Kitabı oxu: «Акафист царю искупителю Николаю»

В последние годы коммунистического строя одна богомольная старушка во время поста молилась в храме святому Николаю Угоднику о спасении России. И вот перед глазами как бы разостлался туман, в дымке которого явились ей двое. Впереди шел святитель Николай Чудотворец и вел за руку государя Николая Александровича. Обратившись к молящейся, Николай Чудотворец сказал: «Почто просишь меня? У России ныне есть заступник, его и моли!» И, указав на государя, добавил: «Вот новый Николай Угодник, благоверный царь искупитель, святой молитвенник за Россию и за русский народ».

Из сборника «Чудеса царственных мучеников»

День памяти: 6 / 19 мая, 4 / 17 июля

Кондак 1

Избранный от рождения царю Николае, земной образ Христа Царя по благодати миру всему показавый, во дни окаянныя смуты народом твоим на оклеветание, поругание и пропятие сыновом диавола изменою подлою преданный, и яко агнец Божий, соборный грех его на себе понесший; подвиг любви Голгофской искупительной жертвою явивый, ради спасения России и искупления греха неверности народа ея. Тебе, предивному угоднику Божию и Святой Руси самодержцу, похвальная воспеваем пение: Радуйся, святый царю-искупителю Николае, Русь Святую к воскресению чрез всенародное покаяние призывающий.

Икос 1

Ангела во плоти зрели тя людие русские, святый царю-

АКАФИСТ СВЯТОМУ ЦАРЮ ИСКУПИТЕЛЮ НИКОЛАЮ II

искупителю Николае, в православной вере непоколебимо стоящего и единой целью мирное преуспеяние, могущество и славу России имущего; яко чадолюбивый отец людем твоим всякаго звания и состояния был еси. Обаче, духом мира сего прельщении, уклонишася чада твоя от служения Богу и тебе христу Его, на стези погибельныя. Мы же, подвигу твоему дивящеся, восхваляем тя тако: Радуйся, любви христовой воплощение; Радуйся, престола русского украшение; Радуйся, Иову многострадальному смирением уподобивыйся; Радуйся, за искупительный подвиг воссести одесную Христа удостоивыйся; Радуйся, святый царю-искупителю Николае, Русь Святую к воскресению чрез соборное покаяние призывающий.

Кондак 2

Видяще Милосердный Господь древо велие державы русския ветрами злобы поднебесной колеблемо и множеством паразитов люте изъязвляемо, воздвигоша тя, святый царю Николае, яко премудрого вертоградаря в вертограде своем, да попечением благим корни его с любовию укрепиши и произрастит изобилие плодов. Понеже корень древа бысть священный царский род. Тем благость Божию из десницы твоей приемше, взываем Творцу всех: Аллилуйя.

Икос 2

Десницу Господню во помазаннике Божием не хотяше видите и очи сердца своего гордыней предерзостной омрачиша, потщишася знатныя люди русския, державную десницу христа Господня супротив воли Божией по воле своей направляти. Егда же в похотении суетнем тобою обличени быша, умыслили еси в сердцах измену. Ты же, любовию отеческой чада державного лона покрывая, вся им простил еси. Сего ради тя ублажаем: Радуйся, царского корени благодатная отрасль; Радуйся, державного древа премудрый вертоградарю;. Радуйся, секирою измены с чадами твоими посеченный; Радуйся, радуйся грехи царского рода жертвой святой искупивый; Радуйся, святый царю-искупителю Николае, Русь Святую к воскресению чрез соборное покаяние призывающий.

Кондак 3

Сила Вышняго осени тя, святый царю Николае, волю святую Царя Небесного на земли смиренно творити и государством русским яко самодержец мудро правити. Да милостию Божией, по молитвам твоим, благодать стяжавши, поют людие русские Христу Богу: Аллилуйя.

