Аминь. (Земной поклон.)
Затем – 12 малых (поясных) поклонов с молитвою: Боже, очисти мя грешнаго и помилуй мя.
Произносит полностью молитву прп. Ефрема Сирина. (И поклон един) Господи и Владыко…
Чтец: Аминь. 1-й час.
ИЕРЕЙ после кафизмы, а если ее нет (в понедельник и пятницу кафизмы на 1-м часе не бывает) – после псалмов часа пред Царскими вратами:
Заутра услыши глас мой, Царю и Боже мой. (Земной поклон.)
Лик: Заутра, услыши…
ИЕРЕЙ: Глаголы моя внуши, Господи, разумей звание мое. (Земной поклон.)
Лик: Заутра, услыши…
ИЕРЕЙ: Яко к Тебе помолюся, Господи. (Земной поклон.)
Лик: Заутра, услыши…
ИЕРЕЙ: Слава Отцу и Сыну и Святому Духу.
Чтец: И ныне: (Продолжает час).
ИЕРЕЙ в конце 1-ого часа после возгласа чтеца «Именем Господним благослови, отче»:
Боже, ущедри ны, и благослови ны, просвети Лице Твое на ны и помилуй ны.
Чтец: Аминь.
ИЕРЕЙ: Господи и Владыко живота моего… (С 16-ю поклонами, см. с. 38)
Чтец: Трисвятое, по Отче наш.
ИЕРЕЙ: Яко Твое есть Царство, и сила, и слава, Отца и Сына и Святаго Духа, ныне и присно и во веки веков.
Чтец: Аминь. Господи, помилуй (12 раз).
ИЕРЕЙ на амвоне пред иконою Спасителя читает: Христе, Свете Истинный, просвещали и освящали всякаго человека, грядущаго в мир, да знаменается на нас Свет Лица Твоего, да в Нем узрим Свет неприступный, и исправи стопы наша к деланию заповедей Твоих, молитвами Пречистыя Твоея Матере и всех Твоих святых. Аминь.
Лик: Взбранной Воеводе…
ИЕРЕЙ: Слава Тебе, Христе Боже, упование наше, слава Тебе.
Лик: Слава, и ныне: Господи, помилуй (трижды). Благослови.
ИЕРЕЙ: Отпуст дня.
Последование канона на утрени
Понедельник
Песнь 1-я
После возгласа ИЕРЕЯ: «МИЛОСТИЮ И щедротами…»
Лик: стихословит 1-ю песнь канона: Поим Господеви, славно бо прославися… до Огустеша яко стена воды… (включительно). И поют 1-й ирмос канона из Минеи.
Лик: 1) Рече враг…
Чтец: Тропарь канона из Минеи.
Лик: 2) Послал еси Дух Твой.
Чтец: Тропарь канона из Минеи.
Лик: 3) Кто подобен Тебе в бозех, Господи.
Чтец: Тропарь канона из Минеи.
Лик: 4) Простерл еси десницу Твою.
Чтец: Тропарь канона из Минеи.
Лик: 5) Утешил еси крепостию Твоею.
Чтец: Богородичен канона Минеи.
Лик: 6) Тогда потщашася владыки Едомстии.
Чтец: Тропарь первого трипеснца из Триоди. (В понедельник 1-й седмицы – 2 тропаря за один.)
Лик: 7) Нападет на ня страх и трепет.
Чтец: Тропарь из Триоди.
Лик: 8) Дондеже пройдут людие Твои, Господи…
Чтец: Тропарь из Триоди.
Лик: 9) Введ, насади я в гору достояния Твоего…
Чтец: Богородичен первого трипеснца.
Лик: 10) Господь царствуяй веки и на век.
Чтец: Тропарь из второго трипеснца Триоди.
Лик: 11) И наведе на ня Господь воду морскую.
Чтец: Тропарь из Триоди.
Лик: 12) Слава Отцу и Сынуи Святому Духу.
Чтец: Троичен Триоди.
Лик: 13) И ныне и присно и во веки веков. Аминь.
Чтец: Богородичен из Триоди.
Лик: Слава Тебе, Боже наш, слава Тебе.
Чтец: Тропарь Триоди.
Лик: Слава Тебе, Боже наш, слава Тебе.
Чтец: Тропарь Триоди.
Лик: поет на катавасию ирмос Триоди второго трипеснца.
Песнь 3-я
Ирмос Минеи не поют, но сразу начинают стихи третьей песни.
Лик: 1) Господь взыде на небеса.
Чтец: Тропарь Минеи.
Лик: 2) И даст крепость царю нашему…
Чтец: Тропарь Минеи.
Лик: Слава Отцу и Сыну и Святому Духу.
Чтец: Тропарь Минеи.
Лик: И ныне и присно и во веки веков. Аминь.
Чтец: Богородичен Минеи.
Лик: Тотчас поет ирмос канона 3-й песни Минеи.
ИЕРЕЙ: ектения малая. Паки и паки… и возглас.
Чтец: Седален святого из Минеи. Слава, и ныне: Богородичен или Крестобогородичен.
Песнь 4-я
Лик:Ирмос Минеи и Стих: 1) Господь Бог мой – сила моя.
Чтец: Тропарь канона из Минеи.
Лик: 2) И на высокая возводит мя.
Чтец: Тропарь из Минеи.
Лик: Слава Отцу и Сыну и Святому Духу.
Чтец: Тропарь из Минеи.
Лик: И ныне и присно и во веки веков. Аминь.
Чтец: Богородичен из Минеи.
Песнь 5-я
Лик: Ирмос Минеи и Стих: 1) Воскреснут мертвии.
Чтец: Тропарь канона из Минеи.
Лик: 2) Роса бо, яже от Тебе.
Чтец: Тропарь из Минеи.
Лик: Слава Отцу и Сыну и Святому Духу.
Чтец: Тропарь из Минеи.
Лик: И ныне и присно и во веки веков. Аминь.
Чтец: Богородичен из Минеи.
Песнь 6-я
Ирмос 6-й песни Минеи не поют
Лик: Сразу стих 6-й песни: 1) Хранящии суетная и ложная.
Чтец: Тропарь из Минеи 6-й песни.
Лик: 2) Аз же со гласом хваления.
Чтец: Тропарь из Минеи.
Лик: Слава Отцу и Сыну и Святому Духу.
Чтец: Тропарь из Минеи.
Лик: И ныне и присно и во веки веков. Аминь.
Чтец: Богородичен из Минеи.
Лик: Поет на катавасию ирмос 6-й песни канона Минеи.
ИЕРЕЙ: ектения малая. Паки и паки…
Чтец: Кондак святому если есть, если нет, то мученичен гласа из Октоиха.
Песнь 7-я
Лик: Поет ирмос Минеи и Стих: 1) Благословен еси на Престоле славы…
Чтец: Тропарь из 7-й песни канона Минеи.
Лик: 2) Благословен еси на тверди небесней.
Чтец: Тропарь из Минеи.
Лик: Слава Отцу и Сыну и Святому Духу.
Чтец: Тропарь из Минеи.
Лик: И ныне и присно и во веки веков. Аминь.
Чтец: Богородичен из Минеи.
Песнь 8-я
Чтец: Начинает стихословить 8-ю песнь: Благословите, вся дела Господня, Господа. до Благословите, огнь и вар. (включительно).
Лик: Поют ирмос Минеи 8-й песни и Стих 1) Благословите, росы и иней.
Чтец: Тропарь из 8-й песни канона Минеи.
Лик: 2) Благословите, сланы и снези.
Чтец: Тропарь из Минеи.
Лик: 3) Благословите, свет и тьма.
Чтец: Тропарь из Минеи.
Лик: 4) Благословите, земля, горы и холми…
Чтец: Тропарь из Минеи.