Икос З

Имея тщание о благоустроении Церкви и державы русския, призвал еси верно служити тебеебе, яко трона опора, слуги ближние: у престола царского предстоящий, совет государев творящий, властию на местах облеченнии, да суд и правду соблюдут ко благу отечества. Сии же, Богу данный обет на верность тебе, не сохраниша, возжелали еси волю Божию чрез тебя Руси являемую, законом человеческим, яко стеною оградити. Похоти сердца своего невозбранно творити и путями Господними не ходити. Слуги же вернии глаголют ти: Радуйся, твердое закона Христова на земли основание; Радуйся, всех обидимых непостыдное упование;

Радуйся, слугами ближними во дни испытания преданный; Радуйся, изменою власть захвативших милостиво простивый; Радуйся, святый царю-искупителю Николае, Русь Святую к воскресению чрез всенародное покаяние призывающий.

Кондак 4

Бурею злобы врагов Христа и отечества нашего не устрашивыйся, с малых лет служению ратному посвятил еси себе, царю Николае. Завет родителя твоего в сердце храняще, яко несть у России в мире сем други вернии, токмо армия и флот России – сила ратная. Сего ради заботою непрестанной облеклся еси о силе и славе воинства бранного. Да воспевают вси воини русские победную песнь Христу Богу: Аллилуйя.

Икос 4

Слышаще воины православные трубный глас царя самодержавного, воздвигошася на брань в защиту единоверныя страны сербския и подвигами ратными весь мир удивиша. Обаче, изнемогоша от ран и скорбей, лестью вражией яко жалом клеветы диаволей уязвленнии, позабыли еси священную клятву верности Богу и тебе Его помазаннику. И тако сатаниной лестию обольщении обратили на други своя оружие бранное по наущению изменников воевод предали на оклеветание, поругание и пропятие солнце земли русския, царя самодержавного. Сего ради попусти Господь сынам диавола, казнити лютой смертью воины русския и губити воинство Руси нашей славное. Да во безумии своем покаемся, с воинством Ангельским восхвалим Бога и помазанника Его: Радуйся, воинства христианского державный предводителю;

Радуйся, гордыни вражеской на поле брани победителю; Радуйся, войском мятежным на поругание нехристей оставленный; Радуйся, чести ратной до смерти не посрамивый; Радуйся, святый царю-искупителю Николае, Русь Святую к воскресению чрез всенародное покаяние призывающий.

Кондак 5

Боготечною звездой явися народу русскому добродетельное твое житие, царю Николае, яко чудным венцем добродетелей христианских светло украшенный, об укреплении веры православной неустанно ревновал еси: духовном просвещении, храмов созидании, добронравия насаждении. Во еже, благодатию осеняемии, взывают радостно людие православные: Аллилуйя.

Икос 5

Видеша архипастыри и пастыри церкви русской устои державы безверием и нестроениями колеблемии. Державу русскую за нечестие пастырей многими нестрояниями и безверием обуяваемую, потщился еси люди на Свет и Истину наставити, о священстве имеша попечение не суетное. Но не познаша тя пастыри русские, злом за благо тебе воздаша и вместо верности, изменою подлою сердце твое изостриша. И тако оскуде в народе исконная вера православная во самодержавного царя, яко помазанника Божия и провозвестника Святой воли Его. Отонуду же, духом мятежным искушаемии, мерзость запустения на святом царском месте в церковной молитве сотворили есте. И вместо тя – Божия избранника – сыновей диавола на святом царском месте христа Господня поминати сташа и лукавых вождей смуты благословиша. Сим грех клятвопреступления на всех пастырей русских яко вериги тяжкие возложили еси. Сего ради сотвори Господь по молитве просящих, и положи под нози христоборцев люди русские, и пожроша за сие беззаконие лютый огонь гнева Божия пастырей Церкви Русския. Но не уразумели тоя причины гнева Божия, и до ныне мерзость запустения в церковной молитве творят такожде. О таковом ослеплении сердец их болезнуя, вопием ти: Радуйся, Церкви Русской столпе и ограждение; Радуйся, веры православной твердое исповедание; Радуйся, в смуте соборной молитвы изменой лишенный; Радуйся, от пастырей русских сугубого покаяния ожидающий; Радуйся, святый царю-искупителю Николае, Русь Святую к воскресению чрез всенародное покаяние призывающий.