Лик: 5) Благословите, источницы, моря и реки.
Чтец: Богородичен из Минеи.
Лик: 6) Благословите, вся птицы небесныя.
Чтец: Тропарь из 1-го трипеснца Триоди 8-й песни.
Лик: 7) Благословите, сынове человечестии.
Чтец: Тропарь Триоди.
Лик: 8) Благословите, священницы.
Чтец: Тропарь Триоди.
Лик: 9) Благословите, дуси и души праведных.
Чтец: Богородичен Триоди 1-го трипеснца.
Лик: 10) Благословите, Анания, Азария, Мисаил..
Чтец: Тропарь Триоди 2-го трипеснца.
Лик: 11) Благословите, апостоли, пророцы и мученицы.
Чтец: Тропарь Триоди.
Лик: 12) Благословим Отца и Сына и Святаго Духа Господа.
Чтец: Троичен Триоди 2-го трипеснца.
Лик: 13) Ныне и присно и во веки веков. Аминь.
Чтец: Богородичен Триоди 2-го трипеснца.
Лик: Слава Тебе, Боже наш, слава Тебе.
Чтец: Тропарь Триоди.
Лик: Хвалим, благословим, поклоняемся Господеви, поюще и превозносяще во вся веки.
И сразу – на катавасию ирмос Триоди 2-го трипеснца.
ИЕРЕЙ: Богородицу и Матерь Света в песнех возвеличим.
Лик: Честнейшую…
Песнь 9-я
Лик: поет ирмос 9-й песни канона Минеи и Стих:
1) Благословен Господь Бог Израилев…
Чтец: Тропарь канона из Минеи.
Лик: 2) И воздвиже рог спасения нам…
Чтец: Тропарь из Минеи.
Лик: 3) Якоже глагола усты святых.
Чтец: Тропарь из Минеи.
Лик: 4) Спасение от враг наших.
Чтец: Тропарь из Минеи.
Лик: 5) Сотвори милость со отцы нашими.
Чтец: Богородичен из Минеи.
Лик: 6) Клятву, еюже клятся ко Аврааму.
Чтец: Тропарь из Триоди 1-го трипеснца.
Лик: 7) Служити Ему преподобием и правдою.
Чтец: Тропарь из Триоди.
Лик: 8) И Ты, Отроча, пророк Вышняго наречешися.
Чтец: Тропарь из Триоди.
Лик: 9) Дати разум спасения людем Его…
Чтец: Богородичен Триоди 1-го трипеснца.
Лик: 10) В нихже посети нас Восток с высоты.
Чтец: Тропарь Триоди 2-го трипеснца.
Лик: 11) Направити ноги наша на путь мирен.
Чтец: Тропарь Триоди.
Лик: Слава Отцу и Сыну и Святому Духу.
Чтец: Троичен Триоди.
Лик: И ныне и присно и во веки веков. Аминь.
Чтец: Богородичен Триоди.
Лик: Слава Тебе, Боже наш, слава Тебе.
Чтец: Тропарь из Триоди.
Лик: поет на катавасию ирмос Триоди из 2-го трипеснца и Достойно есть…
Вторник
Песнь 1-я
Лик: Ирмос канона из Минеи и Стих: 1) Господь, царствуяй веки, и на век.
Чтец: Тропарь из Минеи.
Лик: 2) И наведе на ня Господь воду морскую.
Чтец: Тропарь из Минеи.
Лик: Слава Отцу и Сыну и Святому Духу.
Чтец: Тропарь из Минеи.
Лик: И ныне и присно и во веки веков. Аминь.
Чтец: Богородичен из Минеи.
И затем: «поскору» вычитывает полностью 2-ю песнь:
Вонми небо…
Песнь 2-я
Лик: поет ирмос 2-й песни Триоди и припев: 1) Слава Тебе, Боже наш, слава Тебе.
Чтец: Тропарь Триоди 1-го трипеснца.
Лик: 2) Слава Тебе, Боже…
Чтец: Тропарь Триоди.
Лик: 3) Слава Тебе, Боже…
Чтец: Тропарь Триоди.
Лик: 4) Пресвятая Богородице, спаси нас.
Чтец: Богородичен Триоди 1-го трипеснца.
Лик: 5) Слава Тебе, Боже…
Чтец: Тропарь Триоди 2-го трипеснца.
Лик: 6) Слава Тебе, Боже..
Чтец: Тропарь Триоди.
Лик: Слава Отцу и Сыну и Святому Духу.
Чтец: Троичен Триоди.
Лик: И ныне и присно и во веки веков. Аминь.
Чтец: Богородичен Триоди.
Лик: Слава Тебе, Боже…
Чтец: Последний тропарь Триоди.
Лик: поет на катавасию ирмос Триоди 2-го трипеснца.
Песнь 3-я
Ирмос вначале не поется
Лик: сразу после катавасии 2-й песни Триоди Стих:
1) Господь взыде на небеса.
Чтец: Тропарь Минеи.
Лик: 2) И даде крепость царю нашему.
Чтец: Тропарь Минеи.
Лик: Слава Отцу и Сыну и Святому Духу.
Чтец: Тропарь Минеи.
Лик: И ныне и присно и во веки веков. Аминь.
Чтец: Богородичен Минеи.
Лик: поет ирмос канона 3-й песни Минеи.
ИЕРЕЙ: ектения малая. Паки и паки…
Песнь 4-я
Лик: Ирмос Минеи, Стих: 1) Господь Бог мой- сила моя.
Чтец: Тропарь из Минеи.
Лик: 2) И на высокая возводит мя.
Чтец: Тропарь Минеи.
Лик: Слава Отцу и Сыну и Святому Духу.
Чтец: Тропарь Минеи.
Лик: И ныне и присно и во веки веков. Аминь..
Чтец: Богородичен Минеи.
Песнь 5-я
Песнь 5-я соединяется с 6-й
Лик: поет ирмос 5-й песни канона Минеи и Стих:
1) Воскреснут мертвии.
Чтец: Тропарь из Минеи.
Лик: 2) Роса бо, яже от Тебе, исцеление им есть.
Чтец: Тропарь Минеи.
Лик: Слава Отцу и Сыну и Святому Духу.
Чтец: Тропарь Минеи.
Лик: И ныне и присно и во веки веков. Аминь.
Чтец: Богородичен Минеи.
Песнь 6-я
Лик: Ирмос Минеи не поют, но сразу Стих: 1) Хранящии суетная и ложная.
Чтец: Тропарь из 6-й песни канона Минеи.
Лик: 2) Аз же со гласом хваления и исповедания.
Чтец: Тропарь Минеи.
Лик: Слава Отцу и Сыну и Святому Духу.
Чтец: Тропарь Минеи.
Лик: И ныне и присно и во веки веков. Аминь.
Чтец: Богородичен Минеи.
ЛИК: поет на катавасию ирмос 6-й песни канона Минеи.
ИЕРЕЙ: ектения малая. Паки и паки…
Песни 7-я, 8-я, 9-я поются как в Понедельник.
Среда
Песнь 1-я
Лик: поет ирмос Минеи и Стих: 1) Господь, царствуяй веки, и на век…
Чтец: Тропарь из Минеи.
Лик: 2) И наведе на ня Господь воду морскую.
Чтец: Тропарь из Минеи.
Лик: Слава Отцу и Сыну и Святому Духу.
Чтец: Тропарь из Минеи.
Лик: И ныне и присно и во веки веков. Аминь.
Чтец: Богородичен Минеи. И начинает стихословить 3-ю песнь: Утвердися сердце мое во Господе. до Лук сильных изнеможе. (включительно).
Песнь 3-я
Лик: поет ирмос канона Минеи и Стих: 1) Исполнении хлебов, лишишася.