Кондак 6

Проповедником доблестного служения отечеству явился еси, преславный царю-искупителю Николае, образ верности и трудолюбия народу твоему показуя, наипаче же дворянству русскому, понеже родословием своим ко служению Господу и отечеству призвани бысть. Да подвигами славными увенчании, славословят Бога:

Аллилуйя. Икос 6

Возсияла еси паче солнца мирови, слава державы русския, под скипетром твоим венценосче святый. Обаче исконнии слуги твоя, опора твоя верная, духом гордости и ядом чужебесия одержими, возлюбиша паче служения Богови славу мира сего, душетленному западу, яко идолу златому, поклонение творяху. Сего ради, якоже иноземцы в земли нашей обретающеся, измену царю в сонмищах тайных сплетали, и тя святый царю Николае, изменною подлою на оклеветание, поругание и пропятие врагам рода русского предаша. Сего ради, видя Господь нераскаянную злобу сердец сих, под серп христоборцев дворянское сословие Руси отдаша, и яко лозу безплодную секирою праведного гнева Своего посекоша. Мы же люди русския, в разум истины ныне, по молитвам твоим возращающеся, ублажаем тя сице: Радуйся, доблести дворянской пресветлое зерцало; Радуйся, беззаветного Святой Руси служения образе и начало; Радуйся, родом дворянским в бедах отринутый; Радуйся, слугам неверным все неправды простивый; Радуйся, святый царю-искупителю Николае, Русь Святую к воскресению чрез всенародное покаяние призывающий.

Кондак 7

Царство Христово на земли, по воле Божией мудро созидая, царю Николае, даровал еси милость свою людям твоим, земледельцам и всем в поте лица своего труждающимся, поелику тии суть державы твоея хребет бысть, веру Христову и законы предков непреложно храняще, Царя Небесного, во иконе Его земной – христа Господня – неприложно почитающее, едиными усты и единым сердцем глаголюще Богу: Аллилуйя.

Икос 7

Новаго тя Соломона Премудрого разумели людие русские, державу твою яко храм Божий сотворшаго не ради славы земной, но спасения ради душ человеческих, зане все странники на земли еси в привременней жизни сей. Внегда же налете смута, яко буря в море житейском, возжелаша земледельцы суетне разделение земли учинити, имением тленным соблазнишася, не хотяще во истине Богу и тебе, христу Его, пети: Радуйся, земли русской нелицемерный любителю; Радуйся, труженников ея милостивый покровителю; Радуйся, на верность народа упование возлагавый; Радуйся, изменою его в сердце уязвленный; Радуйся, святый царю-искупителю Николае, Русь Святую к воскресению чрез всенародное покаяние призывающий.

Кондак 8

Странное чудо всему миру явися, егда под крылом твоим, боговенчанный царю Николае, возвеличишася держава русская и процвете, яко крин сельный, богатством и славою, наипаче же трудолюбием мастеровых людей ея иноземныя страны изрядно удивляюще. О сем радуяся, воспеваем со умилением Богу: Аллилуйя.

Икос 8

Весь бе в вышних и нижних никакоже отступи, помазанниче Божий, нужды многоразличные народа русского в сердце твоем храняще. В первых же покрыл еси попечением родительским люди мастеровые, законы новыя им дароваша и царскую милость. Обаче тии, учениями безбожными прельщеннии, отвергошася тебе яко блудний сын и смуту во отечестве учиниша. Мы же милость твою памятующе, хвалим тя сице: Радуйся, неутомимый трудолюбия образе; Радуйся, людей мастеровых попечителю и друже; Радуйся, любовью отеческой нужды их покрывавый; Радуйся, изменою лютой за любовь вознагражденный;

Радуйся, святый царю-искупителю Николае, Русь Святую к воскресению чрез всенародное покаяние призывающий.

Кондак 9

Всякое естество ангельское покланяется Царю Небесному и Содетелю всех: Свят, Свят, Свят со страхом вопиюще, такожде и людие русские поклоняхуся ти, святый царю-искупителю Николае, яко живому образу Христа Царя, во умилении сердца поюще: Боже, царя храни и Бога славословя: Аллилуйя.

Икос 9

Ветии многовещаннии не возмогут изрещи вся благодеяния твоя народу русскому, избранище Христов, яко покровитель любомудрия был еси, людем книжным, в словесех и художествах искусным, благоволение даруя. Тии же, гордынею и вольнодумством обуяннии, отвергошася Господа, и поклоньшася лжеименному разуму человеческому, премногие на тя хулы возводя по образу Хамову. И тако сего нечестия ради, гневом Божиим в смуте посечени быша и до сего дне к Богу и христу Его не обратишася. Мы же о таковем ослеплении лучших людей русских скорбяще, ублажаем тя: Радуйся, покровителю наук и любомудрия; Радуйся, проповедниче благочестия и целомудрия; Радуйся, свободу глаголания ветиям даровавый; Радуйся, злохуления и клеветы от новых иуд в награду приемый; Радуйся, святый царю-искупителю Николае, Русь Святую к воскресению чрез всенародное покаяние призывающий.

Кондак 10

Спасти хотя народы русския от глада и нищеты, милостивый Господь, даровал еси им благословение твое преизобильною торговлей безпреткновенно промышляти, да потрудишася неленностно ко благу сему, послужат отечеству и Церкви Христовой и люда малоимущего процветанию сугубому, во еже всем людем ея богатым и бедным купно глаголати Богу: Аллилуйя.

Икос 10

Стеной нерушимою пользы отечества твоего показался еси, державный хозяине земли русской, зане многоразличное богатство ея в расхищение алчным иноземцам не предал еси, о благе людей русских непрестанное попечение имущее, наипаче же торгующим и созидающим изрядное явил благорасположение. Обаче тии, вместо Бога мамоне начаша неусыпно служити, Церковь Божию и бедных позабыша, и благодеяний Божиих из десницы твоей дарованных не уразумеша. Сего ради попущением Божиим богатства неправедного лешишася и истреблени быша, и горькое скитание по чуждем странам прияша. Мы же ныне в разум вернутся труждающиеся благоденствия земле русской желающе взываем ти: Радуйся, державы русской обогатителю; Радуйся, нищих, вдов и сирот щедрый питателю; Радуйся, богатым и бедным отечески благоволивый; Радуйся, в нищете всеми без вспоможения покинутый; Радуйся, святый царю-искупителю Николае, Русь Святую к воскресению чрез всенародное покаяние призывающий.

Кондак 11

Пение всякое побеждается, восхвалити тщащееся неизреченную милость твою, боговенчанный домовладыко, царю Николае, ко множеству народов и племен, державы русской просторы населяющих, яко правитель добрый и миротворец искусный был еси, вся люди твоя любовью отчей равно покрывая, да славословят во единении братском всех Творца: Аллилуйя.

Икос 11

Светозарную звезду, светом любви Христовой тьму неведения просвещающую, зрели тя, венценосче святый, племена и языки в пределах державы русския обретающиеся. Зане, дивным светом ея, яко волсви и пастухи водимые, обретоша веру истинную и путь ко спасению, царю земному якоже Небесному Царю послужиша усердно. Егда же диавольскими козньми обольщени быша, отвергошася служения тебе, и сим от служения Богу истинному, разыдошася яко овцы без пастыря не возмогоша пети ти:: Радуйся, веры христовой свете путеводный; Радуйся, народов державы русской пастырю добрый; Радуйся, ковчега спасительнаго искусный кормчий; Радуйся, в омрачении смуты от инородцев и чад своих безславимый и похуленный; Радуйся, святый царю-искупителю Николае, Русь Святую к воскресению чрез всенародное покаяние призывающий.