Чтец: Тропарь канона Минеи.
Лик: 2) Яко неплоды роди седмь.
Чтец: Тропарь Минеи.
Лик: 3) Господь мертвит и живит.
Чтец: Тропарь Минеи.
Лик: 4) Господь убожит и богатит.
Чтец: Тропарь Минеи.
Лик: 5) Посадити Его с могущими людей.
Чтец: Богородичен Минеи.
Лик: 6) Даяй молитву молящемуся.
Чтец: Тропарь Триоди 1-го трипеснца.
Лик: 7) Яко не укрепляется силен муж крпостию своею.
Чтец: Тропарь Триоди.
Лик: 8) Да не хвалится премудрый премудростию своею.
Чтец: Тропарь Триоди.
Лик: 9) Но о сем да хвалится хваляйся.
Чтец: Богородичен Триоди 1-го трипеснца.
Лик: 10) Господь взыде на небеса.
Чтец: Тропарь Триоди 2-го трипеснца.
Лик: 11) И даст крепость царю нашему…
Чтец: Тропарь Триоди.
Лик: Слава Отцу и Сыну и Святому Духу.
Чтец: Троичен Триоди.
Лик: И ныне и присно и во веки веков. Аминь.
Чтец: Богородичен Триоди.
Лик: Слава Тебе, Боже наш, слава Тебе.
Чтец: Последний тропарь Триоди.
Лик: поет на катавасию ирмос 3-й песни Триоди
2-го трипеснца.
ИЕРЕЙ: ектения малая. Паки и паки…
Песнь 4-я
Лик: поет ирмос Минеи и Стих: 1) Господь Бог мой-сила моя.
Чтец: Тропарь Минеи.
Лик: 2) И на высокая возводит мя.
Чтец: Тропарь Минеи.
Лик: Слава Отцу и Сыну и Святому Духу.
Чтец: Тропарь Минеи.
Лик: И ныне и присно и во веки веков. Аминь.
Чтец: Богородичен Минеи.
Песнь 5-я
Песнь 5-я и 6-я объединяются
Лик: поет ирмос 5-й песни канона Минеи и Стих:
1) Воскреснут мертвии, и востанут, иже во гробех.
Чтец: Тропарь Минеи.
Лик: 2) Роса бо, яже от Тебе.
Чтец: Тропарь Минеи.
Лик: Слава Отцу и Сыну и Святому Духу.
Чтец: Тропарь Минеи.
Лик: И ныне и присно и во веки веков. Аминь.
Чтец: Богородичен Минеи.
Песнь 6-я
Лик: Ирмос 6-й песни не поют, но сразу стих 6-й песни: 1) Хранящии суетная и ложная.
Чтец: Тропарь Минеи.
Лик: 2) Аз же со гласом хваления и исповедания.
Чтец: Тропарь Минеи.
Лик: Слава Отцу и Сыну и Святому Духу.
Чтец: Тропарь Минеи.
Лик: И ныне и присно и во веки веков. Аминь..
Чтец: Богородичен Минеи.
Лик: поет на катавасию ирмос 6-й песни Минеи.
ИЕРЕЙ: ектения малая. Паки И паки…
Песни 7-я, 8-я, 9-я поются как в Понедельник.
Четверг
Песнь 1-я
Лик: поет ирмос Минеи и Стих: 1) Господь, царствуяй веки, и на век…
Чтец: Тропарь канона из Минеи.
Лик: 2) И наведе на ня Господь воду морскую.
Чтец: Тропарь Минеи.
Лик: Слава Отцу и Сыну и Святому Духу.
Чтец: Тропарь Минеи.
Лик: И ныне и присно и во веки веков. Аминь.
Чтец: Богородичен Минеи.
Песнь 3-я
Лик: Ирмос Минеи не поется, но сразу Стих: 1) Господь взыде на Небеса.
Pulsuz fraqment bitdi.
